Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Exclusive. Անդրեն եւ վրացի երգչուհի Նինի Շերմադինին համատեղ տեսահոլովակ են նկարահանել

12:02, 1 օգոստոսի

Անդրեն եւ վրացի երգչուհի Նինի Շերմադինին երկրպագուներին կներկայանան նոր համագործակցությամբ: Երգիչը վերջերս Վրաստանում էր, որտեղ էլ նկարահանվել է նրանց նոր` «Ծաղիկների աշխարհում» տեսահոլովակը: Այս մասին Անդրեն առաջինը պատմել է NEWS.am STYLE-ի հետ զրույցում.

«Մի քանի օրվա մեջ ամեն ինչ որոշեցինք: Նինին ընդամենը մի քանի օրով Նյու Յորքից եկել էր Վրաստան, ես էլ առաջարկեցի՝ քանի վերադարձել է, նկարահանենք այս տեսահոլովակը: Վահան Նահապետյանը կատարեց գործիքավորումը, Նիկ Էգիբյանն էլ՝ ձայնագրությունը, որից հետո գնացի Վրաստան, եւ նկարահանեցինք տեսահոլովակը: Նկարահանումները տեղի ունեցան Սիգնախի քաղաքում, որն, ասես, փոքրիկ Իտալիան լինի: Ի դեպ, ասում են՝ դարեր առաջ նրանց թագուհին հայուհի է եղել: Այդպես, այդ հեքիաթային վայրում նկարահանեցինք մեր տեսահոլովակը: Տեսահոլովակի ռեժիսորը քույրս է՝ պրոդյուսեր Անուշ Հովնանյանը: Սա նրա առաջին ռեժիսորական աշխատանքն է եւ հենց նրա միտքն էր, որ գնայինք Վրաստան եւ նկարահանեինք տեսահոլովակը»,-ասում է երգիչը՝ հավելելով, որ տեսահոլովակը, ամենայն հավանականությամբ, հեռուստադիտողի դատին կհանձնեն տարեվերջին:

Հիշեցնենք, որ սա Անդրեի եւ վրացի երգչուհու առաջին համագործակցությունը չէ: 2010 թ-ին Անդրեն եւ Նինին որպես դուետ ներկայացան 10+10 հայ-վրացական նախագծի շրջանակներում, իսկ ավելի ուշ ներկայացրեցին իրենց համատեղ տեսահոլովակը՝ «Ով, սիրուն, սիրուն» երգի հիման վրա:

«Սկզբում ընտրել էինք հենց «Ով, սիրուն, սիրուն» երգը, որովհետեւ այն սիրված է թե՛ Հայաստանում՝ հայերեն տարբերակով, թե՛ Վրաստանում՝ վրացերենով: Ի դեպ, Գեորգի Հարությունյանի միտքն էր, որ ներկայացնեինք այդ երգը: Այս երգի ընտրությունն էլ նա հուշեց հենց նույն պատճառով, որովհետեւ այն եւս երկու երկրներում էլ սիրված ստեղծագործություն է»,-նշեց Անդրեն:

Ավելի վաղ խոսակցություններ էին տարածվել, թե Անդրեն եւ Նինին սիրավեպ ունեն. նրանք հանդիպել էին ԱՄՆ-ում, իսկ խոսակցությունների պատճառ հանդիսացան Անդրեի եւ Նինիի համատեղ լուսանկարները: NEWS.am STYLE-ի հետ զրույցում երգիչները մեկնաբանել էին տարածված լուրերը.

«Նրան վաղուց չէի տեսել, աննկարագրելի ջերմ հանդիպում ունեցանք Նյու Յորքում: Նինին ինձ հետ երգեց համերգի ժամանակ, իսկ հետո հիշեցինք այն լավ օրերը, որոնք անցկացրել ենք Հայաստանում... Մեր անձնականի վերաբերյալ հարցերին չեմ ուզում պատասխանել: Երբ ամուսնանամ, հաստատ առաջինը ես կհայտնեմ այդ մասին»,-նշել էր Անդրեն, իսկ Նինին հավելել էր.

«Դե, ի՞նչ ասեմ բամբասանքների մասին։ Հայտնի մարդկանց դեպքում դա նորմալ բան է։ Դրանք ինձ նույնիսկ դուր են գալիս (ծիծաղում է)։ Շատ զվարճալի է․․․ Մենք լավ ընկերներ ենք, ու հուսով եմ՝ մեր ընկերությունը դեռ երկար կշարունակվի։ Ես հարգում եմ Անդրեին՝ որպես հրաշալի անձնավորություն, լավ երգիչ ու ընկեր։ Նույնը նրա կողմից եմ զգում»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել