Հայկական Բարեգործական Ընդհանուր Միության նախաձեռնությամբ՝ այսօր Ալ. Սպենդիարյանի անվան օպերայի եւ բալետի ազգային ակադեմիական թատրոնում կայացավ Հայոց Ցեղասպանության մասին «Խոստումը» ֆիլմին նվիրված երաժշտական ներկայացման պրեմիերան, որին անձամբ մասնակցեց ֆիլմի ռեժիսոր Թերրի Ջորջը:
Ներկայացումն իրենց ներկայությամբ պատվեցին ՀՀ նախագահ Սերժ Սարգսյանն իր տիկնոջ հետ, վարչապետ Կարեն Կարապետյանը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսն ու այլ բարձրաստիճան պաշտոնյաներ:
«Մեր խոստումը» ժամանակակից բալետը բեմադրվել է ի նշան հայ ժողովրդի երախտիքի՝ Քըրք Քըրքորյանին եւ ֆիլմը ստեղծողներին:
Ֆիլմի հերոս Միքայելը բալետային ներկայացման մեջ գաղթի ճանապարհին փոքրիկ աղջկան՝ Մարիային պատմում է հայ ժողովրդի սարսափելի պատմությունը: Հատկանշական է, որ դերակատարները Մայր Աթոռ Սբ. Էջմիածնի եւ ՀԲԸՄ Նորքի Հայորդաց Տան սաներն են: Իրականում բառերով անհնար է նկարագրել ռեժիսոր Գրիգոր Խաչատրյանի բեմադրած ներկայացման էությունը, ոգին, որ փոխանցվում է հանդիսատեսին: Այն իսկապես դիտել է պետք: Հուզիչ եւ ազդեցիկ ներկայացումն ուղեկցվում էր ոչ պակաս ազդեցիկ երաժշտությամբ՝ Հայաստանի ֆիլհարմոնիկ նվագախմբի եւ «Հովեր» երգչախմբի մատուցմամբ:
Հրավիրյալ արտիստների կենդանի կատարումներն էլ ավելի ազդեցիկ դարձրեցին ներկայացումը, որում, անշուշտ, տեղ էին գտել նաեւ հատվածներ՝ «Խոստումը» ֆիլմից:
Ներկայացումը եզրափակվեց ֆիլմի սաունդթրեքով, որը փայլուն կատարեցին Իվետա Մուկուչյանը, Նարինե Դովլաթյանը, Տիգրան Պետրոսյանը, Արմեն Շահվերդյանը եւ Սրբուհի Սարգսյանը:
Օսկարակիր ռեժիսոր Թերրի Ջորջը ներկայացման ավարտից հետո բեմ բարձրացավ եւ շնորհակալություն հայտնեց հայ ժողովրդին.
«Իմ մասին գրում են, որ ես ֆիլմի հեղինակն եմ, բայց ես պետք է խոստովանեմ՝ ես չեմ դրա հեղինակը, այլ դուք, որպես ժողովուրդ, դուք եք գրել այս ֆիլմը: Ձեր նախնիների վերապրածը, այն, ինչ հայկական սփյուռքն է տվել համայն աշխարհին, ոգեշնչման աղբյուր է հանդիսացել ինձ համար: Այսօր, երբ աշխարհի խոշորագույն ճգնաժամը փախստականների իրավիճակն է, մենք պարտական ենք ձեր ժողովդրին՝ որպես օրինակ ծառայած ժողովուրդ, թե ինչպես կարելի է հաղթահարել նման մարտահավերը: Ես շնորհակալություն եմ հայտնում Survival Pictures-ին, որ վստահեցիք եւ թույլ տվեցիք ինձ նկարահանել այս ֆիլմը»:
Շուշան Շատիկյան
Լուսանկարները՝ Նարեկ Տեր-Պողոսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը