Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

«Ես եւս համարձակ եմ սիրո հարցում». Անելյա Գուբրյանը՝ «Էլենի օրագրի» իր հերոսուհու, մոդելինգի եւ երազանքների մասին

14:25, 5 փետրվարի

«Էլենի օրագիրը 2» հեռուստասերիալի ամենանուրբ եւ գեղեցիկ կերպարներից է Անին, որին մարմնավորում է մոդել-դերասանուհի Անելյա Գուբրյանը: Թվում է, թե ապահով ընտանիքում ծնված գեղեցիկ աղջիկը չի կարող ունենալ ոչ մի խնդիր, սակայն Անելյայի հերոսուհին գլամուրային կյանքով ապրող հարուստ աղջիկներից չէ: Անին ստիպված է պայքարել հանուն առողջության եւ հանուն սիրո…

NEWS.am STYLE-ը 18-ամյա մոդելի հետ զրուցել է իր կերպարի, սիրո մեջ համարձակ քայլերի, մոդելինգի եւ դերասանության մասին:

Անելյա, կպատմե՞ս՝ ինչպես եւ երբ սկսվեց մոդելային գործունեությունդ:

Փոքր տարիքից մասնակցում եմ ցուցադրությունների եւ ֆոտոնկարահանումների, բայց 2016 թ-ից որոշեցի ավելի պրոֆեսիոնալ մակարդակով զբաղվել մոդելինգով: Ընդունվեցի Atex նորաձեւության կենտրոն եւ մասնակցեցի այնտեղի դասընթացներին: Դրանից հետո սկսվեց իմ մոդելային կարիերան:

Ի՞նչ մասնագիտություն ես ստանում:

Սովորում եմ Երեւանի պետական համալսարանի ժուրնալիստիկայի ֆակուլտետի առաջին կուրսում:

Այժմ քեզ տեսնում ենք «Էլենի օրագիրը» հեռուստասերիալում: Ինչպե՞ս ստացվեց մոդելինգից անցումը դերասանության:

Ես անցում չեմ կատարել: Փորձում եմ երկուսն էլ համատեղել, քանի որ երկուսի հանդեպ էլ մեծ սեր եմ տածում: 

Քեզ ո՞ր հարթակում ես ավելի լավ զգում` պոդիումի վրա, թե՞ նկարահանման հրապարակում:

Պոդիումի վրա զգում եմ մարդկանց անմիջական կապը, ինչի շնորհիվ մեծ ադրենալին եմ ստանում, իսկ նկարահանման հրապարակում եւս շատ ոգեշնչված եմ աշխատում, քանի որ զգում եմ մեծ պատասխանատվություն՝ աշխատելով բարձր վարկանիշ ունեցող հեռուստասերիալում: Փորձում եմ գոհացնել թե ինքս ինձ, թե նկարահանող խմբին եւ հեռուստադիտողին: Ինձ համար այս երկու աշխատանքն էլ կյանքիս կարեւոր փուլերն են. կարծում եմ՝ սերս փոխադարձ է (ժպտում է):

Խոսենք կերպարիդ` Անիի մասին: Ինչո՞վ այն քեզ գրավեց:

Ինձ միշտ գրավում են մարդիկ, որոնք լավատես են, եւ յուրաքանչյուր իրավիճակում էլ տատանվելու, անորոշ մնալու եւ բացասական լիցքերով լցվելու փոխարեն գտնում եմ մոտիվացվելու կետեր:

Անին չի վախենում ինքն անել առաջին քայլը սիրո մեջ: Դու ինչպիսի՞ն ես այդ հարցում: Համաձա՞յն ես կերպարիդ գործողությունների հետ:

Ես եւս համարձակ եմ սիրո հարցում: Չեմ կարծում, թե սիրո մեջ կան առաջնային կամ երկրորդային քայլեր: Եթե կա սեր, ուրեմն ամեն ինչ բալանսի մեջ է, եւ հենց դա է առաջնային:

Ինչպիսի՞ կերպար է քեզ համար Անին` լուսավո՞ր, թե՞ տխուր:

Հենց տխրությունից է արթնանում իր լույսն ու ծածկում յուրաքանչյուր հուսահատություն:

Հաջորդիվ ինչպիսի՞ հերոսուհու կցանկանայիր մարմնավորել:

Կերպար, որը կհորդորի մարդկանց չնահանջել եւ լինել ուժեղ:

Խաղընկերներիցդ ո՞ւմ հետ ես ավելի մեծ հետաքրքրությամբ աշխատում:

Յուրաքանչյուրն ինձ համար յուրովի հետաքրքիր է՝ թե որպես անձ, թե որպես կերպար: Ինձ համար մեծ ուրախություն է աշխատել հասուն եւ լեցուն մարդկանց հետ, որոնցից սովորելու շատ բաներ ունեմ:

Ի՞նչ նախասիրություններ ունես առօրյայում: Ինչո՞վ ես զբաղվում նկարահանումներից դուրս:

Քանի որ իմ օրը շատ հագեցած է անցնում, ազատ ժամանակ փորձում եմ հանգստանալ ընկերներիս շրջապատում կամ կարդալ, ինչն ինձ օգնում է ավելի լավ ճանաչել իմ անձը:

Ի՞նչ երազանքներ եւ նպատակներ ունես:

Երազանքներս ինձ գեղեցկացնում են, դրանց մեծ մասը դառնում են նպատակներ, որոնք կիրագործեմ մոտակա 2-3 տարիների ընթացքում: Բայց ունեմ երազանքներ, որոնք պետք է մնան միայն իմ սրտում, այսինքն՝ անիրական են. դրանք են տարբերում ինձ բոլորից, քանի որ անիրական երազանքները կյանքի հմայքն են…

Սյունե Առաքելյան

Լուսանկարները՝ Անելյա Գուբրյանի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search