Սերիալային դերասանուհի Սեդա Շահնազարյանը փետրվարի 8-ին նշում էր ծննդյան 18-ամյակը: Իր կյանքի կարեւորագույն օրվա մանրամասների մասին երիտասարդ դերասանուհին պատմել է NEWS.am STYLE-ին:
«Ծննդյանս օրը սկսվեց կեսգիշերից, եղան շատ շնորհավորանքներ: Եղբորս եւ մայրիկիս կողմից մեծ անակնկալ ստացա: Ուղիղ ժամը 23:00-ին եղբայրս ինձ առաջնորդեց շենքի տանիք, երկար զրուցեցինք, նույնիսկ մոռացել էի, որ մեկ ժամից ծնունդս է: Իսկ կեսգիշերին մայրիկս տորթով եւ փուչիկներով եկավ այնտեղ :) Ամեն ինչ շատ գեղեցիկ էր, այնքան մեծ անակնկալի եկա, որ նույնիսկ չմտածեցի, որ այդ ամենը կարելի էր լուսանկարել»,-ասում է Սեդան՝ հավելելով, որ հատկապես հուզվել է հայրիկի շնորհավորանքից:
«Ցավոք՝ նա երկրում չէր, որպեսզի օրս ավելի լիարժեք լիներ, բայց իր ներկայությունը զգում էի կողքիս»:
Դերասանուհին ծննդյան օրն անցկացրել է Երեւանի ժամանցի կենտրոններից մեկում՝ ամենահարազատ մարդկանց շրջապատում. «Ամեն ինչ շատ լավ անցավ, շնորհակալ եմ նրանց, որ օրս լցրեցին: Ինչ վերաբերում է նվերներին՝ մեծամասամբ օծանելիք էր: Ամենայուրահատուկը ընկերուհուս նվերն էր՝ օդապարուկ: Միշտ մտածել եմ երազանք պահել եւ օդ բարձրացնել դրանցից մեկը… Նա չգիտեր այդ մասին, բայց երազանքս կատարվեց»:
Սեդայից հետաքրքրվեցինք նաեւ, թե հատկապես ում շնորհավորանքին էր անհամբերությամբ սպասում. «Շատ մտերիմ ընկերոջս շնորհավորանքին էի սպասում, որ հենց կեսգիշերին շնորհավորեր, բայց չստացվեց՝ ուշ շնորհավորեց»,-իրեն բնորոշ անկեղծությամբ նշեց նա՝ հավելելով. «Շատ եմ սիրում ծննդյանս օրերը: Կարծում եմ՝ որքան այն իմ օրն է, կրկնակի շատ մայրիկիս օրն է»:
18-ամյա դերասանուհին այս տարի էլ է երազանք պահել ծննդյան տորթի մոմերը փչելիս.
«Երազանք եմ պահել, որ այն մարդիկ, որոնք հիմա իմ կողքին են, միշտ ինձ հետ լինեն, որ այն ամենը, ինչին հասել եմ այս տարիքում, լինի միայն սկիզբը եւ, իհարկե, որ հարազատներս առողջ լինեն եւ ինձ հետ»:
Սյունե Առաքելյան
Լուսանկարները՝ Սեդա Շահնազարյանի Instagram-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
20:35, 29 ապրիլի
Նիկոլ Քիդմանը Balenciaga-ի շքեղ ոսկեփայլ զգեստով19:31, 29 ապրիլի
«Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)19:21, 29 ապրիլի
Ով կղեկավարի LVMH շքեղ կայսրությունը. Բեռնար Առնոն գնահատում է իր ժառանգներին16:34, 29 ապրիլի
Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը16:17, 29 ապրիլի
Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել11:06, 29 ապրիլի
Բրիթնի Սփիրս. «Ընտանիքս ինձ ցավ է պատճառել»10:40, 29 ապրիլի
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում