Պահարան. այն ամենն ինչ պարտադիր է ճամպրուկում՝հանգստի մեկնելիս

Ամերիկաբնակների արձագանքը հայկական տեսահոլովակներին. մաս 2` Իվետա Մուկուչյան

«IQ-իկ». Փոքրիկները` լրագրության մասին

Makeup tutorial. ստանում ենք վառ ամառային դիմահարդարում

Ինչպես ընտրել ամառային շապիկներն ու ճիշտ համադրել դրանք

«Իռլանդացին» ֆիլմի առաջին թիզերը

Արտասահմանցիները հայկական տեսահոլովակներ են դիտում

Երկու հայ հանդիպեցին Մոսկվայում․ Հրանտ Թոխատյան եւ Սարիկ Անդրեասյան

NEWS.am STYLE-ը ներկայացնում է․ երեք լուք մեկ ժակետով՝ ոճաբանի խորհուրդները

Դավիթ Պարոնիկյանը, Միշ Ամիրյանը & Co-ն ներկայացնում են. «համեղ» երաժշտություն Smart’n’Special-ից

«Ուզում եմ նստել «Համացանց» անունով ձին». Սարիկ Անդրեասյանն իր Youtube-յան շոուն ունի

«Իտալական մաֆիայի կրտսեր կազմ». հայ երիտասարդը «Лучше всех» հաղորդմանը եկել էր 8-ամյա թարգմանչի հետ

Քիմ Քարդաշյանը վերադարձել է Սպիտակ տուն՝ դատապարտյալներին աջակցելու համար

«Հայաստանը բացահայտումների երկիր է». Միխայիլ Շիրվինդտը Սեւանի ափին խեցգետնով քաբաբ է փորձել

Shabeeg․ խոսող շապիկներ

Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սերժ Թանկյանը կատարել է «Գահերի խաղ»-ի վերջին եթերաշրջանի սաունդթրեքը

Շատ հետաքրքիր հայերի հետ եմ շփվել. ամերիկյան «Project Runway» շոուի հայտնի մոդելը` Հայդի Քլումին չճանաչելու եւ նախագծի դժվարությունների մասին

13:02, 30 հունվարի

Իռլանդական ծագում ունեցող մոդել, երգչուհի եւ դերասանուհի Քոջի Հելնուեյնի անունը նորաձեւության աշխարհում հայտնի դարձավ 2009 թ-ին, երբ աղջիկը մասնակցեց ամերիկյան հայտնի «Project Runway», եւ «Models Of The Runway» հեռուստաշոուներին, որոնք վարում է հայտնի մոդել Հայդի Քլումը:

Յուրահատուկ արտաքինով Քոջիի հետ ցանկանում էին աշխատել տվյալ եթերաշրջանի գրեթե բոլոր դիզայներները, սակայն գեղեցկուհուն հաճախ բախտ էր վիճակվում աշխատել նախագծի ամենահմայիչ երիտասարդ դիզայերիներից մեկի` Լոգան Նեյցելի հետ:

Ճիշտ է, Լոգանն ու Քոջին չդարձան շոուի հաղթողներ, սակայն գեղեցկուհի մոդելի առջեւ դրանից հետո բացվեցին նոր ու հետաքրքիր հնարավորություններ:

Ինչպե՞ս է վերաբերավում Քոջին մոդելինգին, ի՞նչ դժվարությունների են հանդիպել մոդելները շոուի ընթացքում եւ ի՞նչ գիտի նա Հայաստանի մասին:

Հարցերի պատասխանները ճշտեցինք անձամբ Քոջի Հելնուեյնից` մեր բացառիկ հարցազրույցի միջոցով.

-Քոջի, գիտեմ, որ երաժիշտի ընտանիքում ես ծնվել եւ երաժշտությունը քո մանկության մեծ մասն է կազմել: Իսկ մոդելինգով ինչպե՞ս սկսեցիր զբաղվել:

-Հայրս երաժիշտ է եւ երգերի հեղինակ: Հիշում եմ, որ նա աշխարհով մեկ ճանապարհորդում էր, երբ ես փոքր էի, մինչդեռ մայրս մնում էր տանը: Նա հետաքրքրված էր արվեստով եւ իմ առօրյան էլ արվեստով հագեցած էր:

Երբ 10 տարեկան էի, հայրիկիս հետ սկսեցի կիթառ նվագել, բայց 4 տարեկանից արդեն նրա հետ երգեր էի գրում: 13 տարեկանում արդեն ունեի իմ սեփական բենդը եւ միասին համերգներ էինք տալիս Իռլանդիայում:

Մոդելնգով շատ ավելի ուշ եմ սկսել զբաղվել: 20 տարեկան էի, երբ ընկերներիցս մեկն ինձանից թաքուն լուսանկարներս ուղարկեց Իռլանդիայում գտնվող մի  մոդելային գործակալություն: Հաջորդ օրն այդ գործակալը ցանկացավ հանդիպել ինձ հետ եւ ես հայտնվեցի պոդիումի վրա Իռլանդիայի ամենահայտնի դիզայների` Ջոն Ռոշայի կողքին: Այդտեղ էլ հանդիպեցի նորաձեւության աշխարհի մի շարք հայտնի ներկայացուցիչների: Դրանից հետո ինձ սկսեցին հրավիրել տարբեր ցուցադրությունների, նույնիսկ ժամանակ չունեցա մտածելու` ցանկանո՞ւմ էի դառնալ մոդել, թե՞ ոչ:

-Եվ երգում ես, եւ նկարահանվում ես ֆիլմերում, եւ զբաղվում ես մոդելինգով: Այս մասնագիտություններից ո՞րն է քեզ ավելի հոգեհարազատ:

-Ես ինձ առաջնահերթ երաժիշտ եմ համարում: Կարծում եմ` դա այն է, ինչի համար ես ծնվել եմ: Բայց նաեւ շատ եմ սիրում դերասանական արվեստը; Հետաքրքիր է, երբ փորձում ես դառնալ մեկ ուրիշ մարդ եւ վերապրել նրա զգացումները: Ես ինձ երբեք մոդել չեմ համարել: Մոդելինգն ինձ համար առօրյա աշխատանք է, որն օգնում է գումար վաստակել, ինչպես օրինակ գումար կվաստակեի, եթե լինեի սրճարանի մատուցողուհի: Դրա միջոցով ես կարողանում եմ հոգալ ծախսերս` միեւնույն ժամանակ հանդպելով հրաշալի մարդկանց հետ: Ես երբեք չեմ երազել մոդել դառնալու մասին, բայց հաճույքով եմ աշխատում ցանկացած նախագծի շուրջ:

-Կպատմե՞ս` ինչպես հայտնվեցիր «Project Runway» նախագծում:

-Նախագծի այդ եթերաշրջանը նկարահանվել է մոտ 10 տարի առաջ, երբ ես դեռ Լոս Անջելեսում էի ապրում: Ես չէի էլ լսել այդ շոուի մասին: Երբ ինձ առաջարկեցին հանդես գալ այդ նախագծում, ես մերժեցի առաջարկը, քանի որ ցանկանում էի վերադառնալ Իռլանդիա` ընտանիքիս մոտ: Մի քանի օր ինձ հետ բանակցեցին եւ, ի վերջո, համոզվեցի եւ որոշեցի մասնակցել այդ շոուին: Սակայն ոչ մի գաղափար չունեի, թե ինչ է ինձանից պահանջվում, եւ նախագծի մյուս աղջիկներն առաջին շաբաթվա ընթացքում իմ յուրաքանչյուր քայլը բացատրում էին ինձ: Անկեղծ ասած, նույնիսկ, չէի ճանաչում Հայդի Քլումին, քանի որ իմ առօրյան միշտ հագեցած է եղել երաժշտությամբ եւ ես երբեք չէի նայում հեռուստացույց ու չէի ընթերցում նորաձեւության ամսագրեր:

-Հեռուստադիտողների համար հետաքրքիր է հետեւել «Project Runway»-ի ընթացքին` դիզայներների եւ մոդելների հարաբերություններին: Հետաքրքիր է` ձեզ` մասնակիցներիդ, համար ինչպե՞ս էին անցնում այդ նկարահանումները: Արդյոք ամեն ինչ նույնքան զվարճալի՞ էր, որքան երեւում էր հեռուստաէկրանից:

-Գիտեք` չեմ կարող բոլորի անունից պատասխանել այդ հարցին: 10 տարի է անցել իմ մասնակցությամբ եթերաշրջանի նկարահանումներից, բայց ես դեռ շատ լավ եմ հիշում, թե ինչպես էին բոլորը կարոտում իրենց ընտանիքներին, հոգնում էինք երկար նկարահանումներից: Եղել են օրեր, երբ արթնացել ենք առավոտյան ժամը 6-ին, իսկ օպերատորն արդեն մեր գլխավերեւում կանգնած նկարահանում էր մեզ, ուշ երեկոյան էլ դեռ շարունակում էինք այդ նկարահանումները: Այդ հոգնածությունն ավելի զգացմունքային էր դարձնում բոլորին: Հիշում եմ` շատերս վարակվել էինք գրիպով, բայց, նույնիսկ, հիվանդ վիճակում շարունակում էինք մեր ուժերի սահմանում նկարահանվել: Ինքս շատ թեթեւ էի ամեն ինչ տանում, բայց շատերի համար այդ նկարահանումներն, իսկապես, ծանր էին անցնում:

-Շոուի ընթացքում, հիմնականում, աշխատում էիր դիզայներ Լոգան Նեյցելի հետ: Հաղորդման ավարտից հետո կապ պահո՞ւմ եք:

-Ոչ, ցավոք սրտի, Լոգանին չեմ տեսել շոուի ավարտից հետո, քանի որ մենք շատ հեռու ենք միմյանցից բնակվում…

-Քոջի, եւ մայր ես, եւ մոդել: Հե՞շտ ես համատեղում ընտանեկան կյանքն ու մոդելինգը:

-Անգամ եթե մոդել չլինեի, ցանկացած այլ աշխատանքի եւ ընտանիքի համատեղելիությունը նույն բանն է: Ցանկացած մայր, որն աշխատում է, ունենում է նույն դժվարությունները: Մի կողմից ցանկանում ես օրվա 24 ժամն անցկացնել երեխաներիդ հետ, մյուս կողմից աշխատելն, իսկապես, անհրաժեշտություն է: Կան օրեր, որոնք ավելի թեթեւ են լինում, որոշ օրեր ավելի ծանրաբեռնված են լինում, բայց ես երջանիկ եմ, որովհետեւ ունեմ ընտանիք, որն ինձ ցանկացած պարագայում պատրաստ է աջակցել: Պարզապես, պետք է լինես համբերատար եւ կարողանաս ճիշտ պլանավորել օրդ:

-Կցանկանայի՞ր, որ քո աղջիկներն էլ դառնային մոդելներ:

-Երեխաներս արդեն որոշ չափով զբաղվում են մոդելինգով: Երբ նրանց որեւէ նախագծում առաջարկում են որպես մոդել նկարահավել, ես ոչինչ չեմ ստիպում, առաջնահերթ հարցնում եմ նրանց կարծիքը, սակայն նրանք, գրեթե, միշտ մերժում են այդ առաջարկները: Երեխաներիս մոդելինգը հետաքրքրում է միայն այն ժամանակ, երբ տվյալ նախագիծը ինչ-որ զվարճանք է ենթադրում, կամ էլ, եթե պետք է նկարվենք ամբողջ ընտանիքով, կամ իրենց սիրելի արտիստի հետ:

Ասում են` գեղեցիկ երեխաներ ունեմ, որոնք անպայման պետք է զբաղվեն մոդելինգով, բայց ինքս չէի ցանկանա, որ նրանք հայտնվեին այդ աշխարհում: Չեմ ցանկանում, որ իրենք էլ կենտրոնանան միայն իրենց արտաքին գեղեցկության վրա: Ես միշտ երեխաներիս սովորեցնում եմ, որ խելքն ու հնարամտությունն ավելի արժեքավոր բաներ են: Մեծ աղջիկս 10 տարեկան է, բայց արդեն իր բիզնեսն է սկսել: Նա անպետք իրերից խաղալիքներ է պատրաստում եւ դրանք վաճառում է օնլայն տարբերակով: Կրտսեր աղջիկս երաժշտությամբ է հետաքրքրված, իսկ որդիս սիրում է փայտից իրեր պատրաստել, դհոլ է նվագում եւ սպորտով է զբաղվում:

-Ասում են` մոդելները հաճախ շատ դժվարությունների են բախվում: Որո՞նք են եղել քեզ համար մոդելային կյանքի դժվարությունները:

-Երբ սկսեցի զբաղվել մոդելինգով, միայն դրական էմոցիաներ ստացա: Կարծում եմ` դա նրանից է, որ երբեք չէի երազել այդ աշխատանքի մասին: Երբ ինձ չէին ընտրում որեւէ քասթինգի ժամանակ, ես, առհասարակ, չէի նեղսրտում, որովհետեւ իմ կյանքում ուրիշ հետաքրքրություններ էլ կային` արվեստը, դերասանությունը, երաժշտությունը: Մոդելինգն ինձ համար, պարզապես, գումար վաստակելու միջոց էր եւ ես երբեք չեմ ցանկացել հաջողակ կամ հայտնի մոդել դառնալ;

-Այս պահին ի՞նչ նոր նախագծի շուրջ ես աշխատում:

-Հիմա Եվրոպայում ավելի շատ զբաղվում եմ դերասանությամբ: Իմ մասնակցությամբ մի քանի ֆիլմեր արդեն ներկայացվել են տարբեր փառատոնների: Վերջերս էլ Կանադայում ստացա «Լավագույն դերասանուհի» մրցանակը, ինչի համար շատ ուրախ եմ:

-Ի՞նչ խորհուրդ կտաս սկսնակ մոդելներին:

-Մի կորցրեք ձեր «ես»-ը, կիսատ մի թողեք դպրոցը: Ստացեք կրթություն եւ բացահայտեք ձեր մեջ եղած այլ տաղանդներն ու հետաքրքրությունները: Ձեր խելքն ու բանիմացությունն ավելի շատ կգնահատեն, քան ձեր արտաքինը: Բացի այդ` հետաքրքրվեք նաեւ այն մարդկանցով, որոնք ձեզ շրջպատում են եւ մի փորձեք միայն ինքներդ լինել նրանց հետաքրքրության կենտրոնում:

-Եվ վերջում, ուղղակի կցանկանայի իմանալ` ի՞նչ-որ բան գիտեիր Հայաստանի մասին, մինչեւ մեր հարցազրույցը:

-Այո, իհարկե; Իմ կարիերայի ընթացքում բախտ եմ ունեցել շփվելու շատ հետաքրքիր հայերի հետ:

Սյունե Առաքելյան

Լուսանկարները` Brenden Morissey, Reid Rolls 


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English


  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ