Երեկ Ազգային ժողովում տեղի ունեցավ վարչապետի ընտրության քվեարկությունը. որոշում չկայացվեց, իսկ հաջորդ հատուկ նիստը, որի ընթացքում պետք է նոր վարչապետ ընտրվի, տեղափոխվեց մեկ շաբաթով:
Աշխարհահռչակ երաժիշտ, մեր հայրենակից Սերժ Թանկյանն անդրադարձել է թեմային՝ ֆեյսբուքյան իր էջում կոչն ուղղելով Հանրապետության հրապարակում կանգնած մարդկանց.
«Հայաստանի Հանրապետական կուսակցությունը, որը ղեկավարում է երկիրը վերջին 20 տարիների ընթացքում, խախտել է իր խոսքը, որն էր՝ չխանգարել ժոովրդի թեկնածուի՝ Նիկոլ Փաշինյանի ընտրությունը՝ որպես վարչապետ: Նրանք փորձում են ժամանակ շահել, որպեսզի երկիրը թալանած իրենց առաջնորդներից մի քանիսը անձեռնամխելիություն ձեռք բերեն իրենց գործողությունների նկատմամբ: Ժողովուրդը դա թույլ չի տա: Ժողովրդի շարժմանը դիմադրելն ապարդյուն կլինի:
Իմ խոսքն եմ ողղում մարդկանց, ովքեր կանգնած են Հրապարակում.
Իմ սիրելի հաղթանակած եղբայրներ ու քույրեր, ողջույն:
Շատ եմ տխրում, որ այս սարսափելի վիրուսի պատճառով մինչ օրս չեմ կարողացել գալ եւ անձամբ միանալ ձեզ: Բայց ես միշտ հետեւել եմ ձեր քայլերին ու մեկնաբանել դրանք, երբ կարծել եմ, որ իմ խոսքն ինչ-որ բան կարող է փոխել: Խոստանում եմ՝ շուտով այդտեղ կլինեմ:
Տարիների անարդարությունից հետո դուք հաղթել եք այս պատերազմում: Մեր երկրի ներկան ու ապագան ապահով է ձեր խաղաղ ու մտածված ակտիվության շնորհիվ: Չկորցնեք հավատն այդ ապագայի նկատմամբ. կապ չունի՝ 30, 60, թե 100 օրից, եթե դուք բոյկոտեք ընտրությունները, զգալի փոփոխություն կլինի: Եթե Նիկոլը լինի վարչապետ, այդ բարեփոխումներն ավելի շուտ կսկսվեն, բայց համոզված եղեք, անգամ, եթե այդպես չլինի, դուք կշահեք այդ փոփոխության դեպքում:
Մի մատնվեք բարկության եւ պահպանեք ձեր դրական դիրքորոշումը: Հաղթողները չեն կորցնում իրենց սթափությունը:
Դժվար է փոխել խորհրդանիշը, ավելի դժվար է փոխել կառավարությունն ու մշակույթը: Դուք արդեն ամենադժվար աշխատանքը կատարել եք:
Իմ սիրելի քույրեր եւ եղբայրներ, հավատացեք ինձ, երբ ասում եմ, որ արդարությունը կվերականգնվի, քանի որ միշտ էլ այդպես է լինում, եւ դա հազվադեպ է պատահում Խորհրդարանի պալատում:
Ձեզ այսօր պաշտում է ամբողջ աշխարհը ձեր հրաշալի հաղթանակի ու քաղաքակիրթ անհնազանդության համար: Եկեք շարունակենք այս ճանապարհը:
Սիրում եմ ձեզ՝
Սերժ»:
Լուսանկարը՝ Greg Watermann
Հետևեք NEWS.am STYLE-ին Facebook-ում, Twitter-ում և Instagram-ում
21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը