Հոկտեմբերի 25-ից մեծ էկրաններին կցուցադրվի ռեժիսոր Վահե Սայանի նոր ֆիլմը՝ «Ժամանակն է», որի սցենարի հեղինակը Կամո Ունանյանն է: Ֆիլմի սյուժեն պատմում է մի երիտասարդի մասին, որը 25 տարի անց վրեժ է լուծում իր ընտանիքին կործանած թուրք մարդասպանից: Էքշն ժանրի այս ֆիլմում նկարաանվել են հայկական հեռուստաէկրաններից հայտնի մի շարք դեմքեր՝ Արմեն Մարությանը, Արտաշես Ալեքսանյանը, Արմեն Սողոյանը, Անի Հարոյանը, Անատի Սաքանյանը, Ժաննա Բուտուլյանը, Կամո Ունանյան, Ալեքսանդր Խաչատրյանը, Արսեն Լեւոնյանը, Արմեն Մարգարյանը, Արծրուն Սեդրակյանը, Մարիամ Մելիքյանը, Նարեկ Պետրոսյանը եւ այլք: Ֆիլմում հանդես է եկել նաեւ Ադրիանա Գալստյանը, որին բոլորովին վերջերս հայ ֆիլմասերները տեսան «Հեքիաթահարված» կատակերգությունում: NEWS.am STYLE-ը Ադրիանայի հետ զրուցել է իր մասնակցությամբ թվով երկրորդ գեղարվեստական ֆիլմի, ժանրային փոփոխության եւ նոր հերոսուհու մասին:
«Ֆիլմում նկարահանվելու առաջարկը ստացել եմ ռեժիսոր Վահե Սայանից, որի հետ մինչ այդ արդեն համագործակցել էինք «Երանի» հեռուստասերիալի շրջանակում: Սիրով ընդունել եմ այն՝ հավանելով եւ սցենարը, եւ իմ կերպարը: Սյուժեն հրաշալի էր, ճիշտ ընտրված դերասանական կազմ, մնում էր միայն աշխատանքի անցնել»:
Ադրիանան ֆիլմում մարմնավորում է գլխավոր հերոսի քրոջ կերպարը.
«Հերոսուհուս անունը Մերի է: Համեստ կյանքով ապրող աղջիկ է, որը երիտասարդ տարիքում արդեն ճաշակում է կյանքի դառնությունը: Նախորդ՝ «Հեքիաթահարված» ֆիլմի հերոսուհուցս տարբերվում է՝ կախված եւ ժանրից, եւ տեսարաններից: «Հեքիաթահարված»-ը հումորային ֆիլմ է եւ ռոմանտիկ պատմության վրա էր հիմնված, իսկ Մերիի պատմությունը բոլորովին այլ է»:
Խոսելով ֆիլմի մասին՝ դերասանուհին նշում է. «Հայերին հոգեհարազատ ֆիլմ է: Իմ տեսարանների նկարահանումները սկսել ենք ամռանը եւ բավականին շուտ ենք ավարտել: Կարող եմ ասել, որ եզակի դեպքերից էր, որ հոգնածություն չկար, ամեն ինչ շատ կտրուկ էր, արագ, ճիշտ դասավորված, մնում էր միայն զգալ կերպարը եւ խաղալ: Սցենարը կարդալիս անհնար էր չվերապրել եւ չստանալ այն, ինչ ռեժիսորն էր ուզում: Ֆիլմի շատ տեսարաններ նկարահանվել են Աթենքում, Ստամբուլում, Մոսկվայում, Թիֆլիսում: Իմ տեսարանները նկարահանվել են Երեւանում»:
Ադրիանան հավելում է՝ անհամբերությամբ եւ հուզմունքով է սպասում իր մասնակցությամ նոր ֆիլմի պրեմիերային:
Սյունե Առաքելյան
Լուսանկարները՝ ֆիլմի ֆեյսբուքյան էջից
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը