• Առանց շաքարի գազավորված ըմպելիք, թե՞ ջուր. ուսումնասիրությունը պարզել է, թե որ ըմպելիքն է ավելի արդյունավետ քաշի կորստի համար  

  Ուսումնասիրությանը մասնակցել է 18-ից 65 տարեկան 493 մարդ՝ 27-ից 35 մարմնի զանգվածի ինդեքսով: Մի խմբին օրական տրվել է մոտ 660 մլ ջուր, մինչդեռ մյուսը ստացել է նույն քանակությամբ ոչ կալորիական քաղցրացուցիչներով ըմպելիքներ: Փորձը տևել է 104 շաբաթ...

• Կանայք «կոտրում են» իրենց կողոսկրերը՝ իշամեղվի ձև ունեցող իրան ունենալու համար. նոր ծայրահեղ վիրահատությունը հարցեր է առաջացնում բժիշկների շրջանում

  Գեղեցկության ոլորտը հասել է մի կետի, որը մի ժամանակ անհնար էր համարվում. այժմ հնարավոր է փոխել ոչ միայն ճարպային հյուսվածքը, կուրծքը կամ դեմքը, այլև կողերի ձևը…

• Քիմ Քարդաշյանը տարված է «երկարակեցության պարկուճով», բայց բժիշկները տագնապ են հնչեցնում  

  «Ես փոխել եմ իմ մտածելակերպը և այժմ կենտրոնացած եմ երկարակեցության և բջջային առողջության վրա», - ասել է Skims-ի հիմնադիրը The Sunday Times-ին տված հարցազրույցում...

• Սմարթֆոնները գողանում են կյանքի տարիները. գիտնականները զգուշացնում են անվերջ սքրոլինգի հետևանքների մասին

  Սոցիալական ցանցերում ժամերով սքրոլինգ անելը կարող է շատ ավելի լուրջ առողջական հետևանքներ ունենալ, քան ընդունված է ենթադրել…

• Քաշի կորստի հայտնի դեղամիջոցները կարող են սպառել ուղեղի էներգիան. փորձագետը զգուշացնում է ռիսկերի մասին

  GLP-1 քաշի կորստի դեղամիջոցների, այդ թվում՝ Օզեմպիկի և Վեգովիի, արագ աճող ժողովրդականության ֆոնին, մասնագետները զգուշացնում են, որ չափազանց արագ քաշի կորուստը և կալորիաների խիստ սահմանափակումը կարող են զրկել ուղեղին անհրաժեշտ էներգիայից և սննդանյութերից․․․

• Պանիրը թույլատրելի է, կարագը՝ զգուշությամբ. գիտնականները պարզել են, թե որ ճարպոտ սննդամթերքներն են իսկապես առողջարար

  Տարիներ շարունակ մեզ ասել են, որ ճարպոտ սնունդը վնասակար է մեզ համար․․․

• Մեկ ամիս ապրելով 90-ամյա իտալացու պես. բլուրները, մակարոնեղենը և թարմ մթերքները անսպասելիորեն փոխեցին առողջական վիճակը

  Հյուսիսային Իտալիայի մի փոքրիկ լեռնային գյուղում ընդամենը չորս շաբաթ ապրելը՝ զառիթափ փողոցներով շատ քայլելը, թարմ մթերքները, հարևանների հետ շփվելը և ավելի դանդաղ տեմպը, զգալիորեն փոխակերպեցին The Telegraph-ի լրագրող Ռոզի Թեյլորի ֆիզիկական պատրաստվածությունը․․․

• Օրական ընդամենը երկու գդալ. գիտնականները անսպասելի կապ են հայտնաբերել լոլիկի և հիշողության միջև

  Մրգերով և բանջարեղենով հարուստ սննդակարգը վաղուց է կապվում հիշողության բարելավման հետ․․․

Մայր լինելը հեշտ չէ, հատկապես, երբ մայրանում ես առաջին անգամ։ Շատ բաներ ստիպված ես լինում միաժամանակ անել՝ երեխային կերակրել, լողացնել, փոխել հագուստը, ինչպես նաեւ մաքրել բնակարանը, ուտելիք պատրաստել ընտանիքի համար եւ նմանատիպ այլ բաներ։ Իսկ որոշ մայրիկներ նաեւ ստիպված են լինում աշխատանքի գնալ։ Նման ռեժիմով կյանքը կարող է սթերսի պատճառ դառնալ, քանի որ հանգստանալու ժամանակ չի լինում։ Բարեբախտաբար, այդ ամենը հասցնելու եւ նույնիսկ ժամանակ շահելու միջոցներ կան։

Խորհուրդ 1. Կերակրում ենք կրծքով

Այսպես, ժամանակ, գումար խնայելու համար երեխային կրծքով կերակրեք։ Դա, իհարկե, շատ օտակար է նաեւ փոքրիկի առողջության համար։ Այս դեպքում բացի այն, որ դուք ստիպված չեք լինի տարատեսակ շշեր ու ծծակներ գնել, նաեւ ստիպված չեք լինի արթնանալ գիշերները՝ երեխայի խառնուրդը պատրաստելու համար։

Խորհուրդ 2. Մանկական իրերը լվանալն ու արդուկելը

Եթե դադարեք արդուկել երեխայի հագուստները, բավականին ժամանակ կխնայեք։ Ընդամենը պետք է երեխայի հագուստները լվանալ մյուսներից  առանձին եւ հատուկ դրանց համար նախատեսված միջոցներով։ Իսկ եթե տատիկները ձեզ մեղադրեն երեխային լավ չխնամելու մեջ, ասեք նրանց, որ իրենք հանգստյան օրերին գան եւ արդուկեն փոքրիկի հագուստներն ու անկողինը։

Խորհուրդ 3. Ուտելիք պատրաստելը

Իսկ եթե ցանկանում եք վայելել ամուսնու հետ շփումն ու միաժամանակ տանն ուտելիք ունենալ, պետք է հետեւել այս խորհրդին։ Այսպես, երեխայի քնելուց հետո խոհանոցում ամուսնու հետ պելմեններ ու խինկալի, ինչպես նաեւ կոտլետներ ու մսագնդիկներ պատրաստեք այնքան, որ բավականանցնի մեկ շաբաթվա համար։ Չէ՞ որ դրանք կարող եք պահել սառնարանում։ Այնպես որ, ուտելիս ձեզ անհրաժեշտ կլինի ընդամենը տաքացնել այն եւ մակարոն պատրաստել։

Սիրելի ուտեստները համատեղ պատրաստելը հետաքրքիր զբաղմունք է, որը մերձեցնում է եւ դրական հույզեր հաղորդում։

Խորհուրդ 4. Զբոսանքի պատրաստվելը

Զբոսնելու գնալիս երեխային հագուստ հագցնելն իսկական փորձություն է։ Հատկապես դժվար է նրան տաբատ հագցնելը։ Բայց տաբատին կարող է փոխարինելու գալ, այսպես կոչված «սլիփի»-ն։ Այդ հարմարավետ կոճակներով կոմբինեզոնը շատ լավ եւ հարմարավետ հագուստ է 6 ամսականից մինչեւ մեկ տարեկան փոքրիկների համար։ Կան նաեւ դրանց այնպիսի մոդելներ, երբ տակդիրը փոխելիս պետք չէ ամբողջությամբ հանել կոմբինեզոնը։

Խորհուրդ 5. Խաղալիքների ընտրություն

Ինչ վերաբերում է խաղալիքների ընտրությանը՝ մի՛ գնեք թանկարժեք խաղալիքներ, եթե նույնիսկ դրանք շատ լավն են։ Չէ՞ որ փոքրիկ երեխան խաղում է անգամ ամենահասարակ զանգակով։ Այնպես որ, թող թանկարժեք խաղալիքներ նրան ծննդյան օրը նվիրեն տատիկներն ու պապիկները, հորաքույրերն ու մորաքույրերը։

Երեխաներին հատկապես դուր են գալիս տարատեսակ առարկաներ, ինչը նպաստում է նրանց աշխարհաճանաչողությանը։ Իսկ ձեռնոցներից, գուլպաներից կամ այլ հագուստներից, որոնք արդեն փոքր են երեխայի համար կարելի է գնդակներ կարել։ Մի փոքր ավելի մեծ երեխաների համար կաթսաներից, գդալներից եւ բջջային հեռախոսներից ավելի հետաքրքիր ոչինչ չկա։ Միայն թե չմոռանաք հանել վերջիններիս մարտկոցները։

Նույնիսկ գիտնականներն են ապացուցել, որ շատ խաղալիքների բացակայությունը խթանում է երեխայի երեևակայության զարգացմանը։

Խորհուրդ 6` սլինգեր

Ցանկացած մայրիկի ավելի շարժուն են դարձնում, ինչպես նաեւ հասարակությունից չմեկուսանալուն օգնում սլինգերը։ Սլինգ կրել սովորելը բարդ չէ, բավական է միայն մեկ անգամ փորձել։ Կրեք սլինգը, դրեք դրա մեջ երեխային եւ դուք կարող եք գնալ ուր ցանկանաք։

Խորհուրդ 7. Ճիշտ վերաբերմունք երեխայի նկատմամբ

Այնքան էլ հեշտ չէ դառնալ երջանիկ մայրիկ եւ ուրախություն պարգեւել երեխային։ Ուղղակի ընդունեք ձեր փոքրիկին՝ իր բնավորությամբ եւ առանձնահատկություններով։

Եվ ամենակարեւորը՝ ուղղակի հանգստացեք, երբ երեխան քնած է։ Չէ՞ որ ամեն ինչ հասցնելու համար մայրիկին շատ էներգիա է անհրաժեշտ։

Աղբյուրը՝ Otvetnavse.com

Հետևեք NEWS.am STYLE-ին Facebook-ում, Twitter-ում և Instagram-ում