Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Աշխարհի ամենաօգտակար եւ առողջ խոհանոցները

15:15, 26 փետրվարի

Հունական խոհանոց

Հունական խոհանոցի ավանդական բաղադրիչները՝ թարմ մրգեր ու բանջարեղեն, ձիթապտղի յուղ եւ Օմեգա-3 վիտամինով հագեցած ծովամթերքները, մեծ  ներդրում ունեն իմունայն համակարգում, շաքարախտի, քաղցկեղածին եւ սրտային  հիվանդությունների դեմ պայքարում։

Հույները, որպես կանոն, սեղանին մատուցում են չափսով փոքրիկ ուտեստներ, որոնք կիսվում են հյուրերի միջեւ։ Այսպես, չափից շատ ուտելու վտանգը նվազում է։

Սակայն հունական ուտեստներ պատրաստելիս վերահսկեք յուղի քանակությունը։

Վիետնամական խոհանոց

Այս խոհանոցին բնորոշ համեմունքներ (գինձ, անանուխ, կարմիր պղպեղ, բադյան) հնուց ի վեր գործածվում են տարատեսակ հիվանդությունների դեմ պայքարում։

Քաշը վերահսկելու շրջանակում խուսափեք ճարպի բարձր պարունակությամբ ուտեստներից, որոնք շատ են վիետնամական խոհանոցում։

Ճապոնական խոհանոց

Ճապոնական խոհանոցի ուտեստները հայտնի են ոչ միայն հակաօքսիդանտների բարձր պարունակությամբ բաղադրիչներով, այլեւ գոլորշու վրա պատրաստվելու ավանդական միջոցով։

Ճապոնացիների մեծամասնությունն հետեւում է Կոնֆուցիոսի «Hara Hachi Bu» խորհրդին, ինչը նշանակում է «Կերեք, քանի դեռ չեք կշտացել 80 տոկոսով», ինչը դիետոլոգիայի հիմնաքարերից է։

Ավանդական ճապոնական խոհանոցը ներառում է կանաչ թեյ, կալցիումով հագեցած չինական կաղամբ, յոդով հարուստ ծովային ջրիմուռներ, ծովամթերք եւ այլ առողջարար մթերքներ։ 

Սակայն ուշադիր պետք է լինել, քանի որ սպիտակ բրինձը կարող է արյան մեջ բարձրացնել շաքարի մակարդակը։

Հնդկական խոհանոց

«Հնդկական խոհանոց» կապակցությունը համադրվում է համեմունքների հսկայական տեսականու հետ. կոճապղպեղ, կծու պղպեղ եւ այլն։ Հնդկաստանին բնորոշ շատ համեմունքներ կարող են պաշտպանել քաղցկեղից ու Ալցհեյմերի հիվանդությունից։

Ավանդական կարրիի հիմնական բաղադրիչը քրքումն է, որն ունի հակաբորբոքային հատկություններ։ Օգտակար են նաեւ հնդկական խոհանոցի յոգուրտն ու ոսպը։

Հնարավորինս խուսափեք տապակած սննդից ու բազմաբաղադրիչ կարրիից, որտեղ շատ են ճարպերը։

Իտալական խոհանոց

Իտալական խոհանոցն արժեքավոր են դարձնում դրա բաղադրիչ տարրերը՝ լոլիկ, ձիթապտղի յուղ, սխտոր, սուսամբար, ռեհան, մաղադանոս։ 

Լոլիկը հարուստ է լիկոպեններով, որոնք կարող են կանխարգալել քաղցկեղածին հիվանդությունները։ Սխտորն աչքի է ընկնում Aեւ C վիտամինների պարունակությամբ, իսկ ձիթապտղի յուղը նվազեցնում է խոլեստերինը, այրում ճարպերը, նվազեցնում սիրտ-անոթային հիվանդությունների առաջացման վտանգը:

Ուշադրություն դարձրեք այն հանգամանքին, որ իտալական խոհանոցը չի չարաշահում հալած պանիրները: Աշխատեք պանրի կրկնակի չափաբաժին չավելացնել պիցցային կամ լազանյային:

Մեքսիկական խոհանոց

Մոռացեք այն յուղոտ, բարձր կալորիականությամբ արագ սննդի մասին, որ վաճառում են սրճարանների մեծ մասում: Իսկական մեքսիկական խոհանոցն առողջ է եւ նույնիսկ դիետիկ: Լոբազգիներից բազմաթիվ ուտեստները, տարատեսակ ապուրներն ու լոլիկի մածուկն օգնում են կանխել 2-րդ տիպի շաքարախտի եւ կանանց մոտ կրծքի քաղցկեցի առաջացումը:

Սակայն մեքսիկական խոհանոցի բազմաթիվ նախուտեստներ եւ տաք ուտեստներ մատուցվում են ընդհանուր ափսեով, ինչը մեծացնում է չափից ավելի ուտելու վտանգը:

Թաիլանդական խոհանոց

Քաղցկեղային հիվանդությունների դեմ պայքարի չեմպիոն կարելի է կոչել թաիլանդական ավանդական Տոմ Յամ ապուրը:

Թաիլանդական խոհանոցին հատուկ բազմաթիվ համեմունքներ բուժիչ հատկություններ ունեն. կոճապղպեղն օգնում է մարսողությանը, քրքումը հակաբորբոքային հատկություններ ունի, իսկ կիտրոնի սորգոն ասիական մշակույթում դարերով օգտագործվում է որպես մրսածության եւ ստամոքսի ցավերի դեմ միջոց:

Սակայն կոկոսի կաթով թաիլանդական ապուրները հաճախ հագեցած են լինում ճարպերով եւ կալորիայով:

 

Աղբյուրը՝ Otvetnavse.com


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search