• 5 հայտնիներ, որոնք հայտնի են Հելոուինի ամենակրեատիվ կոստյումներով

  Միայն կարմիր գորգը չէ, որ ոգեշնչում է հայտնիներին բացահայտել իրենց ստեղծագործականներուժն ու փորձարկումներ անել արտաքին տեսքի հետ…

• «Կարող եմ աշխատել ներքնազգեստով». Ուփի Գոլդբերգը բացահայտել է մուլտֆիլմերի հնչյունավորման անսովոր առավելությունը

  Ուփի Գոլդբերգը մուլտֆիլմերի հնչյունավորմամբ զբաղվելու օգտին համոզիչ փաստարկ է գտել․ այդաշխատանքի համար նույնիսկ հագուստը փոխելու կարիք չկա…

• «Մինչ մենք հաշվում ենք յուրաքանչյուր դոլարը». Իվանկա Թրամփին քննադատել են մեկ գիշերվա համար 6 հազար դոլար արժողությամբ հյուրանոցում շքեղ հանգստի համար

  Մինչ ամերիկացիներից ոմանք փորձում են հաղթահարել ծախսերի աճի հետևանքները, ԻվանկաԹրամփը վայելում է աշունը մի հյուրանոցում, որտեղ մեկ գիշերակացի արժեքը կարող է հասնելգրեթե 6 հազար դոլարի…

• Դոլլի Փարթոնի հուշագրությունները թեժ մրցակցությունից հետո վաճառվել են ռեկորդային՝ 13 միլիոն դոլարով

  Դոլլի Փարթոնի կյանքի պատմությունը կարող է շարունակվել անգամ երգչուհու մահից հետո և հրատարակիչների համար իսկական հարստություն արժենալ…

• 10 հազար տղամարդ՝ մեկ օրում․ OnlyFans-ի աստղ Լիլի Ֆիլիպսը ԱԲ-ի օգնությամբ ռեկորդ սահմանելու նոր միջոց է գտել

  Լիլի Ֆիլիպսը մտադիր է հասնել 10 հազար տղամարդու հետ սեռական հարաբերություն ունենալու ցուցանիշին, սակայն այս անգամ պարտադիր չէ, որ նա անձամբ մասնակցի յուրաքանչյուր հանդիպմանը…

• Հոլլի Բերին պարտվել է նախկին ամուսնուն՝ որդու խնամակալության համար դատական պայքարում

  Հոլլի Բերիի և նրա նախկին ամուսնու՝ Օլիվյե Մարտինեսի միջև դատական վեճը շարունակվում է…

• Սիրո խոստովանություն՝ առանց առիթի. Բրուքլին Բեքհեմի՝ կնոջն ուղղված ջերմ խոսքերը հակասական մեկնաբանություններ են առաջացրել համացանցում

  Դևիդ և Վիկտորիա Բեքհեմների ավագ որդին՝ Բրուքլին Բեքհեմը, ապացուցում է, որ հատուկ առիթներ պետք չեն կնոջը հաճոյախոսություն անելու համար…

• Քլոե Քարդաշյանը ներկայացրել է տղամարդու մեջ նախընտրած չափանիշները՝ նշելով, որ իր ապագա զուգընկերը պետք է ընդունի պլաստիկ վիրահատությունները

  Քլոե Քարդաշյանը հստակ գիտի, թե ինչ է ուզում տղամարդուց, գրում է PEOPLE-ը…

Վարակիչ անմիջականություն եւ փայլող աչքեր: Նատալիա Օրեյրոն այսօր իր ներկայությամբ լրագրողների մոտ արթնացրեց «Վայրի հրեշտակից» մնացած մանկական ջերմ հուշերը: «Ինչպե՞ս եք»,- հայերենով հետաքրքրվեց ուրուգվայցի գեղեցկուհին, այնուհետեւ խոստովանեց, որ Հայաստանը միշտ է սիրել, քանի որ Արգենտինայում եւ հայրենի Ուրուգվայում հայկական մեծ համայնքներ կան.

«Շատ ուրախ եմ, առաջին անգամ եմ Հայաստանում: Այստեղ եմ ամուսնուս եւ որդուս հետ: Երեկ ամբողջ օրը քնել եմ, որովհետեւ լուսադեմին էի ժամանել, իսկ դրանից առաջ 12 համերգ եմ ունեցել Ռուսաստանի տարբեր քաղաքներում: Բայց ամուսինս ու որդիս ամբող օրը շրջել են քաղաքով, եղել են հին տաճարներից մեկում ու ինձ շատ երկար հաց են բերել (լավաշը նկատի ունի. հեղ), որն ամբողջ գիշեր կերել եմ, (ծիծաղում է): Արգենտինայում եւ Ուրուգվայում ձեզ շատ են սիրում, գիտեի՞ք»,- հետաքրքրվեց դերասանուհին, ինչին ի պատասխան լսեց բազում խոստովանություններ, որ իրեն էլ այստեղ են սիրում ու վաղուց էին սպասում: Իսկ NEWS.am STYLE-ի հարցին, թե ինչպես ծրագրեց Հայաստանն ընդգրկել իր շրջագայության ցանկում եւ ինչ շոու է սպասվում հանդիսատեսին, նշեց.

«Իմ թիմում ես ունեմ ազգությամբ հայ երաժիշտ, որն ինձ շատ է պատմել Հայաստանի մասին: Վաղը հրաշալի շոու է սպասվում եւ ես արդեն մտածում եմ հաճախ վերադառնալ այստեղ»:

Հայերեն երգով, սակայն, Նատալիան չի ներկայանա համերգի ընթացքում: Ասում է` առաջին փորձը պիտի լինի հայերենով երգելու, եւ քանի որ չի կարող կարճ ժամանակում կատարյալ տիրապետել լեզվի նրբություններին, չի ցանկանում վիրավորել որեւէ մեկին իր սխալ արտասանությամբ: Փոխարենը հետաքրքրվեց` ինչպես է Cambio Dolor-ը թարգմանվում հայերեն ու սկեց երգել. «Փոխում եմ ցավս ազատության»:

Շատերին էր հետաքրքրում` ինչպիսի հարաբերությունների մեջ է այսօր «Վայրի հրեշտակի» իր խաղընկերոջ` Ֆակունդո Արանայի հետ.

«Շատ լավ ընկերներ ենք: Օրերս նրա ծնունդն էր, ես էլ համերգի էի: Հենց տեղում զանգահարեցի ու հանդիսատեսի հետ միասին բարձր ու ուրախ շնորհավորեցինք նրան... Ֆակունդոյին շատ են սպասում տեսնել իմ ելույթներին: Հուսով եմ` մի օր ինձ հետ կգա, թե չէ անարդար է ստացվում, պարտադիր իմ իրերին ավելանում է եւս մի ճամպրուկ` նախատեսված նրա համար: Թող գա ու վճարի դրա համար»,- իրեն բնորոշ հումորով նշեց դերասանուհին:

Ի դեպ, ասուլիսի ընթացքում հումորային անակնկալների պակաս չեղավ: Քանի որ Ռուսաստանում Նատալիային նվիրել էին ռուսական անձնագիր, Հայաստանում էլ նա արդեն նվեր ստացավ հայկականը: Եղան նաեւ այլ նվերներ` հայկական գոտու, զարդերի, գլխազարդի, պայուսակի ու հյուրասիրության տեսքով:

«Տեսնո՞ւմ եք` ինչ հայ աղջիկ եմ»,-ուրախությամբ նկատեց նա՝ փորձելով իր նվերները:

Նատալիան հայկական հյուրասիրությունը փոխհատուցեց շատերի երազանքն իրականացնելով` լուսանկարվեց ցանկացողների հետ ու ինքնագրեր բաժանեց:

Նատալիա Օրեյրոյի երեւանյան համերգը կկայանա վաղը` ապրիլի 7-ին, Կարեն Դեմիրճյանի անվան մարզահամերգային համալիրում: Դերասանուհին, ի դեպ, UNICEF-ի բարի կամքի դեսպան է, նշեց, որ այստեղ էլ այդ ուղղությամբ հանդիպումներ կունենա:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում