Ֆրանսիացի հայտնի արտիստներ Հելեն Սեգարան, Րաֆֆի Արտոն եւ Լեա Կաստելը քիչ առաջ ժամանեցին Երեւան: Երգիչները վաղը` մայիսի 26-ին, Կարեն Դեմիրճյանի անվան մարզահամերգային համալիրում կմասնակցեն Շառլ Ազնավուրի 95-ամյակին նվիրված համերգին, որտեղ ելույթ կունենան նաեւ Պատրիկ Ֆիորին, Սլիմանն ու Քեյթ Ռայանը:
«Առաջին անգամ Հայաստան եկել եմ Շառլ Ազնավուրի հետ: Այդ օրվանից սկսած բավականին մտերմացանք, ու նա հաճախ էր պատմում Հայաստանի հանդեպ իր կրքի մասին: Վաղը երգելու ենք այն երգերը, որոնք վստահ եմ` սիրված են բոլորի կողմից»,-NEWS.am STYLE-ի հետ զրույցում նշեց Հելեն Սեգարան` հավելելով, որ այս անգամ իր այցը կարճատեւ է լինելու` պայմանավորված աշխատանքային զբաղվածությամբ:
Հայկական ծագում ունեցող մյուս ֆրանսիացին՝ Րաֆֆի Արտոն, ի դեպ, հայերեն հասկանում էր, որոշ հարցերի, նույնիսկ, փորձեց պատասխանել հայերենով.
«Ինձ համար մեծ պատիվ է այս համերգին մասնակցելը: Իսկ Ազնավուրից ամենից շատ սիրում եմ այն երգը, որը պետք է կատարեմ վաղը` Emmenez-Moi-ը»:
Հայաստան այցի համար առավել ոգեւորված էր Լեա Կաստելը, որն առաջին անգամ է այցելում մեր երկիր: Նա իր ոգեւորությունը կիսեց նաեւ NEWS.am STYLE-ի հետ.
«Շատ ուրախ եմ այս այցիս համար, գիտեմ, թե ինչ պատմական երկիր է Հայաստանը: Անսահման էմոցիաներ ունեմ, քանի որ այստեղ երգելու եմ Ազնավուրի երգերը: Շատ եմ սպասում համերգին, ի դեպ, դաշնամուր էլ եմ նվագելու, հետաքրքիր ելույթ է սպասվում»,-նշեց երգչուհին` հավելելով, որ Հայաստանում մնալու է 3 օր. առաջնահերթ պատրաստվում է զբոսնել Երեւանով: Իսկ հարցին, թե ինչ է տանելու իր հետ Փարիզ, պատասխանեց. «Դեռ չեմ կողմնորոշվել, բայց մինչեւ մեկնելս անպայման տեղյակ կպահեմ»:
Երգիչների հետ «Զվարթնոց» օդանավակայանում մեր հանդիումը` տեսանյութում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը