• «Холостяк»-ի հաղթող Կատյա Սաֆարովան լուսանկարվել է մերկ

  Ոչ բոլորին է դուր եկել այդ անկեղծությունը․․․

• Սիմոն Պորտ Ժակմյուսի շունը նկարահանվել է ֆրանսիական «Elle»-ի շապիկի համար

  Դիզայները շատ է սիրում շների…

• Դուա Լիպան եւ Անվար Հադիդը բաժանվել են

  Զույգը վաղուց էր մտածում բաժանվելու մասին…

• Fendi նորաձեւության տունը վերաթողարկել է «Սեքսը մեծ քաղաքում» սերիալից հայտնի դարձած պայուսակը

  Արժեքը 4300 դոլար է․․․

• Ինչպիսի պայուսակներ համադրել փքաբաճկոնների հետ․ ոճային տարբերակներ (ֆոտո)

  Իդեալական ընտրություն կլինի հարթ կամ ասեղնագործված պայուսակը․․․

• Միատոն զգեստը՝ կանանց համար Ամանորի թրենդ

  Միատոն հանդերձանքը Նոր տարվա նախաշեմին կանանց շրջանում թրենդ է դարձել․․․

• «Միսս Տիեզերք» մրցույթի հերթական փուլը․ Նանե Ավետիսյանը՝ Արարատյան թագավորության աստվածուհի Արուբանիին ներկայացնող տարազով (վիդեո)

  Նոր հրապարակում․․․

• Քրիստինե Գրիգորյանի նորաձեւության երեկոն եւ հայտնի հյուրերը (ֆոտո)

  Պպոդիումում ոչ միայն պրոֆեսիոնալ մոդելներ էին, այլեւ հայտնի մարդիկ․․․

«Միսս Արմենիա 2017» մրցույթի հաղթող Լիլի Սարգսյանից թագը վերցրել են։ NEWS.am STYLE-ի հետ զրույցում մրցույթի կազմակերպիչ Գոհար Հարությունյանը պարզաբանեց, որ սցենարական սխալի պատճառով՝ թագը նվիրած ոսկերչական ընկերությունը որոշել է վերցնել այն, քանի որ նախապես պայմանավորված գովազդը նրանց չի բավարարել.

«Սա շոու է, բացթողումներ լինում են, դրանցից մեկն էլ եղել է սցենարական սխալմունքի պատճառով։ Ե՛վ մենք ենք տուժել, ե՛ւ մեր գործընկեր Artyom's Jewelery-ն, որը մեծ գովազդի ակնկալիքներ ուներ։ Բայց հաղորդավարի խոսքը շատ ուշ է գրվել, վերջին օրերին կամզկոմիտեով փորձել ենք ամեն ինչ կարգի բերել, սակայն մեր ժամանակն էլ չի բավականացրել»,- նշեց Գոհարը։ Նրա խոսքով՝ արծաթյա թագը մոտ երկու միլիոն դրամ արժե։

«Թագը նվեր պետք է լիներ գովազդի դիմաց։ Իհարկե, գովազդ եղել է պաստառների, հրավիրատոմսերի վրա, սակայն պետք է նաեւ եթերում մի քանի անգամ հնչեր նրանց ընկերության անունը, ինչը չի եղել»։

«Միսս Արմենիա 2017»-ի կազմկոմիտեն եւ մրցույթը ուղիղ եթերում հեռարձակած «Արմենիա» հեռուստաընկերությունը բանակցություններ են վարում թագը վերադարձնելու համար.

«Հեռուստընկերությունն առաջարկում է մրցույթի կրկնության ժամանակ գովազդել իրենց, նաեւ իր առավոտյան հաղորդումների ընթացքում։ Տեսնենք, բանակցությունները դեռ ընթանում են։ Նրանք շատ տխուր էին եւ բարկացած, զայրույթի պահին են նման որոշում կայացրել»,- ասաց Հարությունյանը։

Իսկ ինչպե՞ս է արձագանքել Լիլին այդ հանգամանքին, մրցույթի կազմակերպիչը նշում է. 

«Ինքը հրաշք աղջիկ է, շատ բարի։ Ես նկատեցի, որ անապահով ընտանիքից է, նրա մայրիկն ու հայրիկն ասում էին՝ միթե՞ արդարություն կա, մենք ապշած ենք։ Լիլին շատ հանգիստ է վերաբերվել։ Ես եւս մեկ անգամ համոզվեցի, որ մեր ընտրությունը ճիշտ էր»։

Մենք փորձեինք կապ հատստաել նաեւ Artyom's ընկերության հետ։ Մեզ նախ ասացին, որ ավելի ուշ փորձենք զանգահարել, իսկ հետո ընդհանրապես չպատասխանեցին մեր զանգերին։

Ավելի վաղ ոսկերչական ընկերությունն իր ֆեյսբուքյան էջում անդրադարձել էր մրցույթին՝ գրելով, որ իրենց համար պատասխանատու գործ է մրցույթի թագը պատրաստելը եւ հույս էր հայտնել, որ իրենց նվերը կոգեւորի աղջիկներին։

Հետևեք NEWS.am STYLE-ին Facebook-ում, Twitter-ում և Instagram-ում