Օսկար 2020-ի մրցանակակիրներն ու կարմիր գորգի լավագույն եւ վատագույն կերպարները

Շատ հուշեր ու սեր. ինչպե՞ս է անցել Քրիստինե Պեպելյանի մենահամերգն ու ինչպե՞ս է որդին՝ Արեգը, օգնել նրան իր էներգետիկայով

Իրինա Թովմասյանի՝ անակնկալներով լի 38-ամյակն ու 80-ականների dress code-ը

5 փաստ սեւ զգեստների մասին. Գայանե Մանուկյան

Հայկ Մարությանը ներկա է գտնվել Մկրտիչ Արզումանյանի «Save Միլիոն» ներկայացմանը

Ինչո՞ւ Հայկ Պետրոսյանը հանդես չի գա ներկայացումներով, եւ ի՞նչ շարժառիթ է ստեղծել արտիստի առաջին սերը

Գարիկ Մարտիրոսյանը խաղում է կարաոկե «ռուլետկա»

«Խնդրում եմ Աստծուց, որ առողջ լինենք ու երջանիկ լինեն իմ բալիկները». Օլյա Հակոբյանը որդիների հետ՝ NEWS.am STYLE-ի ամանորյա ֆոտոշարքում

Համեղ թխվածք ձեր ամանորյա սեղանին․ առաջարկում է Սիլվի Բարկովան

Ինչպե՞ս խուսափել Ամանորին ավելորդ քաշ հավաքելուց

Ի՞նչ դիմահարդարմամբ դիմավորել 2020թ․-ը․ տարվա թրենդներն ու հակաթրենդները

Սիլվի Բարկովան՝ Ամանորը Հայաստանում անցկացնելու եւ ամուսնուն սպասելու մասին

«Գրեմմի»-ի 10-ակի դափնեկիր Take 6 խմբի անդամները ժամանեցին Հայաստան

Արամեի մենահամերգն ու հայտնի հյուրերը

«Մահանալու ժամանակ չկա». պաշտոնական թրեյլերը

Ինչ է սպասվում կենդանակերպի նշաններին 2020 թվականին. Գուրգեն Հովհաննիսյան

Հրապարակվել է Ջեյմս Բոնդի մասին նոր ֆիլմի թիզերը

Ի՞նչ է կատարվել «Women’s Club»-ի հետնաբեմում եւ ինչեր են մնացել կադրից դուրս

Ի՞նչ արժե Երեւանում գարեջուրը. մայրաքաղաքի բարերն ու փաբերը

15:07, 1 հոկտեմբերի

Առանձնահատուկ գարեջրի սիրահարների համար մենք Երեւանի քրաֆթային բարերի վարկանիշն ենք կազմել: Քրաֆթային գարեջուրը նաեւ արհեստագործական են կոչում, քանի որ շշի պարունակությունն ուղղակիորեն կախված է վարպետերի անհատական բաղադրատոմերից, որոնք սիրում են համի փորձարկումներ անել՝ ավանդական բաղադրատոմսին արտասովոր բաղադրիչներ ավելացնելով. հատապտուղներ, մրգեր, դարչին եւ այլն: Հետեւելով նորաձեւությանը՝ Երեւանում վերջին տարիներին գարեջրի փառատոններ են անցկացվում, որտեղ իրենց արտադրանքն են ներկայացնում տեղական գարեջրագործները: Եվ այսօր այդ տեսականու առնվազն մի մասը կարելի է գտնել մայրաքաղաքի բարերում, որոնք ներառվել են այս ցանկում:

Beer Academy

Բարում 6 տեսակի գարեջուր կա, որոնցից 5-ը պատրաստում են հաստատության գարեջրագործները, իսկ ոչ ալկոհոլայինը Եվրոպայից են բերում: Դրանցից մեկը ցորենի գարեջուրն է, որը, ինչպես ցանկացած դասական ցորենի գարեջուր, լինում է մայիսից մինչեւ հոկտեմբեր: Այստեղ կարելի է փորձել նաեւ կոճապղպեղով, մուգ, լագեր, տաք գարեջուր՝ մեղրով եւ կիտրոնով, բիո-գարեջուր: Ռեստորանում նաեւ 9 տեսակի նրբերշիկ են մատուցում, չիփսեր եւ Jack Daniel's հայտնի սթեյքը: Beer Academy-ում յուրաքանչյուր օր իր ուղղությունն ունի: Երկուշաբթին գարեջրի օր է: Այդ օրը 20%-անոց զեղչ է գործում: Երեքշաբթի, չորեքշաբթի եւ հինգշաբթի խեցգետնի օրեր են. կարող եք 2.000 դրամ վճարել եւ անսահմանափակ քանակությամբ խեցգետին վայելել: Սակայն այցելուներն ասում են, որ այդ օրերին խեցգետինը չափազանց աղի է: Սեղաններին դասական ստեղծագործություններով գրքեր են, որոնք կարող եք կարդալ գարեջուր վայելելու ընթացքում:

Մեկ անձի համար միջին հաշիվը՝ 4.000-5.000 դրամ:

Dargett Craft Brewery

Այստեղ հենց այցելուների առջեւ տեղական գարեջրագործական արտադրամասում շուրջ 20 տեսակի քրաֆթային գարեջուր են պատրաստում: Դրանց թվում ինչպես հայտնի, այնպես էլ ինքնատիպ տեսակներ կան, որոնք ստեղծվել են իտալացի եւ բելգիացի վարպետների համատեղ աշխատանքի արդյունքում: Տեսականին ներառում է ամերիկյան ոճով շատ կծու էլ, բալի, տանձի, նույնիսկ ծիրանի գարեջուր: Լցնովի գարեջուրը 0.33 լիտրի համար 800-1.000 դրամ է: Իհարկե, նման բար գնալիս մեկ բաժակ գարեջրով չես սահմանափակվի, հարկավոր է փորձել գոնե երեքը: Ուտելիքը բավական թանկ է: Այստեղ բուրգերներ են պատրաստում, պիցցա, մեքսիկական եւ եվրոպական խոհանոցի ուտեստներ: Տեղականից բացի՝ այստեղ կարելի է նաեւ Բելգիայից ներմուծված գարեջուր փորձել: Հինգշաբթիից մինչեւ կիրակի Dargett Craft Brewery-ում փոփ, ռոք եւ քանթրի ոճի կենդանի երաժշտություն է հնչում:

Միջին հաշիվը՝ 6.000-7.000 դրամ

Labeerint

Այստեղ չորս տեսակի գարեջուր կա՝ Light եւ Dark Lager, Premium Pils եւ Weissbier: Եթե այնքան էլ գլուխ չեք հանում անվանումներից, կարող է գարեջրային սեթ պատվիրել՝ տեսականու համար 750 դրամ վճարելով: Այստեղ ավելի քան 10 տեսակի շշալցված գարեջուր կա Չեխիայից, Բելգիայից եւ Գերմանիայից: Ավանդական խնջույքների սիրահարներն այստեղ կարող են գտնել խոզի եւ գառան խորոված, հավի եւ տավարի քյաբաբ, իքիբիր եւ ձուկ: Այստեղ նաեւ գարեջրին հարմար ճաշացանկ կա. ֆիրմային երշիկներ եւ նրբերշիկներ, տապակած պելմեններ, ծովախեցգետին: Ռեստորանում նաեւ տարբեր ակցիաներ կան. 2.500 դրամ՝ անսահմանափակ քանակությամբ խեցգետին կամ 2.800 դրամ՝ նույնպես անսահմանափակ Light Lager-ի համար: Այս հաստատությունը հետաքրքիր առանձնահատկություն ունի. հենց պատի մեջ ծորակներ կան, որտեղից հաճախորդն ինքը կարող է իր համար գարեջուր լցնել:

Միջին հաշիվը՝ 4.000-5.000 դրամ

PAULANER Beer-house

Paulaner-ում Մյունխենից բերված չորս տեսակի ֆիրմային բավարական գարեջուր կա՝ բաց, մուգ, ցորենի եւ չորս տեսակի ածիկից պատրաստված: Գարեջրի գինը սկսում է 850 դրամից: Ռեստորանում վիկինգների իսկական ուտեստներ են մատուցում՝ բավարական երշիկներ, մի քանի տեսակի նրբերշիկ, վիեննական ձեւով շնիցել, բավարական բրեցել եւ այլն:

PAULANER-ը կարեւոր սպորտային փաբ է, որտեղ Մանչեսթեր Յունայթեդի խաղերի ժամանակն ավելի լավ է չերեւալ. ե՛ւ տեղ չեք գտնի, ե՛ւ ֆուտբոլի սիրահարները չեն թողնի հանգիստ խմեք:

Միջին հաշիվը՝ 6.000-8.000 դրամ

Karloff Czech Brewery-Restaurant

Այս փաբը գտնվում է Մոսկովյան փողոցում: Այստեղ կարելի է տեղական արտադրության գարեջուր փորձել. դասականն ու գոլդը՝ 1.200 դրամ, մուգը՝ 1.300 դրամ: Ջուրը հայկական է, մյուս բաղադրիչները Չեխիայից են բերում: Բաժակները երկաթե բռնակներ ունեն եւ զվարճալի գրություն՝ «Խողովակներն այրվում են»: Ռեստորանի ադմինիստրացիան կարող է նաեւ նվիրել մեկ բաժակ, եթե ձեր հաշիվը 100.000 դրամ եւ ավելի լինի: Խոհանոցը բավական բազմազան է. ֆիրմային երշիկներ խոզապուխտով, ձկան փափկամիս, կողեր, պանրի գնդիկներ, ավանդական աղցաններ: Յուրաքանչյուր կիրակի դույլով խեցգետին են մատուցում՝ 3.000 դրամով: Ռեստորանում նաեւ տարբեր կոկտեյլներ են միախառնում: Բարում հաճախ հավաքվում են ֆուտբոլի սիրահարներ եւ «աղմկոտ բազմությամբ» հետեւում խաղին: Իսկ տոնական օրերին հյուրերի հաճելի ժամանցն ապահովում են երաժշտական կոլեկտիվները:

Միջին հաշիվը՝ 5.000-6.000 դրամ

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության