• Met Gala 2027. Ջոն Գալիանոյի հետ կապված սկանդալից հետո նորաձևության աշխարհը պառակտել է պարահանդեսի նոր թեման  

  Ինչպես հաղորդում է Vogue-ը, 2027 թվականի Met Gala-ի թեման է «արտակարգ. նորաձևությունը և առօրյայի պոետիկան» «extraORDINARY: Fashion and the Poetics of the Everyday»...

• Անհետանալ՝ էլ ավելի ցանկալի դառնալու համար․ ինչպես Bottega Veneta-ն Instagram-ում հինգամյա լռությունը վերածեց նորաձև ռազմավարության

  Ավելի քան հինգ տարվա լռությունից հետո Bottega Veneta-ն կրկին բացել է իր էջը Instagram-ում։ Այս վերադարձը բրենդն ուղեկցել է լակոնիկ S’ciao բառով՝ հին վենետիկյան ողջույնով, որը ծագում է schiavo vostro («ձեր ծառան եմ» / «պատրաստ եմ ձեզ ծառայելու») արտահայտությունից։ Իտալական հին ցուցանակներին և 1960-ականների տպագիր դիզայնին հղում անող նրբագեղ տառատեսակով գրությունն ընկալվել է որպես վերադարձի խորհրդանշական հրավեր, գրում է La Repubblica-ն...

• Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

  Հայաստանում Հելոուինը տարեցտարի ավելի նկատելի ներկայություն է ձեռք բերում…

• Մի անգամ Prada-ի աշխարհում․նորաձևության տունն իր նոր արշավը վերածել է «Դիսնեյի» հեքիաթի

  Prada-ն հրավիրում է հեքիաթային աշխարհ, որտեղ բյուրեղապակյա կոշիկների փոխարեն դիզայներական աքսեսուարներ են, իսկ նկարված արքայադուստրերի փոխարեն՝ Սեդի Սինկն ու Մայա Հոքը…

• Lamborghini-ն` ձեր ուսերին. Balenciaga-ն ներկայացնում է 9,500 դոլար արժողությամբ բաճկոն և գլխարկ՝ ավիատոմսերի գնով

  Balenciaga-ն և Automobili Lamborghini-ն կրկին միավորվել են՝ ներկայացնելով սահմանափակ քանակությամբ հագուստի հավաքածու, որը ոգեշնչված է Fenomeno նոր հիբրիդային սուպերմեքենայից…

• Dolce & Gabbana-ն և Mytheresa-ն շքեղ հավաքածու են ներկայացրել 2026 թվականի Սուրբ Ծննդյան համար

  Փայլ, փայլեր և համարձակ կանացիություն. Dolce & Gabbana-ն և Mytheresa-ն կրկին միավորվել են՝ 2026 թվականի Սուրբ Ծննդյան համար բացառիկ կապսուլային հավաքածու թողարկելու համար…

• «Նորաձևությունը կարող է լինել Հայաստանը աշխարհին ներկայացնելու միջոց». Ստելլա Մանֆերդինի՝ Harper's Bazaar Italia-ի և ELLE Italia-ի խմբագիր

  Մեկ շաբաթ է անցել «Երևանի նորաձևության շաբաթ 2026»-ի ավարտից։ Այս մի քանի օրերը հնարավորություն տվեցին ոչ միայն բացահայտել հայ դիզայներների աշխատանքները, այլև ուսումնասիրել տեղական նորաձևության ոլորտը միջազգային մասնագետների աչքերով․․․

• Մերկ կորսետները գրավել են կարմիր գորգը. Աստղերից ով է մերկությունը վերածել արվեստի, և ո՞վ է չափն անցել  

  Մերկ մարմինը դարձել է 2026 թվականի գլխավոր նորաձևության աքսեսուարը։ Հայդի Քլումը, Զենդայան, Քիմ Քարդաշյանը և այլ հայտնիներ դուրս են գալիս անսովոր կորսետներով, որոնք ընդօրինակում են մերկ կուրծքն ու կորերը։ Ոմանք սադրիչ հանդերձանքները վերածում են արվեստի գործերի, մինչդեռ մյուսները ռիսկի են դիմում չափազանց բացահայտող թվալ...

Օգոստոսի 18-ից 29-ն ընկած ժամանակահատվածում Գերմանիայի Բրեմեն քաղաքում կկայանա Top Model of the World համաշխարհային գեղեցկության մրցույթը, որին Հայաստանը կներկայացնի մոդել Մարիամ Դավթյանը:

Մրցույթի մանրամասների եւ մոդելային կարիերայի շուրջ հետաքրքիր զրույց ունեցանք Մարիամի հետ, որը նաեւ դարձավ մեր նոր ֆոտոշարքի հերոսուհին:

-Մարիամ, առաջիկայում ներկայացնելու ես Հայաստանը Top Model  of the World մրցույթում: Կպատմե՞ս` ինչպես ստացվեց, որ քեզ ընտրեցին մասնակցելու այդ մրցույթին:

-Եղավ քասթինգ, որին մասնակցեցի «Համաշխարհային գեղեցկության եւ նորաձեւության լիգայի» նախագահ Աշոտ Խաչատրյանի օգնությամբ ու ընտրվեցի Top Model Հայաստան 2016 եւ օգոստոսի 18-ից 29-ը կլինեմ Գերմանիայի Բրեմեն քաղաքում, որտեղ էլ կկայանա մրցույթը, որին մասնակցում են, գրեթե, 50 երկրների մասնակիցներ: Մրցույթը տեւելու է տասը օր: Այդ ընթացքում կփորձեմ հնարավորինս լավ ներկայացնել Հայաստանը:

-Իսկ նախկինում մրցույթների մասնակցե՞լ ես:

-Այս մրցույթից առաջ մասնակցել եմ Miss All Nations մրցույթին, որը կայացել է Չինաստանում: Մրցույթը տեւեց մեկ ամիս, մասնակցում էին 40-ից ավել երկրներ. Այնտեղ արժանացա «Միսս Հմայք» անվանակարգին: Դա առաջին մրցույթն էր, որին երբեւէ մասնակցել էի եւ շատ շնորհակալ եմ պարոն Խաչատրյանին նման հնարավորության համար:

-Ինչպե՞ս հայտնվեցիր այս ասպարեզում:

-Պոդիմումի վրա հայտնվելն իմ մանկության երազանքն է եղել: Սովորել եմ «Ատեքս» նորաձեւության դպրոցում, որն ավարտելուց հետո մուտք եմ գործել մոդելային ասպարեզ:

-Բացի մոդելինգից` այլ մասնագիտություն ստանո՞ւմ ես:

-Այո, սովորում եմ ԵՊՀ-ում` չորրորդ կուրսում. ապագա լեզվաբան եմ: Ապագայում կփորձեմ համատեղել մասնագիտությունս մոդելինգի հետ: Տարբեր կարծրատիպեր կան մոդելների մասին, որոնք պետք է անպայման կոտրել եւ ապացուցել, որ մոդելինգի հետ կարող ես համատեղել նաեւ կրթությունը:

-Որպես մոդել` դժվարությունների հանդիպո՞ւմ ես:

-Հատկապես, Հայաստանում այլ կերպ են վերաբերվում մոդելների մասնագիտությանը: Առանց ճանաչելու շատ աղջիկների նրանց մասին բացասական կարծիք են ձեւավորում: Իսկ երբ նոր ես լինում այս ասպարեզում, այլ դժվարություններ էլ են լինում. քեզ դեռեւս չեն ճանաչում դիզայներները: Դե, բայց ամեն ինչ միանգամից չի լինում, հաջողությունը ժամանակի ընթացքում է ձեւավորվում:

-Ասում են` մոդելները դժվարությամբ են ստեղծում ընկերություն: Որքանո՞վ է դա համապատասխանում իրականությանը:

-Ինձ հաճախ են այդ հարցը տալիս, բայց պետք է ուրախությամբ նշեմ, որ մոդելների մեր խմբում առողջ ընկերություն կա եւ հարկ եղած դեպքում մեկս մյուսին օգնում ենք խորհուրդներով: Ինքս էլ շատ մոդելներից տարբեր բաներ եմ սովորում: Միգուցե, մեր միջեւ լինում են կոնֆլիկտներ, բայց ամեն ինչ շատ հեշտ հարթվում է:

-Կա՞ն ճանաչված մոդելներ, որոնք օրինակ են քեզ համար:

-Հաճախ եմ հետեւում ճանաչված մոդելներին` Թեյլոր Հիլին, Իրինա Շեյքին, Միրանդա Քերին, Ադրիանա Լիմային… Իհարկե, պետք է շատ-շատ աշխատել նրանց հասնելու համար, սակայն կարծում եմ` անհնարին ոչինչ չկա:

-Ի՞նչ ես կարծում, եթե նշածդ մոդելները լինեին Հայաստանում, կկարողանայի՞ն հասնել նույն հաջողություններին…

-Կարծում եմ` ոչ, քանի որ Հայաստանում այդքան էլ զարգացած չէ մոդելինգը եւ մարդիկ թերահավատորեն են վերաբերվում այս ասպարեզին:

-Մարիամ, ի՞նչ երազանքներ ունես:

-Առհասարակ, չեմ սիրում խոսել իմ երազանքների մասին, դրանք միշտ պահում եմ իմ մեջ: Փորձում եմ ամեն ինչ անել դրանք իրագործելու համար: Եթե իմ առջեւ դնում եմ նպատակ, ես անպայման հասնում եմ դրան:

Սյունե Առաքելյան

Լուսանկարները` Արման Ղարիբյանի

Դիմահարդարումը` «Մանյա» գեղեցկության սրահի

Հագուստը տրամադել է Love Republic խանութ սրահը

Հետևեք NEWS.am STYLE-ին Facebook-ում, Twitter-ում և Instagram-ում