Հայաստանում հինգ տարվա ընդմիջումից հետո կրկին կմեկնարկի «Միսս Հայաստան» գեղեցկության մրցույթը։ Այսօր՝ մայիսի 25-ին կայացած մամուլի ասուլիսում «Միսս Հայաստան համայկական հիմնադրամի» նախագահ, «Միսս Հայաստան 1998» տիտղոսակիր Գոհար Հարությունյանը խոսեց սեպտեմբերի 15-ին կայանալիք մրցույթի մանրամասներից:
«Մենք հիմնել ենք գեղեցկության մրցույթով զբաղվող բոլորովին նոր կառույց։ Նպատակը շատ պարզ է. Հայաստանում անցկացնել ամենամյա գեղեցկության մրցույթներ եւ մեր գեղեցկուհիներին ուղարկել՝ մասնակցելու միջազգային ամենահեղինակավոր մրցույթներին, որոնք են «Միսս Աշխարհ»-ն ու «Միսս Տիեզերքը»։ Ինձ համար մեծ պատիվ է, որ առաջին օրվանից սկսած մշակույթի նախարարությունն իր հովանու ներքո է վերցրել այս նախաձեռնությունը։ Հետագայում մեզ միացավ նաեւ սփյուռքի նախարարությունը։
Ինչ վերաբերում է մրցույթի ընթացակարգին. ցանկացողները կարող են գրանցվել www.missarmenia.org կայքում: Երեւանում բնակվող աղջիկների համար նախընտրական փուլերը կանցկացվեն Երեւանում, իսկ մարզերում բնակվողների համար՝ մարզերում։ Արտերկրում բնակվող աղջիկները կարող են առցանց անցնել նախընտրական փուլերը, որից հետո կհրավիրվեն Հայաստան»,- նշեց Գոհարը՝ հավելելով, որ մրցույթին կարող են մասնակցել 17-26 տարեկան չամուսնացած աղջիկները:
«Մնացած համաչափությունները մենք չենք կոնկրետացնում, քանի որ կարծում ենք, որ գեղեցկությունը համաչափության, կրթության ու ներքին ինտելեկտի մեջ է»։
Գոհարը տեղեկացրեց, որ մրցույթի նախընտրական փուլերը փակ են անցկացվելու։ Ինչ վերաբերում է մարզերից եւ արտերկրից ժամանած մասնակիցներին՝ կազմակերպիչները նրանց կապահովեն հյուրանոցով եւ սնունդով։
«Մասնակիցները կարող են լինել ամենաանապահով ընտանիքներից․ մենք աշխատելու ենք, որպեսզի նրանք չծախսեն ոչ մի ավելորդ գումար։ Նրանց ամեն ինչ տրամադրվելու է, նաեւ՝ հագուստը։ Կազմակերպիչներն ամբողջ ծախսը վերցնելու են իրենց վրա»,-նշեց Գոհարը՝ ավելացնելով, որ մրցույթի ժյուրիի անդամները մրցույթից միայն մի քանի օր առաջ կիմանան, որ իրենք ներառված են ժյուրիի կազմում.
«Այդպես է որոշված, որովհետեւ հայերը հաճախ սիրում են բարեխոսել, բայց մենք ուզում ենք, որ ամեն ինչ լինի արդար։ Ժյուրիի կազմի մասին դեռ շատ ինֆորմացիա չենք կարող տալ, բայց հնարավոր է, որ նրանք լինեն նորաձեւության, գեղեցկության եւ երգարվեստի ներկայացուցիչներ։ Մենք նաեւ նախատեսում ենք ունենալ մեծ մրցանակային ֆոնդ՝ դրամաշնորհ եւ նվերներ։ Արդեն ունենք գործընկերներ, որոնք հետաքրքրված են մրցույթով, օրինակ՝ Գեւորգ Շադոյանը, որն անակնկալ նվեր է պատրաստել»։
Ի դեպ, մրցույթի թագը մշակում է հենց դիզայներ Գեւորգ Շադոյանը։ Կազմակերպիչներն ամեն ինչ անում եմ, որպեսզի այն հնարավորինս հայկական մոտիվներով լինի, իսկ տիտղոսակիր գեղեցկուհին հայեցի կերպար ունենա։
Գեւորգ Շադոյանն իր խոսքում անդրադարձավ պլաստիկ միջամտությունների շնորհիվ գեղեցկացած աղջիկներին՝ նշելով․
«Պլաստիկ վիրահատությունները չեն արգելվում, եթե դրանք շատ չեն նկատվում։ Հաճախ աղջիկները մրցույթին գալիս են զարդերով եւ ճոխ հարդարմամբ, սակայն դա էական չէ խորհրդի կամ ժյուրիի անդամների համար, դա նրանց համար որպես առավելություն չի դիտվելու։ Նախընտրելի է, որ մասնակիցն ավելի բնական լինի»։
Տեղեկացնենք, որ «Միսս Հայաստան 2017»-ի մեկնարկը տրվելու է սեպեմբերի 1-ից։ Նախընտրական փուլը հաղթահարած 20-25 մասնակիցները, մինչ սեպտեմբերի 15-ին կայանալիք հանդիսությունը, մասնակցելու են տարբեր միջոցռումների եւ ծանոթնալու են Հայաստանի տեսարժան վայրերին։
Խոսելով ապագա «Միսս Հայաստան»-ի մասին, Գոհարը նշեց․
«Կարեւոր է, որ նա վայել լինի հայուհուն եւ պատվով ներկայացնի մեր երկիրը միջազգային տարբեր մրցույթներում»։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ