• Հսկայական պայուսակներ և օդային ուրվագծեր. Bottega Veneta-ն նորաձևության հեղափոխություն է արել Միլանում

  Bottega Veneta-ն Միլանի նորաձևության շաբաթում ներկայացրեց իր գարուն/ամառ 2027 հավաքածուն՝ շեշտը դնելով հանգիստ ուրվագծերի և ազատ համամասնությունների վրա, որոնք բառացիորեն սահում են մարմնի վրայով՝ առանց շարժումները սահմանափակելու…

• Ժանյակ, խաչեր և ընձառյուծի նախշեր. Dolce & Gabbana-ն փրկություն է փնտրում պարտքերի ֆոնին

  Այս շաբաթվա սկզբին Ջենիֆեր Լոպեսը Միլանում ներկայացավ Vogue World-ի ցուցադրությանը՝ սև Dolce & Gabbana բյուստիեր զգեստով և ուլունքավոր A-ձև կիսաշրջազգեստով…

• Դեմնան շրջեց Gucci-ի էջը. Միլանում շքեղ ցուցադրությունը զարմացրել է նոր գեղագիտությամբ

  Դեմնան Միլանում ներկայացրեց Gucci-ի գարուն/ամառ 2027 հավաքածուն՝ այն վերածելով տպավորիչ խանութի ցուցադրության՝ մեծածավալ նորաձևության շոուի՝ հատուկ կառուցված, հսկայական Gucci խանութ-սրահում…

• Max Mara-ն գերզբաղված կանանց համար նոր հավաքածու է ներկայացրել

  Max Mara-ի գարուն/ամառ 2027 հավաքածուն հիմնված է գործնական և ֆունկցիոնալ իրերի վրա՝ սաֆարի ոճի և գրպաններով բաճկոններ և տրենչքոթներ…

• «Ինձ դուր է գալիս իմ մարմինը քո մարմնի կողքին». FENDI-ն նորաձևության շաբաթը վերածել է հայելիների և գայթակղության խաղի

  Նորաձևության շաբաթվա ցուցադրության հրավերը սովորաբար հուշում է, թե ինչ կարող են ակնկալել հյուրերը․․․

• Համբույրներ, տնքոցներ և սեքսի իմիտացիա. Միլանում Diesel–ի շոուն ցնցել է հանդիսատեսին  

  Աշխարհի նորաձևության շաբաթներին ակնհայտորեն ավելի ու ավելի քիչ են լինում սովորական նորաձևության ցուցադրությունները և ավելի ու ավելի շատ անսպասելի ներկայացումներ։ Սակայն Միլանի նորաձևության շաբաթում տեղի ունեցածը, կարծես, զարմացրել է նույնիսկ ամենաճշգրիտ հանդիսատեսին, հաղորդում է NYP-ն...

• «Տգեղ» նախշերից մինչև մինի գրպաններ. Prada-ն կիսաշրջազգեստը վերածել է ցանկության գլխավոր առարկայի

  Միուչչա Պրադան և Ռաֆ Սիմոնսը որոշեցին կանանց նորաձևությանը նայել ներքևից վերև․․․

• Շքեղությունը կորցնում է իր փայլը. Մերձավոր Արևելքում պատերազմը սրում է համաշխարհային շքեղության ճգնաժամը

  Աշխարհի խոշորագույն նորաձևության տների` Միլանում և Փարիզում կազմակերպված տպավորիչ ցուցադրությունների հետևում թաքնված է մտահոգիչ պատկեր․․․

Հունիսի երկրորդ կեսին Հայաստանում կմեկնարկի լողափային սեզոնը, դրա հետ մեկտեղ՝ արձակուրդների շրջանը: Հանգստի մեկնելը սկսվում է երկրի, ուղեկցորդի ընտրությամբ, ծախսերի հաշվարկով եւ, իհարկե, վառ եւ հարմար հագուստի ընտրությամբ, որով հաճելի կլինի ժամանակ անցկացնել եւ հիշատակի համար լուսանկարվել:

Մեզանից ոմանք կընտրեն Վրաստանի կամ Թուրքիայի հանրահայտ հանգստավայրերը, ոմանց էլ հնարավորություն կընձեռվի հանգստանալ ասիական կամ եվրոպական հանգստավայրերի լողափերին, իսկ շատերը լողափային սեզոնը կվայելեն Սեւանա լճի ափին: Բայց ինչպե՞ս լողափ գնալ առանց լողազգեստի: NEWS.am STYLE-ը որոշեց շրջել Երեւանի խանութներով, որպեսզի պատմի, թե որտեղ եւ ինչ գնով են վաճառվում նորաձեւ լողազգեստները:

Չնայած Երեւանում լողազգեստների եւ լողափային աքսեսուարների առանձին մասնագիտացված խանութ գտնել մեզ չհաջողվեց, կարող ենք առանձնացնել խանութների երեք խումբ, որտեղ կարելի է լողազգեստների տեսականի գտնել:

Առաջին՝ ամենամեծ խմբում ներքնազգեստի խանութներն են (Nega, Victoria's Secrets, Triumph, Milavica, Etam, Anabel): Ներքնազգեստների եւ կանացի այլ պարագաների շարքում նաեւ լողազգեստների առանձին բաժիններ կան: Այստեղ սովորաբար կարելի է գտնել 40-60 տարբեր մոդելներ: Սակայն ոչ բոլորում են ներկայացված այս սեզոնի նորագույն հավաքածուները: Որոշ խանութներում հավաքածուները չեն թարմացվում՝ նախորդ սեզոնից մնացած մեծ քանակությամբ ապրանքի առկայության պատճառով: Դրա հետեւանքով մեծ զեղչեր են սահմանվում. որոշ մոդելներ կարելի է գնել նույնիսկ կես գնով:

Ներքնազգեստի խանութները, սակայն, մեծ թերություն ունեն. այստեղ դժվարությամբ է կարելի մեծ չափսի լողազգեստ գնել: Նման խանութներում նաեւ ամենից հաճախ առաջարկում են երկու մասից բաղկացած լողազգեստ, ինչն այնքան էլ չի գոհացնում պլյուս չափս ունեցող կանանց: Գները տատանվում են 15.000-ից մինչեւ 120.000 դրամի սահմաններում:

Այսպես. Milavica-ի լողազգեստները կարելի է ձեռք բերել սկսած 20.000 դրամից: Ամենից հասանելին, պարզվեց, բուլղարական Nega ընկերության լողազգեստներն են: Այս ապրանքանիշը լողազգեստների լավ ընտրանի ունի, իսկ գները տատանվում են 10.000-ից մինչեւ 17.000 դրամի սահմաններում:

Լյուքս կարգի սիրահարները կարող են իրենց թույլ տալ ընտրել իտալական Diane Von Furstenberg-ից դիզայներական լողազգեստներ մաքուր մետաքսից կամ լողափային զգեստներ: Դրանք, սակայն, թանկ են: Կախված մոդելից՝ ստիպված կլինեք ծախսել 80.000-ից մինչեւ 120.000 դրամ:

Երկրորդ խումբը ներառում է «high street fashion» խանութները (Debenhams, Next եւ բրենդային այլ խանութներ, որոնք ներկայացված են առեւտրային խոշոր համալիրներում): Այստեղ նույնպես լողազգեստների լավ տեսականի կա: Ուրախալի է, որ հավաքածուները տարվա ընթացքում երկու անգամ փոխվում են: Նման խանութներում կարելի է ձեռք բերել նաեւ աստղային դիզայներների բացառիկ հավաքածուներ: Օրինակ՝ անցյալ սեզոնին Next-ում ներկայացված էին լողազգեստներ Geri Halliwell-ից, եւ անգլիական գնորդներին զուգահեռ, հայ աղջիկները նույնպես կարողացան հայտնի դիզայներից լողազգեստ եւ ներքնազգեստ գնել: Նման խանութներում սովորաբար ներկայացվում է լողազգեստների 10-20 մոդել եւ մի քանի մոնոկինի: Սակայն այստեղ միշտ տարբեր չափսեր կան: Լողազգեստների մեծ մասը որակյալ է: Գները տատանվում են 14.000-25.000 դրամի սահմաններում:

Երրորդ խմբում ներառված են սպորտային իրերի խանութները (Megasport, Adidas եւ այլն): Դրանցում լողազգեստների ընտրանին մեծ չէ եւ նախատեսված է մարզիկների, որպես կանոն՝ հատուկ լողի մրցույթների համար: Այստեղ սովորաբար ներկայացված են 5-10 մոդելներ: Համեմատության համար նշենք, որ Եվրոպայի բրենդային սպորտային խանութներում վաճառվում են լողազգեստներ ոչ միայն մարզիկների, այլեւ սովորական գնորդների համար: Երեւանի սպորտային խանութներում կարողացանք գտնել լողազգեստներ միայն Armani Sports-ից: Բայց չնայած համեստ տեսականուն, այստեղ միշտ կարելի է գտնել մեծ չափսի փակ լողազգեստներ: Այս խմբի խանութներում նախատեսեք ծախսել 15.000-40.000 դրամ:

Վերջում հավելենք, որ Երեւանում լողազգեստների ընտրությունը վատը չէ: Խանութների բոլոր երեք խմբերում յուրաքանչյուր գնորդ կարող է գտնել իրեն հարմար կատարյալ լողազգեստ, որը հաճույք կպատճառի ոչ միայն հոգուն, այլեւ մարմնին:

Կարինա Աբրահամյան

Հետևեք NEWS.am STYLE-ին Facebook-ում, Twitter-ում և Instagram-ում