• Միլիարդատերերի շրջանում դարավոր ծառեր գնելը նոր միտում է դարձել

  Ժամանակակից հարուստ մարդիկ չեն ցանկանում ժամանակ և համբերություն վատնել՝ սպասելով տնկիների աճին․․․

• Հայկական ոճ. ճանապարհորդական գլամուր և քաղաքային շքեղություն

  Ի՞նչն է այսօր դարձնում կերպարը հմայիչ։ Այն պարտադիր չէ, որ պահանջի կրունկներ, հատակին հասնող զգեստ կամ ակնհայտորեն ջանք թափելու նշաններ…

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• 100 միլիարդ դոլարն անհետացավ. Shein-ի և fast fashion-ի խելագար դարաշրջանն ավարտվո՞ւմ է

  Մինչև վերջերս թվում էր, թե Shein-ը գնում է դեպի համաշխարհային գերիշխանություն․․․

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

Դիզայներներն ու ոճաբանները պնդում են, որ կարելի է բռնանալ ոչ միայն հագուստի, այլեւ աքսեսուարների վրա՝ կախազարդերի եւ, ինչպես պարզվեց, պայուսակների: Նրանց համար, ովքեր հոգնել են գոտիավոր պայուսակներից, որոնք իրենց ֆունկցիոնալության շնորհիվ (երջանկություն է, երբ ձեռքերն ազատ են) երկար կենսունակ մնացին, կան նաեւ վատ նորություններ՝ մեզ առաջարկում են մեկ պայուսակի փոխարեն, գոտու վրա միանգամից մի քանիսը կրել: Ուստի արժի նախապես տրամադրվել տարբերակների առատությանն ու բազմազանությանը:

Իսկ մենք մեր ուշադրությունը բեւեռենք փոքր պայուսակի, դրամապանակի կամ վզից կախած հեռախոսի պատյանի վրա՝ չձանձրացրած, բազմախոստումնալից թրենդ, որը ծագում է 2000-ականներից:

Ներկայացնենք, թե ընթացիկ սեզոնին ինչպիսի պայուսակները մեզ հետաքրքիր թվացին եւ ինչի վրա արժի ուշադրություն դարձնել՝ պատրաստվելով տարվա ամենատաք եղանակին:

Մաքրամեի շուք, ցանցապարկեր, ծղոտի դրախտ

Ամռան ամենացայտուն այս ներբողը տարեցտարի ավելի ու ավելի հանրաճանաչ է դառնում. չէ՞ որ եթե դեռեւս մեկ տարի առաջ ծղոտե կամ փայտե պայուսակներ կարելի էր տեսնել կամերային կամ ինսթագրամային մակնիշների մոտ, ինչպիսին է Cult Gaia-ն, իսկ մաքարամեի տեխնիկայով պայուսակները բնակություն էին հաստատել փաստացի բացառապես Etsy-ի տարածքներում, ապա հիմա ամենատարբեր չափերի, գույների եւ նյութերի տարբերակներն արդեն հանդիպում են նաեւ մաս-մարքեթում: Zara-ն, օրինակ, շահել է կաշվի ու ծղոտի ոչ ակնառու, բայց արտակարգ համադրությամբ:

Զուտ փարիզյան շուքի ստվերից դուրս են գալիս հայտնի զամբյուղները, որոնք այդքան սիրում էր Ջեյն Բիրկինը:

Դրանք հոյակապ են տեղավորվում ոչ միայն մերձքաղաքային օրակարգում (խնջույք եւ հովվերգական բնապատկերներ), այլեւ ուրբանիստական լանդշաֆտում:

Հրաշալի են զուգակցվում ամառային զգեստների, ջինսերի, թրենչի եւ անգամ կոստյումի հետ: Ասել է թե՝ կրեք ամեն ինչի հետ:

Ուլունքահատիկներով պայուսակ

Հարավային Կորեայից լուքբուքերը մեզ ուրախացնում են ոչ միայն պաստելային մոնոքրոմով, այլ նաեւ հետաքրքիր միտումներով: «Ինսթագրամի» տարածքներում սկսել են ավելի հաճախ առկայծել փայտե ուլունքներով պատրաստված պայուսակները:

А&otherstories-ն, օրինակ, առաջարկում է ամբողջությամբ թափանցիկ տարբերակ: Ուլունքները կարող են դառնալ արտադրանքի մաս, դեկորի տարր: Building blocks-ը հանրաճանաչ դույլիկները վերածել է շատ ավելի հետաքրքիր տարբերակի՝ այն զարդարելով մեծ ուլունքներով:

Թաշկինակ-պայուսակներ

Այնպիսի տպավորություն է, թե այս պայուսակները պատրաստված են հմտորեն ոլորած գործվածքի կամ թաշկինակի մի կտորից: Թեթեւ, ամառային տարբերակ է, երբ կարելի է խաղադրույք կատարել պրինտի վրա՝ ընտրելով, ասենք, աբստրակտ նախշեր, ինչպես առաջարկում է Mango-ն կամ գնահատել վեհանձն մինիմալիզմը, որ ցուցադրել են COS-ի դիզայներները:

Արդիական պարկեր

Դույլ-պայուսակներն արդեն իրենց դերը կատարել են սթրիթսթայլի ժամանակագրության մեջ, հիմա թափուր տեղ կա դրանց կրտսեր եղբոր՝ պարկ-պայուսակների համար:

Շուկայում այսպիսի տարբերակներ վաղուց կան, սակայն խորհուրդ ենք տալիս դրանց ավելի ուշադիր նայել: Zara-ն, օրինակ, պարկերը կարում է մարգարիտներով (համոզված չեն, որ ուլունքները կդիմանան երկարատեւ զբոսանքներին), ավելացնում են ասեղնագործություն կամ պրինտներ:

Բայց այս ամենը ստեղծված է ոչ միայն երեկույթների գնալու համար, այլեւ հավակնում է դառնալ ավանդական կերպարին հոյակապ հավելում՝ ջինսերի մեջ խրած մարզաշապիկով:

Կարելի է նաեւ ընտրել պարկի միագույն տարբերակ, որը գերազանց է նայվում ոչ միայն խստաոճ պիջակի կամ թրենչի հետ, այլեւ՝ եթե հմտորեն խաղարկեք կոնտրաստները՝ հեծանվորդի տաբատով, կեդերով կամ ամառային վառ զգեստներով:

Անի Մովսիսյան

Հետևեք NEWS.am STYLE-ին Facebook-ում, Twitter-ում և Instagram-ում