Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Քիմ Քարդաշյանը Balenciaga-ից 1500 դոլարանոց զգեստով հյուրընկալվել է Էլեն Դեջեներեսին

10:01, 28 ապրիլի

Քիմ Քարդաշյանը Balenciaga-ից 1500 դոլար արժողությամբ զգեստով հյուրընկալվել է Էլեն Դեջեներեսի շոուին: 36-ամյա հայուհին պատմել է երեխաների եւ տրանսգենդեր խորթ հոր՝ Քեյթլին Ջեների հետ կապված խնդիրների մասին:

 

Քիմը պատմել է, որ Նորթն ու Սեյնթը չափազանց տարբեր են, եւ նրանց հարաբերություններն այնքան էլ լավ չեն:

 

«Նորին շատ խելացի է: Նա գիտի (կամ կարծում է, որ գիտի), թե ինչպես պետք է խորամանկի Քանյեի ու ինձ հետ: Նա հոր պատճենն է: Նույն բնավորությունը, նոր խոսելաձեւը: Սեյնթը բնավորությամբ ավելի շատ ինձ է նման: Բացի այդ, նա շատ բարի տղա է: Նորթն անընդհատ նեղացնում է նրան, իսկ նա նույնիսկ լաց չի լինում»:

 

Քիմը նաեւ պատմել է անցյալ տարվա հոկտեմբերին Փարիզում իրեն կողոպտելու մասին:

«Հիմա ես բոլորովին այլ մարդ եմ: Դա (կողոպուտը - խմբ.) պետք է տեղի ունենար ինձ հետ: Ես հավատում եմ, որ կյանքում ոչինչ հենց այնպես տեղի չի ունենում, մեզ դաս տալու համար է պատահում: Ես այլեւս չեմ անհանգստանում նյութական բաների մասին»,- արցունքն աչքերին պատմել է Քիմը:

 

Միակ բանը, որ հիմա նյարդայնացնում է Քիմին, խորթ հայրն է՝ Քեյթլին Ջեները, որն ինքնակենսագրական գիրք է գրել՝ խոսելով Քրիս Ջեների հետ դժվար ամուսնական կյանքի եւ երկար տարիներ իր իսկական էությունը թաքցնելու մասին:

 

«Ես ցավում եմ մորս համար, քանի որ նա շատ բաների միջով է անցել Բրյուսի պատճառով, իսկ հիմա Քեյթլինը նման բաներ է ասում... Ես դրանում իմաստ չեմ տեսնում: Նախ՝ դա ազնիվ չէ, երկրորդ՝ ճիշտ չէ: Նրան շատ ժամանակ պետք եկավ, որպեսզի ազնիվ լինի ինքն իր հետ, այդ պատճառով նրանից ազնվություն չեմ սպասում հիմա, երբ նա պատմում է Քրիսի մասին:

Ես Քեյթլինին հաջողություն եմ մաղթում, բայց պետք չէ մեզ հետ այդպես վարվել: Արդեն մի քանի շաբաթ չենք խոսել Քեյթլինի հետ, բայց ես, իհարկե, միշտ կսիրեմ նրան: Բրյուսը բազմաթիվ տարիներ իմ խորթ հայրն է եղել, դաստիարակել է ինձ, շատ բան է սովորեցրել, բայց այնպես, ինչպես հիմա Քեյթլինն իրեն պահում է, չափն անց է: Ես չեմ կարող դա հարգել: Այո, մենք միշտ կաջակցենք նրան, Քեյթլինը մեր ընտանիքի անդամն է, նա Քենդալի եւ Քայլիի հայրն է, ի վերջո: Ես ուզում եմ հարգալից վերաբերվել Քեյթլինին, բայց չեմ հասկանում, թե ինչո՞ւ էր պետք ընդհանրապես նման բաներ գրել: Լավ, պատմիր քո պատմությունը, եթե ուզում ես, բայց ինչո՞ւ ես նեղացնում մտերիմ մարդկանց»,- նշել է Քիմը:


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search