NEWS.am STYLE-ն իր ընթերցողներին ներկայացնում է «Առաջին անգամ» խորագիրը, որի նպատակն է հարցման միջոցով հայտնիներից պարզել, թե երբ են առաջին անգամ սիրահարվել, սեր խոստովանել, հիասթափվել, հաջողության հասել եւ այլն...
Մեր խորագրի այսօրվա հերոսուհին մոդել, ոճաբան եւ դիզայներ Լիլի Մորտոն է:
Ե՞րբ առաջին անգամ հասկացաք, որ պետք է զբաղվեք նորաձեւությամբ:
Դեռ փոքր երեխա էի, երբ տեսնում էի, թե ինչպես է մայրս կար ու ձեւով զբաղվում, դա ինձ շատ էր դուր գալիս: Հետո սկսեցի ես էլ կարել, հասկացա, որ դրա մեջ ես ինձ լավ եմ զգում, հետաքրքիր մտքեր են առաջանում, իսկ ես շատ եմ սիրում մտածել: Մոտ մի քանի տարի առաջ քնելիս աչքիս առաջ միանգամից հայտնվեց մի շատ շքեղ մանուշակի գույնի եւ դրա բույրն ունեցող (այո, ես նույնիսկ այդ հագուստի բույրը զգացի:)) մի հեքիաթային զգեստ: Այդ օրվանից սկսած՝ ինձ մոտ տարբեր ժամերին, ցանկացած վայրում եւ իրավիճակում առաջանում էին տարբեր մտքեր: Ցավոք, դրանցից դեռ շատ քչերն եմ իրագործել:
Ո՞ւմ եք առաջինը պատմում Ձեր կյանքում տեղի ունեցող նորությունները:
Ինքս ինձ: Ինձանից լավ խորհրդատու իմ կյանքում չկա:
Առաջին անգամ ո՞ր տարիքում եք սիրահարվել:
Եթե հաշվի առնենք նաեւ մանկությանս շրջանը, հնարավոր է՝ նաեւ մանկապարտեզում: Բայց ավելի լուրջ սիրահարվել եմ 21 տարեկանում, եւ առաջին անգամ հենց այդ տարիքում եմ համբուրվել:
Ե՞րբ եք առաջին անգամ սեր խոստովանել:
Առաջին անգամ սեր խոստովանել եմ ծննդյանս օրը՝ ծնողներիս, որ ինձ կյանք են տվել: Հետո՝ ինքս ինձ:
Իսկ եթե նկատի ունեք տղամարդուն սեր խոստովանել, դա եղել է հենց 21-22 տարեկանում: Ես գոռոզ մարդ չեմ, պարզապես հպարտ եմ: Սեր խոստովանելուց չպետք է վախենալ, որովհետեւ չգիտես՝ միգուցե այդ մարդուն այլեւս չտեսնես, իսկ սեր խոստովանելն այնպես է ջերմացնում սիրտն ու հոգին.... Սեր պետք է խոստովանել ամեն պահ, եւ ամենեւին պարտադիր չէ, որ դա լինի խոսքերով: Դա կարող ես անել վերաբերմունքի, հարգանքի, հոգատարության, ուշադրության միջոցով: Ընդհանրապես, եթե ես սկսում եմ մարդու հետ շփվել, դա նշանակում է՝ ես նրան սիրում եմ, եւ օր-օրի՝ ավելի շատ: Իսկ ես հազվագյուտ մարդկանց հետ եմ շփվում: Հաճախ սեր խոստովանեք. դա հզոր ուժ է եւ մի ամբողջ կյանք:
Ե՞րբ են առաջին անգամ Ձեզ սեր խոստովանել:
Չեմ կարող հիշել, քանի որ դա լինում է միշտ եւ անընդհատ:
Առաջին համարձակ լուսանկարը:
Միգուցե հասարակության համար դա լինի համարձակ, բայց ոչ ինձ համար: Սակայն դա նույնպես չեմ կարողանում հիշել (հիշողությունս լավ չէ :))
Առաջին հիասթափությունը...
Ի տխրություն բոլորի՝ ասեմ, որ ես բնավորությամբ այնպիսի մարդ եմ, որ երբեք չեմ հիասթափվում: Պարզապես հետեւություններ եմ անում եւ շարժվում առաջ:
Ձեզ հանդիպած առաջին դժվարությունը: Ինչպե՞ս եք այն հաղթահարել:
Իմ կյանքում շատ դժվարություններ են եղել, բայց ես երբեք չեմ սիրում հիշել վատը, միշտ միայն լավն եմ պահում իմ մեջ: Եվ ցանկացած վատ բանի մեջ պետք է մի լավ կողմ գտնել: Կյանքիս բոլոր դժվարություններն ինքս եմ հաղթահարել եւ հաղթահարում, երբեւէ որեւէ մեկին չեմ խառնել դրանց: Ես սիրում եմ միայնակ պայքարել եւ հաղթել…
Ձեր հեղինակած առաջին զգեստը:
Եթե հանրությանը ներկայացրած, ապա քրոջս՝ Թերեզայի զգեստը, որով նա ներկայացավ «Միսս Արմենիա» մրցույթին:
Առաջին մեծ հաջողությունը:
Մեծ հաջղությունս այն է, որ ես ես եմ: Մնացած ամեն ինչին իմ Ես-ի շնորհիվ եմ հասնում եւ դեռ կհասնեմ…
Ձեզ համար առաջնային է...
Բարդ հարց է, քանի որ իմ գլխում այդ հարցի հետ կապված միշտ տարբեր պատասխաններ են պտտվում: Եթե կյանքում, ապա՝ սերը. այն մեծ ուժ է տալիս կյանքի ցանկացած պարագայում, առաջ շարժվելու ուժ… Սեր եւ միշտ առաջ…
Կա՞ր թեմա, որն այսօր առաջին անգամ բացահայտեցիք:
Միգուցե՝ սիրո հետ կապված թեմաները…
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)