• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

X Factor-ի 5-րդ գալա համերգն էլ մնաց անցյալում: Նախագծում Անդրեն միակ ժյուրիի անդամն է, որը պայքարը դեռեւս շարունակում է իր 3 մասնակիցների` Աբրահամ Խուբլարյանի, Յուրի Ադամյանի եւ Էդգար Ղանդիլյանի հետ:

Համերգից հետո NEWS.am STYLE-ը զրուցեց երգչի հետ` պարզելու, թե որն է նրա կայուն եռյակի հաջողության գրավականն ու, արդյոք,  նրան կհաջողվի կրկնել նախորդ X Factor-ի ռեկորդը` երեք տղաներով հասնել եզրափակիչ փուլ:

-Անդրե, նախագծի սկզբում, կարծես թե, դժգոհ էիր, որ պետք է տղաների խմբի հետ աշխատես: Կպատկերացնեի՞ր, որ 5-րդ գալա համերգին դեռ պահպանելու ես եռյակդ:

-Այս անգամ ցանկանում էի աշխաել կամ մեծերի, կամ աղջիկների խմբի հետ, քանի որ անցած տարի արդեն ունեի տղաների թիմի հետ աշխատելու փորձ` սահմանելով համաշխարհային ռեկորդ: X Factor-ի պատմության մեջ դեռ չէր եղել այդպիսի դեպք, երբ պրոդյուսերը մինչեւ վերջ մնար իր 3 մասնակիցների հետ:

Հետագայում այս թիմի հետ էլ աշխատելիս հասկացա, որ իրենց մեջ էլ կա պոտենցիալ, պարզապես դա պետք էր ճիշտ մատուցել հեռուստադիտողին, որպեսզի նրանք սիրվեին: Դրա համար պետք էին ճիշտ բեմադրություններ, ճիշտ կերպարներ, ճիշտ երգեր եւ այդ ամենը ճիշտ զգալ: Ես հենց դրա վրա եմ աշխատում, որ նրանք ճիշտ կերպով մատուցեն ընտրված երգը, որպեսզի հեռուստադիտողը եւս սիրի նրանց:

-Ո՞րն է, ըստ քեզ, ձեր թիմի հաջողության գաղտնիքը:

-Մեր հաջողությունը նրանում է, որ նրանք իմ ցանկությունը կատարում են: Ես շատ խստապահանջ եմ փորձերի ժամանակ եւ մաքսիմալ ստանում եմ այն, ինչ պատկերացնում եմ: Որպես պրոդյուեր` պետք է զգաս, թե ինչ պետք է անել, որպեսզի լավ մասնակցին չփչացնես, իսկ միջակին բարձրացնես վերեւ:

Ժյուրիի բոլոր անդամներն էլ ունեին ուժեղ թիմեր, բայց, ինչպես տեսնում եք, իմ թիմը դեռ կայուն է, իսկ նրանցից շատերի ուժեղ մասնակիցներն արդեն լքել են նախագիծը:

Նաեւ կարեւոր է այն փորձը, որը ես ունեմ, քանի որ ես միայն անցած X Factor-ի ժամանակ չէ, որ հաջողություն եմ գրանցել: Առաջին X Factor-ի ժամանակ էլ իմ թիմի երկու անդաները եղան լավագույն քառյակում, հետո «Պրեմիերա 1» նախագծում հաղթեցինք Սոնա Ռուբենյանի հետ, «Պրեմիերա 2»-ում կրկին հաղթեցի Լենա Ղազարյանի, Սուսաննա Պետրոսյանի եւ Նարեկ Մակարյանի հետ` հայտնվելով լավագույն եռյակում, «Նոր Ալիք» մրցույթին էլ Սոնա Ռուբենյանի հետ մեկնեցի` որպես պրոդյուսեր: Չեմ ուզում մեծամիտ հնչել, բայց ես վստահ եմ իմ կատարած աշխատանքի մեջ:

-Ի՞նչ ես կարծում, այնուամենայնիվ, կկարողանաս կրկնել նախորդ X Factor-ի ռեկորդը:

-Ճիշտն ասած` չունեմ այդ ձգտումը: Սա շատ անկեղծ եմ ասում, որովհետեւ, նախ, դժվար է անընդհատ պարապել երեք մասնակիցների հետ եւ աշխատել նույն եռանդով: Ավելի հեշտ է բոլոր ուժերը կենտրոնացնել մեկ կամ երկու մասնակցի վրա…Շատ ժամանակ եմ ծախսում այդ փորձերի վրա, բայց նաեւ պետք է նշեմ, որ սիրով եմ դա անում: Բայց այդ ռեկորդը էլ չեմ ձգտում կրկնել. դա արդեն արել եմ, ինձ անձամբ շնորհավորել է Սայմոն Քոուելը` հրավիրելով ինձ եւ իմ թիմին Լոնդոն: Իհարկե, այս անգամ էլ եմ ցանկանում հաղթել, բայց այն մեկ մասնակցով, որին  կընտրի հեռուստադիտողը: Նրանք երեքն էլ տարբեր են: Աբրահամն ունի հզոր ձայն, Էդգարն, ասես, ռումբ լինի բեմում. նա շատ արտիստիկ է, իսկ Յուրան շատ անկեղծ է ու պարզ ու հենց դրանով է գրավում հեռուստադիտողին:

-Ո՞ւմ ես համարում ձեր թիմի ամենուժեղ մրցակիցը:

-Կարծում եմ` ովքեր, որ մնացել են նախագծում, բոլորն էլ ուժեղ մրցակիցներ են` Տյոմը, Իննան, Էմմանուել ու Մարիամ զույգը: Մեկը մյուսից լավն են եւ ուժեղ:

-Անդրե, հաճախ եթերից տպավորություն է ստեղծվում, թե ժյուրիի անդամների միջեւ լարվածություն կա: Դա՞ էլ է շոուի մի մասը, թե՞, ամեն դեպքում, իրականում էլ կա նման լարվածություն:

-Գիտեք, բնականաբար, բոլորն էլ ցանկանում են, որ իրենց մասնակիցները մնան նախագծում: Ես մեղավոր չեմ, որ իմ մասնակիցները դեռ 3-ն են. դա ես ինքս չեմ որոշում: 6-րդ գալա համերգից սկսած էլ, առհասարակ, միայն հաշվի է առնվելու հեռուստադիտողի քվեարկությունը:

Ինչ վերաբերում է ժյուրիի մյուս անդամներին` նրանք երեքն էլ դեռ ունեն մասնակիցներ եւ, միեւնույն է, հիմա չենք էլ կարող իմանալ, թե վերջում որ մասնակիցը կհաղթի: Դեռ ամեն ինչ առջեւում է: Ես հասկանում եմ ժյուրիի բոլոր անդամներին, որովհետեւ բոլորն էլ մաքսիմալ ուժերը ներդնում են այս նախագծում, ինչպես նաեւ ես: Ամեն դեպքում` հաջողություն եմ մաղթում ինքս ինձ եւ իմ թիմին:

Ինքս շատ նամակներ եմ ստանում` թե՛ իմ թիմի երկրպագուների, թե՛ մյուս թիմերի երկրպագուների կողմից: Ես այդ կարծիքներն էլ եմ հասկանում, որովհետեւ բոլորն էլ ցանկանում են հաղթել: Այս նախագծով չի ամեն ինչ որոշվում: Նախագիծը կավարտվի եւ կմոռացվի, իսկ մենք ժյուրիի անդամներով նաեւ գործընկերներ ենք…

-Երբ ընտրում էիր եռյակդ, մտածո՞ւմ էիր այն մասին, որ նրանք դուր գան նաեւ հեռուստադիտղին, թե՞ պարզապես հեռուստադիտողի եւ քո ճաշակները համընկել են:

-Իհարկե, հաշվի առել եմ հեռուստադիտղի ճաշակը: Հաճախ ինքս այլ կերպարներ եմ սիրում եւ այլ երգեր, բայց իմ լսածը, վստահ եմ, հեռուստադիտողը ոչ միշտ է ինձ հետ կիսելու: Իսկ նախագծի իմաստը ավելի լայն լսարանին ներկայանալն է:

Աբրահամի եւ Էդգարի դեպքում հենց սկզբից էլ վստահ էի, որ նրանք պետք է լինեն իմ թիմում, իսկ 4-րդ եւ 3-րդ մասնակիցների հարցում ընթացքում եմ կողմնորոշվել: Քերոբն էլ էր շատ լավ մասնակից, բայց նրան խանգարեց ամաչկոտությունը, եւ ընտրությունս կանգ առավ Յուրայի վրա:

Ինչ վերաբերում է մեր երգերի ընտրությանը, շատ դեպքերում ժյուրիի մյուս անդամներն ինձ քննադատում են` մատնանշելով այն, որ հեռուստադիտողի համար եմ դա անում… Այո, ես ճիշտ ընտրություն եմ կատարում, բայց երգերի նմանատիպ ընտրություն նրանք էլ են կատարում: Այնպես որ` բոլորս էլ ամեն ինչ հաշվարկած ենք անում, ուղղակի իմ արած ամեն ինչն աչք է ծակում, որովհետեւ դեռ 3 մասնակիցներս էլ նախագծում են:

-Մասնակիցներիդ հաճախ ես փորձությունների ենթարկում: Առաջիկայում ի՞նչ սպասենք ձեր թիմից:

-Չգիտեմ` դեռ քանի փուլ կմնան իմ մասնակիցները, բայց երգերն ըստ թեմաների են ընտրվում: Հաջորդ գալա համերգի փորձերն արդեն սկսել ենք։ Շատ գեղեցիկ բեմադրություններ եւ անակնկալներ են լինելու:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում