«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Մշակույթի նախարարն ու հայկական շոու-բիզնեսի ներկայացուցիչները՝ Հայկոյի նոր տեսահոլովակի շնորհանդեսին (ֆոտոռեպորտաժ)

10:30, 9 հուլիսի

Երեկ՝ հուլիսի 8-ին, Երեւանի ժամանցային կենտրոններից մեկում կայացավ Հայկոյի «Սիրո հավերժ քաղաք» տեսահոլովակի շնորհանդեսը: Երգիչն իր նոր երգը հեղինակել է Ավետ Բարսեղյանի հետ միասին, իսկ տեսահոլովակի ռեժիսորն Արամայիս Հայրապետյանն է:

«Երգը նվիրված է մեր քաղաքին: Երեւանի մասին շատ տեսահոլովակներ են նկարահանվել, բայց մենք ցանկանում էինք, որ այս մեկը օրիգինալ լիներ: Երկար փուլեր անցնելուց հետո ռեժիսոր Արամայիս Հայրապետյանը պատմեց մի միտք, որը շատ օրիգինալ թվաց: Երբ ստեղծագործական թիմի հետ դիտեցինք տեսահոլովակը, հասկացանք, որ պետք է հենց քաղաքի կենտրոնում կազմակերպենք գեղեցիկ շնորհանդես»,-նշեց Հայկոն՝ հավելելով. «Ապրելով սոցիալական կայքերի կյանքով՝ հասկանում ես, որ մեր քաղաքը PR-ի կարիք ունի, եւ զբոսաշրջիկներին գրավելու համար մեր արվեստագետները պետք է գեղեցիկ քայլեր անեն, որպեսզի մեր քաղաքը հյուրերի համար դառնա հետաքրքիր»:

Ռեժիսոր Արամայիս Հայրապետյանի խոսքով՝ նախագծի գերնպատակն այն է, որ յուրաքանչյուր հայ Երեւանը ներդաշնակությամբ ընդունի.

«Քաղաքին, ինձ թվում է, շատ մեծ սերն է պակասում: Տեսահոլովակում չկա նոր տեխնոլոգիա, կա նոր գաղափար. փորձել ենք Հայկոյի ներաշխարհը միքսել Երեւանի հետ: Ինձ թվում է՝ յուրաքանչյուրը, ով Երեւանն այլ աչքերով էր տեսնում, տեսահոլովակից հետո, միգուցե, փոխի իր կարծիքը: Այս տեսահոլովակն, ըստ իս, կտարբերվի իր գաղափարով, տեսակով, գույներով, ձեւով եւ մոտեցմամբ»,-նշեց նա:

Հայկոյի նոր տեսահոլովակի շնորհանդեսին ներկա էին ոչ միայն նրա ընկերներն ու շոու-բիզնեսի կոլեգաները, այլեւ ՀՀ մշակույթի նախարար Արմեն Ամիրյանը, որը NEWS.am STYLE-ի հետ զրույցում կիսվեց իր տպավորություններով.

 «Հայկոն շատ օրիգինալ երգիչ է եւ ստեղծագործող, նրա բոլոր ստեղծագործություններն են տարբերվում, միանգամից մնում են մարդու սրտի մեջ եւ կամրջում են մեր հիշողությունները՝ անցյալից դեպի ապագա: Տեսահոլովակի հետ կապված՝ հաճելիորեն զարմացած եմ  երիտասարդ ռեժիսորի աշխատանքով: Մեր տեսահոլովակային արվեստում սա լրիվ նոր խոսք էր: Կարծում եմ՝ պետք է մտածենք ոչ միայն Երեւանի, այլեւ մեր մյուս քաղաքների մասին էլ շատ երգեր ստեղծել, որովհետեւ Վանաձորը, Գյումրին, Արտաշատը, Գորիսը ոչնչով չպետք է տարբերվեն»:

Ի դեպ, Հայկոյի անակնկալներն այսքանով չսահմանափակվեցին: Երգիչը հայտարարեց, որ սեպտեմբերի 8-ին պատրաստվում է մենահամերգով ներկայանալ Կարեն Դեմիրճյանի անվան մարզահամերգային համալիրում: Հայկոյի մենահամերգը կկրի «Սիրո հավերժ քաղաք» խորագիրը:

Երգչի տեսահոլովակի շնորհանդեսն ու հայտնի հյուրերը՝ NEWS.am STYLE-ի ֆոտոռեպորտաժում:

Սյունե Առաքելյան

Շուշան Շատիկյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search