• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

Գեղեցկուհի մոդել Աննա Դեմիրխանյանը շուտով մեկնելու է Սոչի, որտեղ հոկտեմբերի սկզբին կայանալու է «Միսիս Եվրոպա 2016» գեղեցկության մրցույթը: Հայ գեղեցկուհին մրցութում մի ամբողջ Կովկաս է ներկայացնելու: Մրցույթի մանրամասներով Աննան առաջինը կիսվեց NEWS.am STYLE-ի հետ, ինչպես նաեւ մեզ տրամադրեց Վիգեն Մնոյանի հետ իրականացրած իր նոր ֆոտոշարքից գեղեցիկ կադրեր.

«Ամեն ինչ այնքան անսպասելի եղավ... Անգամ չեմ հասցրել պատրաստվել, դրա համար էլ ահավոր հուզվում եմ: Մայրս կարում է շքեղ զգեստ՝ եզրափակչի համար, ես վազում եմ խանութներով ու ոչ մի կերպ չեմ կարողանում զգեստիս համապատասխան կոշիկներ գտնել»,-իրեն բնորոշ հումորով պատմում է Աննան:

Պարզվում է՝ գեղեցկուհին նույն մրցույթին մասնակցելու առաջարկ ստացել է նաեւ անցած տարի.

«Անցած տարի մրցույթը կայացավ Իսպանիայում, սակայն ինչ-ինչ պատճառներով չկարողացա մասնակցել դրան: Նախորդ տարի հաղթեց Ռուսաստանը ներկայացնող գեղեցկուհին: Հիշում եմ՝ երբ տեսա նրա լուսանկարը, մտածեցի՝ «ինչ լավ է, որ չեմ մասնակցել»: Նա այնքան գեղեցիկ է: Հաստատ, հաղթելու ոչ մի շանս չէի ունենա (ծիծաղում է)»:

Այս տարի մրցույթն անցկացվելու է Ռուսաստանում՝ Սոչիում.

«Մրցույթն անցկացվում է հաղթող գեղեցկուհու երկրում: Ի դեպ, երբեք չեմ եղել Սոչիում: Այնտեղ ծով կա, իսկ ես շատ եմ սիրում ծով»,-նշում է ոգեւորված Աննան:

Մոդելը խոսեց նաեւ մրցույթի մանրամասներից.

«Մրցույթին մասնակցում են 30-35 գեղեցկուհիներ: Շատ ուժեղ մրցակցություն է ինձ սպասվում, աղջիկների մեծամասնությունը սլավոնական ծագում ունեն, շատ գեղեցիկ են... Մրցույթին ներկայանալու եմ մի քանի զգեստներով՝ ազգային, սպորտային եւ երեկոյան: Նաեւ պետք է նվերներ պատրաստեմ մյուս մասնակիցների համար: Որոշել եմ աղջիկներին անմոռուկով կրծքազարդեր նվիրել: Կպատմեմ այդ ծաղկի նշանակության մասին: Թող ամբողջ աշխարհում կրեն անմոռուկով կրծքազարդեր: Նաեւ մանկական կենտրոն պետք է այցելենք, այնպես որ՝ երեխաների համար էլ եմ նվերներ պատրաստում»:

Ինչպես ցանկացած մրցույթի՝ այս մրցույթին եւս Աննան դրական եւ հաղթական է տրամադրված.

«Իհարկե, հույս ունեմ, որ կհաղթեմ, բայց նաեւ հուսով եմ՝ կընկերանամ աղջիկների հետ: Գիտեմ՝ հենց այդպես էլ լինելու է, իսկ մրցույթի ավարտից հետո անընդհատ հիշելու եմ նրանց եւ կարոտելու»:

Աննան ցանկացավ նաեւ շնորհակալություն հայտնել այն բոլոր մարդկանց, ովքեր մրցույթի նախապատրաստման այս դժվարին փուլում իր կողքին են.

«Անպայման ուզում եմ իմ խորին շնորհակալությունը հայտնել Փյունիկ մարդկային ռեսուրսների զարգացման հիմնադրամին, Ֆաինա Հարությունյանին եւ Harmony նորաձեւության տանը՝ իմ գեղեցիկ զգեստների համար, Նատա Ամիրյանին եւ Նաիրա Կիրակոսյանին, որոնք ստեղծելու են իմ գեղեցիկ կերպարները եւ, իհարկե, իմ տնօրինությանը, որոնք սատարեցին ինձ եւ չխոչընդոտեցին, որ մասնակցեմ մրցույթին: Եվ, իհարկե, անչափ շնորհակալ եմ ընկերներիս եւ հարազատներիս՝ ամուսնուս, որն ինձ սովորեցրեց լինել գեղեցիկ եւ կանացի, աղջկաս, որի շնորհիվ եմ ես առաջ գնում եւ ծնողներիս, ովքեր միշտ իմ կողքին են:  Շնորհակալ եմ, որ ինձ հետ եք: Անսահման գնահատում եմ ձեր աջակցությունը»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում