Սեպտեմբերի 11-ին Տորոնտոյի միջազգային կինոփառատոնի շրջանակում կայացավ Հայոց ցեղասպանության մասին պատմող «Խոստում» ֆիլմի պրեմիերան։ Կարմիր գորգի արարողությանը ներկա էին կինոնկարի ռեժիսոր օսկարակիր Թերի Ջորջը, գլխավոր դերակատարներ օսկարակիր Քրիստիան Բեյլը, Օսկար Այզեքը, Շարլոտ Լե Բոնը, Անջելա Սարաֆայանը, ֆիլմի սաունդթերքի հեղինակ աշխարհահռչակ հայ երաժիշտ Սերժ Թանկյանը եւ ուրիշներ։
Ցուցադրությունից հետո ֆիլմի անձնակազմը՝ ռեժիսոր Թերի Ջորջը, դերասաններ Շարլոտ Լե Բոնը, Օսկար Այզեքը, Շոհրե Աղդաշլուն, Անջելա Սարաֆայանը, Մարուան Կենզարին եւ պրոդյուսեր Էրիկ Էսրաիլյանը, հանդիպել են ֆիլմը դիտելու հնարավորություն ունեցած լրագրողների հետ եւ պատասխանել նրանց հարցերին։
Լրագրողներից մեկը հետաքրքրվել է, թե ինչ կասի ֆիլմի ռեժիսորը այն մարդկանց, ովքեր դեռ ժխտում են բացահայտ ճշմարտությունը.
«Այս իրադարձությունը ժխտելու երկու կողմ կա՝ թուրքական կառավարության քաղաքական ազդեցությունը, եւ Թուրքիայի ռազմավարական նշանակությունը, որն այսօր, առավել քան երբեւէ, շատ մեծ է: Ամեն անգամ (կամ Ցեղասպանության տարելիցի ժամանակ, կամ նման ֆիլմերում), երբ նշվում է Հայոց ցեղասպանության մասին, մամուլում ժխտման մեծ ալիք է բարձրանում։ Ինձ եւ աշխարհի համար սա հարց չէ՝ եղե՞լ է Ցեղասպանություն, թե՞ ոչ։ Պատմական ուսումնասիրությունների մեծամասնությունը հաստատել են, որ հայերին բնաջնջելը պլանավորած է եղել։ Մենք պետք է այդ քննարկումից անցնենք այն հարցին, թե ինչու՞, ինչու՞ է այդպես պատահել, ինչպե՞ս պետք է առաջ շարժվենք, եւ ինչպե՞ս կարող ենք նորից հաշտեցնել այս երկու ազգերին։
Ադոլֆ Հիտլերը մինչեւ Լեհաստան ներխուժելը ասել էր. «Ո՞վ է հիմա խոսում հայերի մասին»։ Այսինքն, ցեղասպանության չճանաչումը դարձավ արդարացում նոր արյունահեղության համար։ Ուրեմն, այս իրադարձությունը պետք է բացահայտ քննարկվի։ Պետք է խոսել ոչ թե այն մասին, որ այս կամ այն փաստաթուղթը գոյություն չի ունեցել, այլ քննարկել՝ ինչպես կարելի է կանխել նման իրավիճակների կրկնությունը ապագայում»,- պատասխանել է ռեժիսոր Ջորջը (դիտել 15-րդ րոպեից)։
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը