• Հայկական հետք K-Pop-ում. Հայ տղամարդու պատմությունը, որը նվաճել է կորեական զվարճանքի արդյունաբերությունը

  Հայաստանը հաճախ չի հիշատակվում զրույցներում, առավել ևս՝ K-pop-ի համատեքստում․․․

• 14 տարվա ամուսնությունից հետո ռոք խմբի վոկալիստը ամուսնալուծվում է կնոջից՝ խոստովանելով, որ համասեռամոլ է

  Beartooth խմբի առաջատար Քալեբ Շոմոն և նրա կինը՝ Ֆլյոր Շոմոն, պաշտոնապես սկսել են ամուսնալուծության գործընթացը՝ գրեթե երկու ամիս անց այն բանից հետո, երբ երաժիշտը հրապարակայնորեն հայտարարեց, որ համասեռամոլ է…

• Փիթբուլի համերգը պատմություն է կերտել՝ շնորհիվ 22,000 ճաղատ երկրպագուների

  Փիթբուլի երկրպագուներն իրենց կուռքի հանդեպ սերը հասցրել են նոր մակարդակի…

• 2026 թվականի Աշխարհի առաջնություն։ «Ես Բոսնիայից եմ, տար ինձ Ամերիկա». ինչպես 15 տարվա երգը դարձավ ամռան ֆուտբոլային հիթը

  Շատերն արդեն այս երգը անվանել են 2026 թվականի ՖԻՖԱ-ի աշխարհի առաջնության ոչ պաշտոնական հիմնը․․․

• Մաքսիմ Ֆադեևը Արման Հովհաննիսյանի հետ դուետով կթողարկի «Армения» երգը

  Ռուս պրոդյուսեր և կոմպոզիտոր Մաքսիմ Ֆադեևը պատրաստվում է «Армения» վերնագրով նոր երգի պրեմիերային, որը ձայնագրել է երգիչ Արման Հովհաննիսյանի հետ․․․

• Maroon 5-ը և BLACKPINK-ի LISA-ն համատեղ երգ են թողարկել

  Երաժշտական տեսահոլովակը ոգեշնչված է Աերին Մորենոյի նկարահանած «Միստր և միսիս Սմիթներ» 35 մմ-անոց ժապավենի վրա նկարահանված մարտաֆիլմից...

• Apple Music-ի նոր դիջեյը  ոչ այլ ոք է, քան Նորին Գերազանցություն թագավոր Չառլզ III-ը

  The King's Music Room ռադիոշոուի, որը ձայնագրվել է Բուքինգհեմյան պալատում, «Նորին Մեծության աշխատասենյակում», դեբյուտը տեղի կունենա մարտի 10-ին...

• Սամվել Երվինյանի կախարդական ջութակը. թափառականի կարոտն ու արմատներին միշտ հավատարիմ մնալու ջերմությունը

  Այդ օրը բեմը վերածվել էր նուրբ հույզերի եւ կրքերի բուռն տարածության, որտեղ ձայնը պատկանում էր Սամվել Երվինյանի ջութակին...

X Factor 4-ը երեկ՝ ապրիլի 9-ին, հատեց եզրագիծն՝ ավարտվելով Անդրեի թիմից Էդգար Ղանդիլյանի հաղթանակով: Նրա թիմակից Աբրահամ Խուբլարյանը եւս շատ մոտ էր հաղթանակին, սակայն երգիչը հեռուտադիտողի քվեարկության արդյունքում չանցավ եզրափակիչ փուլ:  NEWS.am STYLE-ի հետ զրույցում Աբրահամը խոսեց իր հույզերի, X Factor-ից ստացած փորձի եւ Անդրեի հետ աշխատելու մասին:

-Աբրահամ, հիշում եմ՝ քո առաջին ելույթի ժամանակ տպավորեցիր ժյուրիի բոլոր անդամներին: Այնուամենայիվ, սպասո՞ւմ էիր, որ այսքան փուլ դեռ կանցնես նախագծում:

-Առաջին գալա համերգից հետո, երբ երկու մասնակից դուրս մնաց նախագծից, ես ամեն անգամ սպասում էի, որ ես էլ դուրս կմնամ: Ամեն ինչ անում էի, որ տվյալ օրվա  իմ ելույթը լավ ստացվեր: Այդ լավ արձագանքները եւ այն փաստը, որ մինչեւ եզրափակիչ փուլ հասա, ձեռք բերեցի նման ընկերներ, ունեցա նման փորձ, շփվեցի պրոֆիեսոնալ մարդկանց հետ, ինձ համար արդեն հաղթանակ էր:

-Տխրություն, ամեն դեպքում, կա՞…

-Չեմ ստի եւ կասեմ, որ շատ եմ տխրել, բայց սրանով ոչինչ չի ավարտվում: Սրանով ամեն ինչ սկսվում է, սա երգարվեստում իմ առաջին լուրջ քայլն էր, մնում է՝ բարձրանամ եւ ճիշտ շարունակեմ այս ուղին:

-Ինչպես նշեց Գրիշա Աղախանյանը, հաճախ հաղթողի տիտղոսը չնվաճած մասնակիցներն ավելի կայուն հաջողություններ են գրանցում այս ոլորտում: Դու շարունակելո՞ւ ես ակտիվ զբաղվել երաժշտությամբ:

-Ես վաղուց եմ որոշել, որ շարունակելու եմ այս ուղին: Դրա մասին 4-5 տարի առաջ եմ մտածել, ու ոչինչ ինձ չի խանգարի այդ հարցում: Հուսով եմ՝ ես էլ կլինեմ այն մասնակիցների թվում, որոնք չեն հուսահատվել եւ առաջ են գնացել:

-Անդրեն քեզ շատ ոճերում է փորձել. քեզ ո՞րն էր ավելի հոգեհարազատ, որո՞վ ես շարունակելու ստեղծագործել:

-Կշարունակեմ երգել իմ սիրած ոճով, որը փոփ-ռոքն է: Իմ կատարմամբ կլսեք նաեւ հայկական երգեր: Այսինքն՝ չեմ սահմանափակվի միայն այդ ոճով, բայց փոփ-ռոքը կլինի իմ հիմնական ուղղությունը:

-Պրոդյուսերիցդ այս ընթացքում ի՞նչ խորհուրդներ ես ստացել:

-Առաջին հերթին, Անդրեից սովորել եմ լինել մարդկային, որն, ըստ իս, մարդու ամենակարեւոր հատկանիշն է: Անդրեն մեզ միշտ լավ է վերաբերվել ու հենց այդ վերաբերմունքն եմ  նրանից սովորել: Նա ինձ կյանքի մեծ փորձ է փոխանցել:

-Հայրիկդ՝ Արմեն Խուբլարյանը, առաջին անգամ էր ներկա գալա համերգին: Հուզմունքդ նրա ներկայությունից կրկնապատկվե՞լ էր:

-Ֆիլմերի պես եղավ (ծիծաղում է): Հայրիկս եկավ վերջին համերգին, ու ես դուրս մնացի պայքարից: Բայց շատ ուրախ եմ, որ նա ներկա էր, միշտ չէր ստացվում... Հուսով եմ՝ հավանել է ելույթս:

-Առհասարակ, գո՞հ է լինում քո ելույթներից:

-Այո, բայց միշտ նկատողություն է անում, որ ավելի շտկվեմ: Ես լսում եմ նրա բոլոր նկատողություններն ու աշխատում ինձ վրա, քանի որ մինչ այստեղ գալը միշտ հայրիկիս խորհուրդներով եմ շարժվել՝ թե կյանքում, թե բեմում:

Սյունե Առաքելյան

Լուսանկարները՝ «Շանթ» TV-ի

Հետևեք NEWS.am STYLE-ին Facebook-ում, Twitter-ում և Instagram-ում