«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Մազերին հոգ տանելիս հիմնական սխալները

19:15, 27 սեպտեմբերի

Մազերին հոգ տանելիս առավել հաճախ ի՞նչ սխալներ են թույլ տրվում: Նման սխալների թվում առանձնացնում են կտրելուց հրաժարվելը կամ ճյուղավորված ծայրերի առկայությունը: Կանայք հաճախ չեն ուզում կարճացնել մազերի երկարությունը, բայց մասնագետներն ընդգծում են. եթե չկտրվեն փնջերի ճյուղավորված ծայրերը, մազերը կշարունակեն շերտատվել ներքեւից վերեւ, եւ այդ դեպքում դրանց առողջացման համար ավելի արմատական կտրվածք կարող է անհրաժեշտ լինել:

Մեկ այլ բնորոշ եւ լուրջ բացթողում է, դիմահարդարների կարծիքով, թաց մազերի մազահարդարումը: Եթե նման մազերը բախվում են գանգրացնող ունելու, հարթեցնող գործիքի, արդուկի եւ սովորական ունելիների, դրանք փաստացիորեն այրվում են, մինչդեռ չոր մազերին տաք հարդարումը նվազագույնն է վնասում:

«Եթե մազահարդարիչով չորացնելուց հետո մազերը շոշափելիս սառն են, նշանակում է` դեռ խոնավ են: Մինչեւ վերջ չորացրեք», — խորհուրդ են տալիս մասնագետները:

Նրանք նաեւ խորհուրդ են տալիս սովորական խոզանակով չսանրել թաց մազերը. ավելի լավ է այդ նպատակով լայն ատամներով սանր օգտագործել: Մազերը սանրելը, նշում են փորձագետները, ընդհանուր առմամբ ճիշտ մոտեցում է պահանջում: Նրանց խոսքով` սանրվածքը միայն կտուժի, եթե սովորություն դարձնեք մազերը սանրել`արմատներից սկսելով, չէ որ մազերը նման գործողություններից ջարդվում են եւ ճյուղավորվում:

«Պետք է ներքեւից սկսել, խնամքով բացելով խճճված փնջերը, եթե անհրաժեշտ է», — այդպիսին է նրանց խորհուրդը:

Ամենատարածված սխալներից մեկը մազերը լվանալուց հետո սրբիչով չորացնելն է: Մասնագետներն ասում են, որ գանգուրները նման չորացումից հետո խունացած եւ չխնամված կթվան, որովհետեւ դրա հետեւանքով բացվում են մազերի թեփուկները` դրանք ծակոտկեն դարձնելով, ոչ թե հայելային հարթ: Սրբիչով անհրաժեշտ է ուղղակի մազերից վերցնել խոնավությունը` շարժվելով արմատներից դեպի ծայրերը, հայտնում են դիմահարդարները:

Նրանք նշում են նաեւ, որ չարժե մազերը լվանալ մաքրող շամպուններով: Նման շամպուններն օգտակար են լինում գլխամաշկը բոլոր լվացող եւ հարդարող միջոցներից մաքրելու համար, բայց դրանց կանոնավոր օգտագործման դեպքում մաքրվում են բոլոր ճարպերը, այդ թվում նաեւ` օգտակար: Արդյունքում սեբումը (մաշկային ճարպը) սկսում է արտադրվել կրկնապատկված ուժով, իսկ մազերը գնալով ավելի հաճախ են կեղտոտ տեսք ունենում:

Ինչ վերաբերում է այսօր ժողովրդականություն վայելող չոր շամպուններին, շատերն են հետեւյալ սխալը թույլ տալիս. դա ոչ բավարար հեռավորությունից են քսում մազերին: Նման շամպուններ օգտագործելիս դիմահարդարները խորհուրդ են տալիս ինչպես հարկն է թափ տալ բալոնը եւ փոշին մազերի վրա լցնել մեկնված ձեռքի հեռավորությունից, ոչ ավելի մոտ, որովհետեւ աերոզոլներին անհրաժեշտ է նախ օդի հետ շփման մեջ մտնել:

Նյութը` Liza.ua


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search