Անունս Լիլիթ է: Միշտ մտածում էի, որ անհրաժեշտ է ամուսնանալուց առաջ դեռ ոտքի կանգնել: Նախ սովորում էի, հետո գտա երազանքիս աշխատանքը եւ սկսեցի վաստակել բավական շատ, որպեսզի կարողանամ ավտոմեքենա գնել եւ տարվա մեջ 1-2 անգամ ճամփորդել: Բայց հիմա, երբ հոգիս անձնական երջանկություն է պահանջում, կանգ առա, հետ նայեցի եւ հասկացա, որ շուրջ 5 տարի առաջ բաց թողեցի այն պահը, երբ հարկավոր էր անձնական կյանք կառուցել:
Ես 31 տարեկան եմ, վստահ եմ ուժերիս եւ միանգամայն անկախ: Անպայման մինչեւ տարեվերջ ամուսնանալու եմ, խոստանում եմ: Սովոր չլինելով նստել բազմոցին եւ սպասել, թե երբ է երջանկությունն ինձ գտնելու, կսկսեմ գործել: Իսկ ձեզ, սիրելի ընթերցողներ, կպատմեմ իմ հաջողությունների մասին:
Իսկ ինչպե՞ս ամուսնանալ: Օ՜, ինչպիսի մտահոգիչ հարց, հատկապես այն կանանց համար, ովքեր 30-ն անց են: Բայց նույնիսկ մինչեւ 30 տարեկանը ոչ բոլոր կանանց է հաջողվում ամուսին գտնել, քանի որ բազմաթիվ երիտասարդ էակների համար կարիերան առաջին տեղում է եւ անձնական կյանքով զբաղվելու ժամանակ չկա: Նաեւ այն պատճառով, որ վիճակագրության համաձայն, յուրաքանչյուր 10 աղջկա… կարելի է չշարունակել: Բայց ինձ կհաջողվի, ես գիտեմ:
Պոտենցիալ հարսնացուներից ոմանք նույնիսկ ասում են, որ արդեն համաձայն են առանց հատուկ պահանջների, միայն թե նա լինի… եւ հետեւում է ապագա թեկնածուին ուղղված պահանջների ցանկը: Ցանկանում ես ասել՝ ինքդ էլ հրեշտակ չես, պետք չէ նաեւ ուրիշներից կառչել: Հստակեցրեք 3-4 հիմնական առավելություն, կամ, ավելի պարզ ասենք, գծեր, որոնք անպայման կցանկանայիք տեսնել ձեր ընտրյալի մեջ: Պետք չէ ինքներդ ձեզ մխիթարեք մտքերով, թե ինչ-որ տեղ կգտնվի արքայազն, ով ունի ձեր առանձնացրած ցանկի բոլոր հատկանիշները:
Օրինակ՝ ինքներդ ձեզ համար նշել եք, որ նա պետք է ահա այսպիսի սոցիալական կարգավիճակ ունենա, միաժամանակ լինի բարձրահասակ եւ բարի: Սկզբի համար ահա այսքանը բավարար է: Հիմա ձեզ պատկերացրեք նման տղամարդու կողքին: Նրան համապատասխանո՞ւմ եք: Ձեր կարգավիճակը համապատասխանո՞ւմ է ձեր պահանջներին: Իսկ բնավորությո՞ւնը: Թերեւս, դրանից հարկավոր է խուսափել:
Եվ այսպես, ինձ հարկավոր է ինքնավստահ, ինձ պաշտպանելու ունակ տղամարդ: Ում կողքին ես կկարողանամ ինձ թույլ զգալ: Իսկ այդպիսիք, հավատացեք, շատ քիչ են:
Ծանոթության մասին սովորական հայտարարություն տալն ինձ ծիծաղելի է թվում: ՆՐԱՆ ինքս եմ փնտրելու: Այնպես որ, իմ երազների տղամարդ, սպասիր, ես՝ 168 սմ հասակով, ոչ վատ կազմվածքով եւ ամենեւին էլ ոչ տգեղ դեմքով հրաշքս, գալիս եմ քեզ մոտ:
Որսը սկսվում է:
Հ.Գ. Մինչ մեկնաբանություններում խելացի մտքեր արտահայտելը՝ մտածեք: Շատ հնարավոր է, որ ես փնտրում եմ հենց ձեզ կամ ձեր մտերիմ մարդուն: Լուսանկար չի լինի այն պարզ պատճառով, որ ես ապրում եմ Հայաստանում: Եվ չեմ կարծում, թե իմ արքայազնին դուր կգա, որ իր անկրկնելին իր հետեւից որս է հայտարարել: Եվ այսպես…
Հետևեք NEWS.am STYLE-ին Facebook-ում, Twitter-ում և Instagram-ում
23:08, 13 մայիսի
Ինչպես են հարբած բրիտանացի զբոսաշրջիկները փչացնում «Մայորկայի դրախտը»22:15, 13 մայիսի
Սալմա Հայեկը հատուկ կերպարներով է հայտնվել Vogue Arabia-ի 2024 թվականի մայիսի համարի շապիկին21:30, 13 մայիսի
Գիտնականները գտել են ընդամենը 3 րոպեում սառը սուրճ պատրաստելու միջոց20:40, 13 մայիսի
Ինչպես բացահայտել դավաճան ամուսնուն. տեխնոլոգիաները օգնում են19:23, 13 մայիսի
Սաուդյան Արաբիան ցանկանում է «հաղթել» Դուբային՝ կառուցելով աշխարհի ամենաերկար լողավազանը16:23, 13 մայիսի
Լեգենդար Ջուդի Դենչը կդառնա առաջին կինը, ով կմիանա Լոնդոնի տղամարդկանց բացառիկ ակումբին15:22, 13 մայիսի
Քլոե Քարդաշյանը մտածում է նախկին սիրելիից՝ Թրիստան Թոմփսոնից եւս մեկ երեխա ունենալու մասին14:36, 13 մայիսի
Լոնդոնում ջենթլմենների ակումբները քննարկում են այնտեղ կանանց անդամակցությունը14:05, 13 մայիսի
«Հրաշալի երեկո է լինելու»․ Անդրեա Մորիկոնեի ուղերձը՝ Երեւանում Էնիո Մորիկոնեի հեղինակային ծրագրին նվիրված համերգին ընդառաջ13:20, 13 մայիսի
Հոլլի Բերիի սիրելին կիսվել է դերասանուհու համարձակ լուսանկարով12:19, 13 մայիսի
Ջուլիա Ֆոքսը ավելի քան երկու տարի է՝ հրաժարվել է սեռական կյանքից11:57, 13 մայիսի
Անդրեն հերքել է որդի ունենալու լուրերը