• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

ԱՄՆ-ում հայտնի հայ հաղորդավարուհի եւ պրոդյուսեր Սոնա Հովհաննիսյանը, որը համագործակցում է այնպիսի հեղինակավոր հեռուստաալիքների հետ, ինչպիսիք են՝ The Travel Channel-ն ու Fox-ը, ներկայցրել է իր նոր նախագիծը: Ծրագիրը կոչվում է «ՀայԲրենդ» (HyeBrand), իսկ նպատակը հայտնի զրուցակիցների միջոցով Հայաստանի զարգացմանն ու բրենդինգին նպաստելն է: Սոնայի առաջին հյուրը Հայաստանում ԱՄՆ-ի դեսպան Ռիչարդ Միլսն էր: NEWS.am STYLE-ը հաղորդավարուհու հետ զրուցել է նոր հաղորդաշարի մտահաղացման, հետագա հյուրերի եւ ամուսնու՝ ռեփեր Միշոյի աջակցության մասին:

Անդրադառնալով ծրագրի գաղափարին՝ Սոնան նշեց, որ հաղորդումը ստեղծելու միտքն առաջացել էր մինչեւ Հայաստանում տեղի ունեցած հեղափոխությունը:

«Ես մտածում էի, որ Հայաստանն այնքան հիանալի դրույթներ ունի, որոնց առավելությունը մենք չենք տեսնում, բայց որոնք, սակայն, կարող են խթանել զբոսաշրջության զարգացմանն ու շարժել արտասահմանցիների հետաքրքրությունը:  Գաղափարը հետեւյալն էր՝ զրուցել տարբեր մարդկանց հետ, որոնք կարեւոր դերակատարում են ունեցել Հայաստանի անունը միջազգային մասշտաբով հնչեցնելու հարցում կամ էլ նպաստել են երկրի բրենդինգին՝ իրենց սեփական նվաճումների շնորհիվ: Մենք կհյուրընկալենք քաղաքական գործիչների, մարզիկների, արտիստների, գիտնականների եւ այլ ոլորտների ներկայացուցիչների, որոնց հետ տարբեր տեսանկյուններից զրույցներ կունենանք տարբեր թեմաների շուրջ»:

Հաղորդման առաջին թողարկումը նկարահանվել է Հայաստանում: Սոնան խոստովանում է, որ առաջին հյուրի՝ Ռիչարդ Միլսի հետ զրույցի ընթացքում շատ բաներ է բացահայտել.

«Ամենից շատ ինձ այդ զրույցից դուր եկավ այն, որ այն շատ հագեցած էր ինֆորմացիայով, նաեւ պրակտիկ էր՝ մենք բոլորս էլ կարող ենք այս թողարկումից ստացած ինֆորմացիան կիրառել մեր սեփական աշխատանքի մեջ»,-խոստովանում է հաղորդավարուհին՝ հավելելով, որ նախագծի նպատակն է զրույցի ընթացքում դիտարկել Հայաստանի զարգացմանը եւ բրենդինգին նպաստող բոլոր  ճանապարհները:

«Հուսով եմ՝ այս շոուի շնորհիվ տեղացիներն ու հայկական համայնքները արժեքավոր ինֆորմացիա կքաղեն, որը կկարողանան կիրառել իրենց սեփական ոլորտներում՝ նպաստելով դրական փոփոխությունների՝ թե իրենց, թե ամբողջ ազգի համար»:

Այժմ հաղորդման նկարահանումները որոշ ժամանակով հետաձգվել են, ինչը հաղորդավարուհու խոսքով՝ պայմանավորված է Հայաստանում տեղի ունեցած դրական փոփոխություններով.

«Հայաստանում ցույցերը սկսվեցին այն բանից հետո, երբ մենք նկարեցինք առաջին թողարկումը, հետո բնական էր, որ դադարեցրինք նկարահանումները: Կտեսնենք, թե երբ կարելի է այն շարունակել: Փաստացի մենք ստիպված էինք վերամոնտաժել արդեն նկարահանած էպիզոդը, քանի որ որոշ հարցեր, որոնք մենք քննարկել էինք, որոնցից էր օրինակ կոռուպցիայի խնդիրը, կորցրել էին արդիականությունը: Հիմա ցանկացա ներկայացնել այս թողարկումը, քանի որ կարծում եմ՝ սա շատ կարեւոր ժամանակաշրջան է, որ բոլորս մեր ներդրումն ունենանք հասարակության մեջ, եւ կարծում եմ՝ այս թողարկումը մեզ համար ուղեցույց կլինի, թե ինչպես կարելի է անկախ քայլերով շաժվել դեպի ավելի լավ ապագա: Երբ վերսկսենք մեր նկարահանումները, ցանկալի հյուրերի շարքում կլինեն վարչապետ Նիկոլ Փաշինյանը, Սերժ Թանկյանը, Գարիկ Իսրաելյանը, Արսինե Խանջյանը եւ Հենրիխ Մխիթարյանը»,-հավելեց հաղորդավարուհին՝ նշելով, որ նախագծի ստեղծման հարցում իրեն մեծամասամբ աջակցել է ամուսինը՝ Միշոն:

«Հայաստանում ես չունեի պրոֆեսիոնալ թիմ, այնպես որ այս նախագիծն անհնար կլիներ առանց Միշոյի օգնության: Նա ինձ ծանոթացրեց այն բոլոր մարդկանց հետ, որոնք ինձ կարող էին օգնել ծրագրի իրականացման հարցում եւ ինքն էլ կրեատիվ մեծ ներդրում ունեցավ դրա մեջ: Ես շնորհակալ եմ, որ հնարավորություն ունեցա աշխատելու այնքան հիանալի ու տաղանդավոր մարդկանց հետ, որոնցից են ռեժիսոր Արամայիս Հայրապետյանը, որը նաեւ կատարել է նախագծի մոնտաժը, ինչպես նաեւ թիմի մյուս մասնակիցները՝ Լիլիթ Մարտիրոսյան, Լեւոն Նավասարդյան, Դավիթ Աբրահամյան, Սերժո, Վահան Ստեփանյան, Արման Մարգարյան եւ Արաքսյա Մելիքյան»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում