• Ջոնաթան Անդերսոնի LOEWE-ն «գողացել» է աշխարհի ամենահայտնի ապրանքանիշի թագը

  Ջոնաթան Անդերսոնի LOEWE-ն Lyst Index-ի՝ 2024 թ-ի երկրորդ կիսամյակային զեկույցում «գողացել է» աշխարհի ամենահայտնի ապրանքանիշի թագը․․․

• Կարեն Թորոսյանի բրյուսելյան Bozar ռեստորանը մտել է աշխարհի լավագույն ռեստորանների հարյուրյակ

  Bozar ռեստորանը, որը գտնվում է Բրյուսելի կենտրոնում, Գեղարվեստի հանրահայտ պալատում, այժմ մտնում է աշխարհի լավագույն ռեստորանների մեջ՝ զբաղեցնելով 63-րդ տեղը «2024թ. աշխարհի 50 լավագույն ռեստորանները» բրիտանական ռեյթինգի «51-100» ընդլայնված ցուցակում։ Ռեստորանի ավագ խոհարար եւ սեփականատեր Կարեն Թորոսյանը անցած տարի ստացել է Միշլենի երկրորդ աստղը...

• Երկու հայ հայտնվել են Forbes-ի «30-ից 30» վարկանիշի լոնգ-լիսթում

  Լավագույն 30 անունները կհրապարակվեն Forbes-ի հունիսյան համարում․․․

• «Չեբուրաշկան» դարձել է ներքին շուկայի պատմության ամենաեկամտաբեր ռուսական ֆիլմը

  Այն դարձել է ռուսական շուկայի ամենաեկամտաբեր նախագիծը...

• Հրապարակվել է տարվա լավագույն ֆիլմերի նախնական աղյուսակը՝ ըստ Metacritic-ի

  Աղյուսակում առաջին տեղում «Aftersun» ֆիլմն է...

• Ռոբի Ուիլյամսը գերազանցել է Էլվիս Փրեսլիի ռեկորդը

  Սա Ռոբիի 14-րդ ալբոմն է, որը 1-ին հորիզոնականում է...

• Հայտնի է տարվա ամենահանրաճանաչ երգչի անունը

  Քանյե Ուեսթը ցանկում զբաղեցրել է վեցերորդ հորիզոնականը․․․

• Հաշվարկների պատմության մեջ «Օսկար 2022»-ի վարկանիշը վերջից երկրորդն է

  Արարողության հեռուստատեսային վարկանիշները հաշվարկվել են 1970-ականներից...

Գեղեցկության աշխարհն ապրում է իր օրենքներով, եւ այդտեղ ամենաազդեցիկի վարկանիշ ձեռք բերելն այնքան էլ հեշտ չէ: Փոխարենը տարվա ընթացքում այդ ոլորտում վարկանիշ ձեռք բերելով՝ հնարավոր է սեփական անունը դաջել դիմահարդարման պարագաների անվանի որեւէ ապրանքանիշի վրա, շահավետ պայմանագրեր կնքել նորաձեւության աշխարհում վաստակավորի պատմություն ունեցող ապրանքանիշի հետ՝ ընկերության գովազդային դեմքը դառնալու եւ նրանց արտադրանքը ներկայացնելու համար: Այս տարի այդպիսի բացառիկ հնարավորություն են ստացել գեղեցկության աշխարհի՝ մեզ արդեն հայտնի անուններով կանայք:

Այդ կանանց ցանկը գլխավորում է այս տարի աշխարհի ամենաբարձր վարձատրվող մոդելի համբավ ձեռք բերած Քենդալ Ջեները: Նա կարողացավ մրցակցել իր հաջողություններից շռայլորեն օգտվող եւ ավելի քան 15 տարի տարի աշխարհի ամենաբարձր վարձատրվող մոդելների ցանկը գլխավորող թոփ մոդել Ժիզել Բունդհենի հետ եւ գերազանցել նրան: Քենդալն իր հաջողությունը պայմանավորում է հասարակական մեծ համբավով, ինչին կարողացել է  հասնել սոցիալական ցանցերում իր աշխուժության շնորհիվ: Նա արդեն վաղուց սոցցանցերի աստղ է եւ արդեն 84 մլն հետեւորդ ունի: Մոդելն արդեն հասցրել է համագործակցության պայմանագրեր կնքել հանրահայտ Estée Lauder, La Perla եւ adidas ապրանքանիշերի հետ:

Ազդեցիկների ցուցակի երկրորդ հորիզոնականում է դիմահարդար, յութուբյան բլոգեր Վիոլետը, ով խուսափում է իր ազգանունը հրապարակելուց: Հունիսին նա հաջողությամբ ներկայացրեց Estée Lauder ապրանքանիշը՝ սոցիալական ցանցերում ընկերության համար ստեղծված էջերում ներկայացնելով ապրանքանիշի նոր արտադրանքը եւ ցուցադրելով, թե ինչպես կարելի է դրանք արդյունավետորեն կիրառել եւ մեծ բավականություն ստանալ:

Այդ շքեղ արտաքինով ֆրանսուհուն միշտ հաջողվում է առանց մեծ ջանքեր գործադրելու անկրկնելի եւ անխոցելի տեսք ունենալ: Դրա համար նա, թերեւս, պարտական է իր անթերի մաշկին եւ դասական ճաշակին:

Երրորդ տեղում Քիմ Քարդաշյանի 20-ամյա քույրը՝ ամերիկացի մոդել Քայլի Ջեներն է, ում համար այս տարին բավականին բարեհաջող էր: Նախ, նրա համեմատաբար նորաստեղծ Kylie Cosmetics ապրանքանիշը մեծ համբավ ձեռք բերեց, ինչի արդյունքում զգալիորեն ավելացավ ընկերության արտադրանքի պահանջարկը, հետո էլ երիտասարդ կին գործարարը ներառվեց Forbes-ի ցանկում՝ որպես աշխարհի ամենահարուստ հայտնիներից մեկը:

Գեղեցկության աշխարհի ազդեցիկ ներկայացուցիչների 2017թ. ցանկում է հայտնվել նաեւ երգչուհի Ռիհանան, ով այս տարի թողարկել է իր ազգանվամբ ստեղծված Fenty Beauty ապրանքանիշը: Ապրանքանիշը հիմնականում դեկորատիվ կոսմետիկ միջոցներ է արտադրում տարբեր երանգների մաշկ ունեցող կանանց համար, ինչը հատկապես պահանջված է ամերիկյան շուկայում:

Մասնագետների գնահատմամբ՝ Fenty Beauty-ի արտադրանքը բավականին որակյալ է: Նաեւ դրա շնորհիվ է, որ այն մեծ սպառում ունի: Այդ կոսմետիկ միջոցներն արդեն հասցրել են փորձարկել հանրահայտ դիմահարդարներ Ուեյն Գոսը եւ Լիզա Էլդրիջը՝ իրենց գոհունակությունը հայտնելով դրանց որակի վերաբերյալ:

Յութուբյան եւս մեկ բլոգեր, ով երկար տարիներ սոցիալական ցանցերում ամենաազդեցիկ անձնավորություններից մեկն է համարվում, ներառվել է վերոնշյալ ցանկում: Միշել Ֆանը ժամանակին սոցցանցի իր հետեւորդներին էր ներկայացնում L’Oreal եւ Ipsy ապրանքանիշերը: Սակայն այս տարվանից իր երկրպագուներին Միշելը ներկայացավ սեփական՝ EM ապրանքանիշով: Բլոգերը գնել է L’Oreal ապրանքանիշը, որն այժմ թողարկում է նոր անվամբ, եւ աստիճանաբար այն համալրում է սեփական արտադրանքով:

Քայլի Ջեների քույրը՝ Քիմը, այս անգամ էլ որոշեց ոչնչով հետ չմնալ քրոջից եւ ջանքեր գործադրեց՝ գեղեցկության աշխարհում սեփական ճաշակը թելադրելու համար: Յոթ ազդեցիկների ցանկի վեցերորդ հորիզոնականում է հայտնվել Քիմ Քարդաշյանը: Գեղեցկության արտադրությունում Քիմն իր առաջին քայլերը սկսել է դեռ 2015թ., երբ մազերի խնամքի համար նախատեսված միջոցների շարք թողարկեց: Այս ամառ նա արդեն ներկայացավ դիմահարդարման պարագաների KKW Beauty ապրանքանիշով: Բայց արտադրանքը բավականին սահմանափակ էր եւ սպառվեց ժամերի ընթացքում՝ 14 մլն դոլար շահույթ ապահովելով:

Ամենաազդեցիկների ցանկը եզրափակում է բլոգեր, դիմահարդար Ջեֆրի Սթարը, ով, սակայն, այդտեղ է հայտնվել իր կասկածելի եւ սկանդալային վարքի շնորհիվ: Բանն այն է, որ Ջեֆրին 2017թ. ընթացքում հասցրել է մի շարք աղմկահարույց պատմությունների կիզակետում հայտնվել՝ վիճաբանելով, անվանարկելով նորաձեւության ոլորտի հայտնիներին, փորձելով հեղինակազրկել գեղեցկության ոլորտում հայտնի ապրանքանիշները, անգամ դատական քաշքշուկների մեջ հայտնվելով դրանց ներկայացուցիչների հետ:

Աղբյուր՝ Daily Mail

Հետևեք NEWS.am STYLE-ին Facebook-ում, Twitter-ում և Instagram-ում