Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Եվրատեսիլ»-ի հայաստանյան պատվիրակության ղեկավարները՝ Սրբուկի ընտրության եւ «Դեպի Եվրատեսիլ»-ը չանցկացնելու պատճառների մասին

21:24, 1 դեկտեմբերի

Սրբուկը Հայաստանը ներկայացնելու է «Եվրատեսիլ 2019» երգի մրցույթում: Այս նորությունն արդեն հասցրել է ոգեւորություն առաջացնել  ոչ միայնՍրբուկի, այլեւ «Եվրատեսիլ»-ի հայ երկրպագուների շրջանում, որոնք դրական մեկնաբանություններով են ողողել համացանցը:

NEWS.am STYLE-ը «Եվրատեսիլ»-ի հայ մասնակցի ընտրության մասին զրուցել է մրցույթում Հայաստանի պատվիրակության ղեկավարների՝ Անուշիկ Տեր-Ղուկասյանի եւ Դավիթ Ծերունյանի հետ, որոնք մեկնաբանել են Հանրային հեռուստատեսության ներքին ընտրությունն ու խոսել «Դեպի Եվրատեսիլ» նախագիծն այս տարի չանցկացնելու պատճառի մասին.

«Առաջին անգամ չէ, որ Հանրային հեռուստատեսությունը այս ձեւաչափով  է կայացնում արտիստի ընտրությունը: «Դեպի Եվրատեսիլ»-ը շատ մեծամասշտաբ մրցույթ է, որին պատրաստվելն ու նախապատրաստական աշխատանքները շատ ժամանակ են խլում, իսկ մրցույթից հետո ավելի շատ ժամանակ է վատնվում արտիստի երգը, բեմադրությունը վերջնական տեսքի հասցնելու եւ արդեն «Եվրատեսիլ»-ին ուղարկելու համար: Նախապատրաստական աշխատանքներին ավելի շատ ժամանակ հատկացնելու եւ «Եվրատեսիլ»-ին լավագույնս ներկայանալու համար, այս տարի որոշեցինք հենց նման ձեւաչափով ընտրել մեր արտիստին: Վստահ եմ, որ Սրբուկի ինքնատիպ կերպարը կտպավորի միջազգային հանրությանը»,-մեկնաբանեց Դավիթը:

«Վերջին երկու տարիներին Սրբուկի անունը շատ էր շրջանառվում ու հաշվի առնելով «Եվրատեսիլ»-ի երկրպագուների կարծիքը, ցանկությունը, ինչպես նաեւ նրա վոկալային տվյալները, անսահման էներգետիկան, արտիստիզմը, կերպարն ու պրոֆեսիոնալ բեմերում ելույթ ունենալու փորձը՝ Հանրային հեռուստաընկերությունը միաձայն որոշում կայացրեց ընտրել հենց Սրբուկին»-հավելեց Անուշիկը, նաեւ նշեց.

«Սրբուկի գործունեությանը վաղուց եմ հետեւում, նրա հետ աշխատել եմ նախագծերից մեկում եւ նկատել եմ նրա աշխատասիրությունը, ինչը «Եվրատեսիլ»-ում հաջողության հասնելու կարեւորագույն բացադրիչներից է: Դեռ մի օր էլ չի անցել, բայց արձագանքները շատ դրական են, որեւէ բացասական բովանդակության մենաբանության չեմ հանդիպել: Բոլորը կողմ են եւ ուրախ, որ ընտրությունը Սրբուկի վրա է կանգնել: Մենք էլ շատ ուրախ ենք, որ հանրության կարծիքն ու մեր ընտրությունը համընկել են»:

Ի դեպ, «Եվրատեսիլ 2019» երգի միջազգային մրցույթի մասնակցության համար Հայաստանի հանրային հեռուստաընկերությունը հայտարարել է երգահանների մրցույթ: Մասնակցել կարող են բոլոր ցանկացողները: Մրցույթի պայմանները հետևյալն են. երգը չպետք է գերազանցի 3 րոպեն, այն  պետք է հրապարակված չլինի մինչև 2018թ-ի սեպտեմբերի 1-ը: Երգը չի կարող որևէ կազմակերպության քարոզ կամ արտադրանքի գովազդ լինել, այն կարող է լինել ցանկացած ժանրի, խոսքերը (առկայության դեպքում) ՝ հայերեն կամ անգլերեն, երգի խոսքերում (առկայության դեպքում) չպետք է լինի քաղաքական ենթատեքստ, վիրավորական արտահայտություններ, ոչ պատշաճ լեզու:

Առաջարկվող երգի երաժշտությունը կամ երգն ամբողջությամբ (երաժշտությունն ու խոսքերը միասին) անհրաժեշտ է ուղարկել  [email protected]  էլեկտրոնային հասցեին՝ մինչև 2019թ.-ի հունվարի 10-ը:

«Հիմա ամենակարեւոր փուլում ենք, քանի որ լավ երգը «Եվրատեսիլ»-ում ամենակարեւոր բաղադրիչն է, իսկ մենք աշխատել ենք այնպես անել, որ կոմպոզիտորները շատ ժամանակ ունենան երգ գրելու համար: Բոլորին կոչ ենք անում լինել ակտիվ եւ աջակցել մեր երգչուհուն այս հարցում եւ մինչեւ հունվարի 10-ը ուղարկել երգի իրենց տարբերակները: Դրանցից լավագույնով Սրբուկը կներկայացնի Հայաստանը «Եվրատեսիլ 2019»-ին»,-եզրափակեց Անուշիկը:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search