Ինչպե՞ս են ապրում գայլերը, ինչպե՞ս են որս կատարում առյուծները, ինչո՞վ են կապիկները նման մարդկանց եւ որքա՞ն մեծության կարող են հասնել հսկայական արջերը՝ այս հարցերի պատասխանները հետաքրքրում են շատերին, սակայն ոչ բոլորը դրանք պարզելու համար պատրաստ են կիրառել անձնական փորձը: Մինչդեռ աշխարհում կան մարդիկ, որոնք իրենց կյանքը նվիրում են վայրի բնությանն ու դրա բնակիչների ուսունասիրությանը: Նրանք կողք կողքի ապրում են այդ կենդանիների հետ, կերակրում նրանց ու դառնում անբաժան ընկերներ: NEWS.am STYLE-ը ներկայացանում է 5 խիզախ կենդանասերների, որոնք առյուծների, գայլերի, կապիկների ու արջերի լավագույն ընկերներն են:)
Քեւին Ռիչարդսոն
Քեւին Ռիչարդսոնը վայրի կենդանիների սիրահար է, որը զբաղվում է նրանց ուսումնասիրությամբ: Քեւինը հեշտությամբ է լեզու գտնում բորենիների, վագրերի եւ այլ վայրի կենդանիների հետ, սակայն առավել հայտնի է առյուծների հետ իր անսովոր կապով: Քեւինը հանգիստ կարող է շրջել նրանց կողքին, իսկ առյուծները նրա վրա հարձակվելու փոխարեն փոխադարձաբար շոյում են նրան: Բանն այն է, որ Քեւինը տվյալ առյուծներին ճանաչում է նրանց ծնված օրվանից: Նա այդ առյուծներին փրկել է՝ նրանց կյանքի համար անբարենպաստ վայրերից բերելով վայրի բնություն, որտեղ էլ սովորեցրել է անել առաջին քայլերը:
Շոն Էլլիս
Շոն Էլլիսին շատերը կճանաչեն հանրահայտ հեռուստաշոուից, որը կոչվում է «Կյանքը մարդագայլի հետ»: Հանուն այս կենդանիների ուսումնասիրության՝ Շոնը հրաժարվել է քաղաքակիրթ կյանքից եւ բնակվում է գայլերի ոհմակի հետ: Հետաքրքիրն այն է, որ գայլերը լսում են նրան եւ հնազանդվում: Նա անփոխարինելի առաջնորդ է նրանց համար:
Ոմանք նրան խենթ են համարում, որն անդադար վտանգում է կյանքը վայրի կենդանիների շրջապատում, ոմանք կարծում են՝ նա պարզապես փառքի է ձգտում, իսկ Շոնի գործի երկրպագուներն արդեն համոզվել են, որ նա պարզապես սիրում է գայլերին եւ նվիրումով բացահայտում է այս կենդանիների առանձնահատկությունները:
Չարլի Վանդերգոու
Նախկին ուսուցիչը 20 տարի ապրել է Ալյասկայում, որտեղ ուսումնասիրել է գրիզլի տեսակի արջերին: Ընդ որում, նա այս կենդանիների մասին պատկերացում կազմել է սեփական ուսումնասիրություններով: Թեպետ չէր թույլատրվում, սակայն Չարլին պարբերաբար կերակրում էր արջերին, ինչի արդյունքում էլ այս կենդանիները նրա ներկայությանն այնքան են սովորել, որ այսօր նրան ընկեր են համարում:
Ջեյն Գուդոլ
84-ամյա այս կինն իր կյանքի 45 տարիները նվիրել է շիմպանզեների ուսումնասիիրությանը: Այս կապիկների հանդեպ նրա սերն առաջացել է դեռ մանկուց, երբ փոքր տարիքում նվեր է ստացել խաղալիք շիմպանզե:
Այդ օրվանից սկսած Ջեյնին հետաքրքրել է շիմպանզեների մասին ամեն ինչ, նա հազարավոր գրքեր է կարդացել նրանց մասին, սակայն դրանով չի բավարարվել եւ որոշել է անձամբ շփվել ու հասկանալ նրանց:
Սայմոն Քինգ
Սայմոն Քինգը բրիտանացի հայտի հաղորդավար եւ օպերատոր է, որը նկարահանում է վայրի բնության մասին վավերագրական ֆիլմեր: Ավելորդ է մանրաասնելը, որ Սայմոնը երկար օրեր եւ ամիսներ է անցկացնում վայրի բնության մեջ՝ շփվելով դրա ամենատարբեր բնակիչների հետ:
Վայրի կենդանիների հետ ընկերանալ երազող՝ Սյունե Առաքելյան:)
Լուսանկարները՝ Facebook-ից
Հետևեք NEWS.am STYLE-ին Facebook-ում, Twitter-ում և Instagram-ում
10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ