«Գինեկոլոգները գինի պատրաստողներն են»․ «IQ-իկ»-ի 3-րդ թողարկումը

Պահարան. այն ամենն ինչ պարտադիր է ճամպրուկում՝հանգստի մեկնելիս

Ամերիկաբնակների արձագանքը հայկական տեսահոլովակներին. մաս 2` Իվետա Մուկուչյան

«IQ-իկ». Փոքրիկները` լրագրության մասին

Makeup tutorial. ստանում ենք վառ ամառային դիմահարդարում

Ինչպես ընտրել ամառային շապիկներն ու ճիշտ համադրել դրանք

«Իռլանդացին» ֆիլմի առաջին թիզերը

Արտասահմանցիները հայկական տեսահոլովակներ են դիտում

Երկու հայ հանդիպեցին Մոսկվայում․ Հրանտ Թոխատյան եւ Սարիկ Անդրեասյան

NEWS.am STYLE-ը ներկայացնում է․ երեք լուք մեկ ժակետով՝ ոճաբանի խորհուրդները

Դավիթ Պարոնիկյանը, Միշ Ամիրյանը & Co-ն ներկայացնում են. «համեղ» երաժշտություն Smart’n’Special-ից

«Ուզում եմ նստել «Համացանց» անունով ձին». Սարիկ Անդրեասյանն իր Youtube-յան շոուն ունի

«Իտալական մաֆիայի կրտսեր կազմ». հայ երիտասարդը «Лучше всех» հաղորդմանը եկել էր 8-ամյա թարգմանչի հետ

Քիմ Քարդաշյանը վերադարձել է Սպիտակ տուն՝ դատապարտյալներին աջակցելու համար

«Հայաստանը բացահայտումների երկիր է». Միխայիլ Շիրվինդտը Սեւանի ափին խեցգետնով քաբաբ է փորձել

Shabeeg․ խոսող շապիկներ

Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Ինչպես կազմակերպել երեխաների ժամանցը Երեւանում. առաքելությունն անիրագործելի՞ է

12:05, 5 սեպտեմբերի

Ու՞ր տանել երեխաներին հանգստյան օրերին: Այս հարցը բազմաթիվ երեւանցիների է հուզում: Մանկական սրճարանները փոքրիկներին այլեւս այնքան էլ չեն գրավում. միանման ծրագրերը, մրցույթներն ու ծաղրածուները հետաքրքիր են միայն առաջին անգամ, իսկ հետո ձանձրացնում եւ նույնիսկ զայրացնում են: Այդ պատճառով որոշեցինք մեր ցանկում դրանք չներառել:

Շատ ծնողներ նախընտրում են օգտակար ժամանցը, որպեսզի իրենց երեխաները ոչ միայն լիցքավորվեն, այլեւ գիտելիքներ ստանան: Նման վայրերը Երեւանում, պարզվում է, այնքան էլ շատ չեն:

Կենդանաբանական այգի

Երեւանի կենդանաբանական այգի կարելի է նորից ու նորից այցելել: Ամեն անգամ այստեղ նոր ու հետաքրքիր բան կարող ես գտնել: Նշվում է, որ այստեղ ավելի քան 2000 տեսակի կենդանիներ կան աշխարհի տարբեր անկյուններից: Այգու վերակառուցումը դեռ շարունակվում է, այդ պատճառով ոչ բոլոր կենդանիներին է հնարավոր տեսնել: Առյուծների, որոշ տեսակների կապիկների, գայլերի եւ վագրերի ազատավանդակները չկան:

Կենդանաբանական այգում ցուցադրաբար կերակրում են կենդանիներին, ինքներդ էլ կարող եք խնձոր, ստեպղին, այգու մուտքի մոտ գնած հատուկ հաց հյուրասիրել նրանց: Կարող եք նաեւ օգտվել ծառայությունից եւ տնօրենի հետ զբոսնել այգու տարածքով, դիտել, թե ինչպես են խնամում եւ ինչով են զբաղեցնում կենդանիներին, լուսանկարել: Իսկ կենդանաբանական այգու մուտքի մոտ նաեւ ակվատերարիում կա, որտեղ կարող եք իսկական թունավոր օձեր եւ հազվագյուտ ձկներ տեսնել:

Մուտքի տոմսի արժեքը մեծահասակների համար՝ 800 դրամ, երեխաների համար՝ 500 դրամ

Կենդանաբանական այգի՝ կենդանիների հետ շփվելու հնարավորությամբ

Ինչպես Երեւանում, այնպես էլ աշխարհի տարբեր քաղաքներում մեծ տարածում են գտնում կենդանիների հետ շփվելու հնարավորությամբ կենդանաբանական այգիները: Մեր մայրաքաղաքում արդեն մի քանի տարի ժամանցի նման վայր կա՝ El Garden-ը: Այս հաստատության գլխավոր առավելությունը կենդանիների հետ երեխաների շփման հնարավորությունն է: Այգում այծեր, ճագարներ, հավեր, խոճկորներ, շներ կան, որոնց կարելի է շոյել, գրկել: Այգու տարածքում նաեւ խաղահրապարակ կա, մանկական տնակներ՝ խաղալիքներով լի, մանկական զիփլայն, բլուրներ եւ բատուտ:

Երեխաների համար մուտքի տոմսի արժեքը՝ 3000-5000 դրամ

Փոքրիկ հանճարներ

Վաղ զարգացումը ներկայում նորաձեւ է, եւ հետաքրքրասեր ու խելացի երեխաների համար ավելի կրեատիվ վայրեր կան: «Փոքրիկ Էյնշտեյն» թանգարանը կօգնի բացահայտել ճշգրիտ գիտությունների հանդեպ երեխայի հետաքրքրվածությունն ու տաղանդը: Այստեղ տարատեսակ գիտափորձերի ու փորձերի հնարավորություն կա: Կարելի է հետեւել գիտական շոուների, քիմիական լուծույթներ խառնել, իմանալ բնության արտասովոր երեւույթների եւ ֆիզիկայի օրենքների մասին: Սա մանկական թանգարան է, որտեղ հետաքրքրասեր «ինչուիկ»-ներն առանց վախենալու կարող են դիպչել բոլոր ցուցանմուշներին: Նման կենտրոնները, որտեղ երեխան ոչ թե պարզապես աշակերտ, այլեւ փորձի մաս կարող է դառնալ, Երեւանում քիչ են:

Խոստանում են այս տարվա հոկտեմբերին Երեւանում բացել առաջին «մասնագիտությունների ավանը», որտեղ երեխաները կկարողանան հանդես գալ հրշեջի, խոհարարի, բժշկի, ֆերմերի եւ նույնիսկ ոստիկանի դերում:

Մուտքի տոմսի արժեքը երեխաների ու մեծահասակների համար՝ 3000 դրամ

Վարպետության դաս պատանի խոհարարների համար

Հետաքրքիր վարպետության դասը հրաշալի նվեր կլինի ցանկացած երեխայի համար: Բոլոր երեխաներն էլ երազում են ձեռքերը թաթախել ալյուրի մեջ, խմոր հունցել կամ բանջարեղել կտրատել... Ի դեպ՝ սխալմամբ համարվում է, որ այդ զբաղմունքը միայն աղջիկներին է հետաքրքիր, բայց տղաները նույնպես մեծ հետաքրքրություն են ցուցաբերում խոհանոցի հանդեպ: Առավել եւս, որ հայ պատանիների համար օգտակար կլինի սովորել գոնե տարրական բաներ ինքնուրույն պատրաստել: «Michael’s»-ում նման վարպետության դասեր անցկացվում են ամեն օր, ցանկացած ժամի: Ռեստորանի խոհանոցում ձեր երեխաները կսովորեն պիցցա, սենդվիչ կամ աղցան պատրաստել:

Վարպետության դասի արժեքը՝ 1500 դրամ

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության