Շատ հաճախ կանայք հանդուրժում են ընտանեկան բռնությունը եւ ոչ մեկին այդ մասին չեն բողոքում, քանի որ վախենում են շրջապատի քննադատությունից: Սովորաբար ընտանեկան բռնության զոհերը մտածում են, որ արժանացել են նման վերաբերմունքի: Շատերը վախենում են անկայունությունից, որ իրենց սպառնում է ամուսնուց հեռանալու դեպքում: NEWS.am STYLE-ը հոգեբան Արմեն Հովսեփյանին խնդրեց անդրադառնալ այդ թեմային, ով մեր ընթերցողներին արդեն պատմել է՝ ինչպե՞ս պոտենցիալ ընտանեկան բռնակալներին ճանաչել մինչեւ ամուսնությունը: Եվ այսպես, ի՞նչ անել, եթե, ամեն դեպքում, խնդիրն առաջացել է:
«Կարեւոր գործոնը, որի պատճառով կանայք շարունակում են ապրել ընտանեկան բռնակալի հետ, երեխաների առկայությունն է: Հաճախ են դեպքերը, երբ փող եւ իշխանություն ունեցող ամուսինը սպառնում է, որ ապահարզանի դեպքում երեխաները կմնան իր հետ եւ կինն այլեւս երբեք նրանց չի տեսնի:
Եթե որոշել եք հեռանալ բռնակալ ամուսնուց, ապա հարկավոր է նախապես գործողությունների ծրագիր մշակել եւ համենայն դեպս ապահովագրվել:
Եթե ամուսինը կամ կողակիցը հերթական անգամ ծեծել է ձեզ, գնացեք հիվանդանոց եւ արձանագրեք ծեծի փաստը: Այդ հետագայում կօգնի ապահարզանի ժամանակ:
Նախապես հավաքեք բնակարանի բանալին, փաստաթղթերը, անհրաժեշտ իրերը եւ, եթե հնարավոր է, դրամը: Այս ամենը թաքցրեք հուսալի վայրում. օրինակ՝ ծնողների կամ ընկերների մոտ:
Մի սպառնացեք գնալով: Եթե սպառնաք, բայց ոչինչ չանեք, ամուսինը պարզապես լուրջ չի վերաբերվի ձեր խոսքերին, նույնիսկ ինքներդ շուտով կկորցնեք հավատը, որ ձեզ երբեւէ կհաջողվի գնալ: Իսկ եթե ամուսինը հավատա ձեր մտադրություններին, կարող է ավելի վատ լինել. ո՞վ գիտե, թե ինչպիսի քայլեր կձեռնարկի, որպեսզի ձեզանից առաջ ընկնի:
Նախապես գտեք մարդկանց, ում մոտ կարող եք ապրել առաջին շրջանում: Ցանկալի է, որ նրանք ձեր ամուսնուն ծանոթ չլինեն:
Բնակարանից մի գնացեք առանց իրերի եւ փաստաթղթերի, հակառակ դեպքում որոշ ժամանակ անց ստիպված կլինեք վերադառնալ ագրեսորի մոտ, եւ դրա հետեւանքները կարող են լինել ամենեւին էլ ոչ ուրախալի:
Եթե երեխաներ ունեք, արեք հնարավորը, որպեսզի նրանք ընտանեկան բռնակալի զոհ չդառնան: Եթե երեխաների հանդեպ բռնություն արդեն կիրառվել է, այդ մասին պատմեք հնարավորինս մեծ թվով մարդկանց: Հետագայում նրանք կարող են դատարանում հանդես գալ որպես վկա:
Եվ վերջին հանգամանքը. հարազատներից եւ ընկերներից երբեք մի թաքցրեք ընտանիքում բռնության փաստերը: Իմացեք. դուք ամաչելու բան չունեք եւ նրանում, ինչ կատարվում է, մեղավոր չեք: Եվ հիշեք, որ եթե զուգընկերը ֆիզիկական կամ սեռական բռնություն է կիրառել, ապա դեպքերի 95%-ի պարագայում այն մեկ անգամով չի սահմանափակվի: Պետք չէ հավատալ նրա խոստումներին ու երդումներին, թե նման բան այլեւս չի կրկնվի: Որքան էլ սիրեք ձեր զուգընկերոջը, առաջին իսկ ծեծից կամ սեռական բռնությունից հետո արմատական միջոցներ ձեռնարկեք, քանի դեռ շատ ուշ չէ»:
Եթե այս խնդիրը Ձեզ ծանոթ է եւ չգիտեք՝ ում դիմել, գրեք Ձեր պատմությունը եւ ուղարկեք NEWS.am STYLE-ի խմբագրություն՝ [email protected] էլեկտրոնային փոստի հասցեով: Մենք այն կհրապարակենք «Իմ պատմությունը» խորագրի ներքո: Հնարավոր է՝ դա կօգնի ստեղծված իրավիճակից ելք գտնել: Անանունությունը երաշխավորված է:
Հետևեք NEWS.am STYLE-ին Facebook-ում, Twitter-ում և Instagram-ում
23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին