• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

Լոս Անջելեսում բնակվող 19-ամյա երգչուհի Սոնա Նալբանդյանին հայ հեռուստադիտողը բացահայտեց  երգիչ Անդրեի հեղինակային` Andrenalin նախագծից հետո, որտեղ Սոնան զբաղեցրել է 2-րդ հորիզոնականը: Երաժշտասերներին Սոնան գերեց ոչ միայն իր յուրահատուկ վոկալով, հայկական ժողովրդական եւ օպերային ժանրերի կատարումներով, այլեւ հայուհու համար արտասովոր արտաքինով:

Վերջերս Սոնան Հայաստանում էր` «Ոսկե ձայն» միջազգային մրցույթին մասնակցելու նպատակով: NEWS.am STYLE-ը ֆոտոշարք է իրականացրել թխամաշկ գեղեցկուհու հետ, իսկ նկարահանումներից հետո Սոնան պատասխանել է մեր հարցերին եւ պատմել յուրահատուկ արմատների մասին.

«Ես ծնվել եմ 1998 թ-ին՝ Վաշինգթոնում: Հայրս՝ Արամ Նալբանդյանը, Երեւանից է, մայրս՝ Սինտիան, ամերիկացի է, սեւամորթ. նա Գանայից է: Մորս կողմից ունեմ նաեւ գերմանական եւ իռլանդական արմատներ: Այժմ նա եւս կրում է Նալբանդյան ազգանունը: Հորս ընտանիքը Լոս Անջելես տեղափոխվել է 1990 թ-ին»,-պատմում է Սոնան:

Թեպետ իր կյանքի ընթացքում աղջիկը Երեւանում եղել է ընդամենը 3 անգամ, հայկական դաստիարակությունն այնքան ուժեղ է եղել նրա ընտանիքում, որ նա ոչ միայն սովորել է հայերենը, այլեւ շատ սահուն է տիրապետում լեզվին.

«Ես մեծացել եմ հայկական ընտանիքում եւ սովորել եմ հայկական դպրոցում: Մեր տանը բոլորը խոսում են հայերեն, բացի մայրիկիցս: Նա շատ լավ հասկանում է լեզուն, բայց չի խոսում»:

Մինչ Andrenalin մրցույթին մասնակցելը, Սոնան սովորում էր Քալիֆորնիայի արվեստների ինստիտուտում.

«Մինչ շոուին մասնակցելն էլ երգում էի, սովորում էի, առանձնապես այլ բաներով չէի զբաղվում: Իսկ շոուին որոշեցի մասնակցել ուսուցչուհուս՝ Անուշ Գալաստյանի խորհրդով: Նա տեղեկացրեց ինձ մրցույթի մասին, ես էլ նրան հարգելով որոշեցի փորձել ուժերս մրցույթում»:

Երգչուհուց հետաքրքրվեցինք նաեւ, թե Andrenalin-ի մասնակիցներից ում հետ է շարունակում մտերմությունը եւ ինչով է զբաղված շոուի ավարտից հետո.

«Ամենից հաճախ Շուշաննայի հետ եմ շփվում: Նախագծի ավարտից հետո շարունակում եմ ուսումս համալսարանում, իսկ Հայաստան եկել էի «Ոսկե Ձայն» մրցույթին մասնակցելու նպատակով: Ես ստացա երկրորդ մրցանակը եւ ինձ հրավիրեցին մասնակցելու Նյու Յորքում կայանալիք համերգին, որտեղ ես «Անուշ» օպերայից պիտի երգեմ»,-ասում է հայուհին, որը Հայաստանում հատկապես հավանել է Գորիսն ու Տաթեւի վանքը:

Սոնան խոստովանում է՝ հաճախ չի լինում Հայաստանում, բայց նաեւ հույս ունի, որ այսուհետ ավելի հաճախակի կայցելի հայրենիք:

Սյունե Առաքելյան

Լուսանկարիչ՝ Արսեն Սարգսյան

Հագուստը՝ Platon, Teress, ArmiMarti

Նկարահանումներն իրականացվել են Գաֆեսճեան քանդակների պարտեզում, Հյուսիսային պողոտայում եւ Օպերայի եւ բալետի ազգային ակադեմիական թատրոնի տարածքում

Հետևեք NEWS.am STYLE-ին Facebook-ում, Twitter-ում և Instagram-ում