Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

«Պայթյունավտանգ համար՝ առանց պայթյունի». Հասմիկ Շիրոյանի եվրատեսիլյան երգը հեղինակել են Դեմի Լովատոյի եւ Քելի Քլարքսոնի հետ աշխատած երգահանները

12:08, 9 հունվարի

You & I/«Դու եւ ես»՝ այսպես է կոչվում Հասմիկ Շիրոյանի երգը, որով երգչուհին մասնակցելու է «Դեպի Եվրատեսիլ» նախագծին: Հասմիկի երգը հեղինակել են համաշխարհային ճանաչում ունեցող երգահաններ, որոնք աշխատել են մի շարք աստղերի հետ, որոնց թվում են՝ Ջեյմս Արթուրը, Քելի Քլարքսոնը, Դեմի Լովատոն, Սիգալան, Քայլի Մինոգը եւ այլք:

Թե ինչի մասին է իր մրցութային երգն ու ինչպիսի ելույթ է սպասում հեռուստադիտողին, Հասմիկը պատմել է NEWS.am STYLE-ին:

«You & I երգն ամբողջությամբ անգլերենով է: Հեղինակները ցանկացել են գրել մի դրական ստեղծագործություն, որը հոգեհարազատ կլինի բոլոր ունկնդիրներին: Այն կենտրոնացած է այնպիսի հարաբերությունների վրա, որտեղ ամեն ինչ հնարավոր է: Այնտեղ շեշտադրվում է սիրո կարեւորությունը»,-նշում է երգչուհին՝ հավելելով.

«Ինձ համար մեծագույն պատիվ է այն փաստը, որ երգի ստեղծման համար համագործակցել եմ աշխարհին հայտնի երեք տաղանդավոր հեղինակների՝ Marli-ի, Neil-ի եւ Haj-ի հետ: Նրանք նախկինում համագործակցել են այնպիսի աստղերի հետ, ինչպիսիք են Ջեյմս Արթուրը, Քելի Քլարքսոնը, Դեմի Լովատոն, Սիգալան, Քայլի Մինոգը... Մեր թիմային բանակցություններից եւ քննարկումներից հետո հասկացանք, որ այս երգը կարող է Հայաստանին հասցնել երաժշտական նոր մակարդակի: Կարծում եմ՝ իմ կողքին հրաշալի թիմ է ձեւավորվել, եւ մենք եվրատեսիլյան պատմության մեջ նոր էջ կարող ենք բացել Հայաստանի համար»:

Հասմիկի խոսքով՝ արդեն մտածել են, թե ինչ համար են ներկայացնելու «Դեպի Եվրատեսիլ» մրցույթում.

«Հիմնական միտքն արդեն կա: Աշխատում եմ աշխարհահռչակ բեմադրիչի հետ, որի անունը դեռ գաղտնի կպահեմ: Միասին փորձելու ենք իրականացնել հետաքրիր, էմոցիոնալ, պայթյունավտանգ համար, բայց առանց պայթյունի»,-կատակում է նա:

Երգչուհուց հետաքրքրվեցինք նաեւ, թե մրցույթի մասնակիցներից ում է համարում իր գլխավոր մրցակիցը.

«Այս տարվա միցույթի ֆորմատը տարբերվում է անցյալ տարվանից: Կարծում եմ՝ որպես արտիստ բոլորն էլ ունեն հավասար շանսեր, ամեն բան կախված է երգից: Քանի որ ոչ մեկի երգը չեմ լսել, չեմ կարող ասել, բայց գիտեմ, որ շատ տաղանդավոր արտիստներ են մասնակցում: Մրցակցությունը թեժ է լինելու, բայց անելու եմ ամեն բան հաղթանակի համար»,-եզրափակեց երգչուհին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search