Կարծում ենք` չկա մի հայ երաժշտասեր, որը չհիշի ժամանակին մեծ ճանաչում վայելող «Քամի փչի» երգը, որը «Մեծ Հայք» խմբի կատարմամբ կարճ ժամանակահատվածում ձեռք բերեց հայտնիություն եւ դարձավ 2006 թ-ի գլխավոր հիթերից մեկը: Ինչպես արդեն տեղեկացրել ենք` շուտով երգը նոր մատուցմամբ հասանելի կլինի երաժշտասերներին:
Սիրված երգը կհնչի հայկական շոու-բիզնեսի մի շարք ներկայացուցիչների շուրթերով, որոնց թվում են` Արամեն, Գեւորգ Մարտիրոսյանը, Աստղիկ Սաֆարյանը, Արամ mp3-ն, Գրիշա Աղախանյանը, Անի Քրիստին, Սոնա Ռուբենյանը եւ, իհարկե, «Մեծ Հայք» խմբի սիրված անդամներ Հրանտոն եւ Նարեկը: Ի դեպ., նախագծի հեղինակը հենց Նարեկն է: Ծրագրի մանրամասներով ռեփերը կիսվեց NEWS.am STYLE-ի հետ.
«Մտածեցի, որ այս երգը որքան մերն է, այնքան էլ բոլորինն է: Այն մարդկանց նոստալգիկ եւ հետաքրքիր հիշողություններ կփոխանցի: Սա արժանի ստեղծագործություն է, որպեսզի այն հշենք 10 տարի անց: Բացի այդ` այս տարի հոբելյանական կլոր տարեթիվ է շատերի կողմից սիրված այս երգի համար»,-նշում է ռեփերը` հավելեով, որ արդեն մի քանի ամիս է, ինչ աշխատում են այս նախագծի շուրջ:
«Նախագիծը սկսեցի իրականացնել ամիսներ առաջ: Ձայնագրությունն իրականացրել ենք Play Back Production-ում: Այդ ընթացքում զբաղված էի նաեւ իմ համերգների աշխատանքներով: Բայց քանի որ հենց այս տարի է երգի ստեղծման 10-ամյակը լրանում, որոշեցի չհետաձգել եւ ավարտին հասցնել բոլոր աշխատանքները»:
Անդրադառնալով նախագծում ներառված երգիչների ընտրությանը` Նարեկը նշեց.
«Բոլորին տեղյակ եմ պահել այս նախագծի մասին եւ աշխատել ենք այն երգիչների հետ, որոնք ցանկություն են ունեցել ներառված լինել նախագծում: Խմբի անդամներից ներառված ենք ես եւ Հրանտը, բայց մյուս անդամներն էլ են տեղյակ եղել: Ֆելոն արդեն երկար տարիներ է` չի զբաղվում երաժշտությամբ, այնպես որ` շոու-բիզնեսի հետ կապ չունի: Սյուզին եւ Հայկն էլ էին տեղյակ այս ծրագրի մասին, բայց իրենց չպատկերացրեցին այստեղ»,-տեղեկացրեց Նարեկը` ավելացնելով, որ երգի գործիքավորման մեջ շատ փոփոխություններ չեն եղել, բայց բոլոր երգիչների առջեւ մեկ պայման է դրվել` երգել այնպես, ինչպես իրենք են զգում տվյալ ստեղծագործությունը:
Նարեկից հետաքրարվեցինք նաեւ` արդյոք մոտ ապագայում հնարավո՞ր է մշակվեն եւ նորովի ներկայացվեն նաեւ խմբի մյուս հիթային ստեղծագործությունները.
«Ընդհանրապես ստեղծագործող մարդու կյանքում ամեն ինչ էլ հնարավոր է: Սակայն այս ընթացքում զբաղված եմ նոր ալբոմիս եւ նոր երգերիս աշխատանքներով: Իսկ «Քամի փչի»-ն այն երգն էր, որին արժեր անդրադառնալ, քանի որ այն մեծ մասսայականություն էր վայելում երաժշտասերների շրջանում»,-ընդգծեց երգիչը:
«Քամի Փչի 2» տեսահոլովակը հասանելի կլինի դեկտեմբերի 21-ին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ