• «Էնքան բան ունեմ քո մասին պատմելու... Մնաս բարով... Արցախ»․ Իննա Խոջամիրյան

  Արխիվային կադրեր Արցախից․․․

• «Ցավոտ օրեր ենք ապրում.... իմ կյանքում օր օրի ավելանում են կորուստները»․ Հասմիկ Խոջյան

  Կարեւորը լինենք կողք կողքի, ձեռք ձեռքի տված ու չկորցնենք մեր իսկական ՀԱՅի տեսակը, չկորցնենք հայեցի լինելու շնորհը․․․

• «Մի օր կբուժվենք, վստահ եմ: Ազգային զարթոնք լինելու է»․ Միքայել Ոսկանյան

  Նոր գրառում․․․

• «Երբ բոքսի ռինգում տարիներ շարունակ «Կարապի պար» ես պարում` կրեատիվ ա, բայց հիմարություն»․ Մհեր Մկրտչյան

  Նոր գրառում․․․

• «Հայը էլի տառապում է, էլի ոռնում ցավից, էլի մոխրանում... էս մղձավանջը մի օր կավարտվի, ու պատմությունն էլի հաղթանակ կբերի մեր տուն, մեզ ոչ ոք չի արգելել հավատալ...»․ Մանե Գրիգորյան

  Երազում ու հավատում եմ, որ տարիներ անց ծնված երեխաները կմեծանան ու էլի կասեն.․․

• «Մենք նորից կապրենք…»․ Բրյունետի նոր ստեղծագործությունը՝ նվիրված Արցախին  

  Նոր ստեղծագործություն․․․

• «Կորցրեցինք Արցախը․․․ մարդիկ կորցրեցին իրենց տունը, տարիներով կերտած հողը»․ Լուսինե Թովմասյան

  Այնուամենայնիվ պետք է ապրել և գնալ առաջ․․․

• «Երբ Ղազանչեցոցը հանձնվեց... հանձնվեցի նաեւ ես...»․ Իննա Խոջամիրյան

  սա էլ իմ երազանքն էր... որը էլ չկա...

«Մանկական Եվրատեսիլ 2014» երգի միջազգային մրցույթի մրցանակակիր, մեդիադեմք Բեթթին (Էլիզաբեթ Դանիելյան) նկարահանվել է ամերիկյան հանրահայտ WarnerMedia-ի HBO հեռուստատեսության նոր՝ «Էյֆորիա» (Euphoria) նախագծում, որի առաջին սերիան հեռարձակվել է հունիսի 16-ին: Հայուհին նախագծում նկարահանվել է հայտնի աստղերի հետ, որոնցից են, օրինակ, «Դիսնեյի», իսկ այժմ «Մարվելի» աստղ Զենդայան, Ջեյքոբ Էլորդին, Մոդ Ապատոուն եւ hոլիվուդյան այլ հայտնիներ: Թեման դեռահասներն են ու նրանց առնչվող խնդիրները:

Երգչուհին NEWS.am STYLE-ին պատմել է, թե ինչպես է ստացել նախագծում նկարահանվելու առաջարկն ու ինչ տպավորություններ ունի համաշխարհային ճանաչում ունեցող հայտնիների հետ աշխատանքից.

Բեթթին հնարավորություն է ստացել մասնակցելու նախագծի քասթինգին, քանի որ ունի գործակալ, որն իրեն ներկայացնում է մեդիադաշտում: Ամերիկյան գործակալություններից մեկը պայմանագիր է կնքել նրա հետ, եւ ըստ ամերիկյան մեդիայի կանոնների՝ հայազգի մեդիադեմքը գործակալի միջոցով մասնակցում է փակ քասթինգների:

«Եվս մեկ նվաճում դեպի ինքս իմ առջեւ դրած մեծ նպատակներ: Ոգեւորիչ է կարողանալ ոտք դնել ամերիկյան մեդիայի փակ դռներից այն կողմ, իսկ նման գերաստղերի և պրոֆեսիոնալ անձնակազմի հետ աշխատելն ինձ համար մեծ փորձ է»,-նշում է նա:

Ի դեպ, հեռուստանախագիծը բավականին դրական արձագանքների է արժանացել ամերիկյան կինոքննադատների կողմից, եւ չի բացառվում, որ այն նաեւ երկրորդ եթերաշրջան ունենա:

«Էյֆորիա»-ի բոլոր 8 էպիզոդները հասանելի կլինեն օգոստոսին. դեռեւս հանրությանը ներկայացվում է շաբաթական ընդամենը մեկ էպիզոդ:

Բեթթին, սակայն, չի սահմանափակվում միայն նոր նախագծի աշխատանքներով: ԱՄՆ-ում նա շարունակում է ակտիվ գործունեություն ծավալել, իսկ առաջիկայում երգչուհին հանդես է գալու այլ անակնկալներով, որոնց մասին խոստացավ պատմել ավելի ուշ:

Սյունե Առաքելյան

Լուսանկարները տրամադրել է Բեթթին

Հետևեք NEWS.am STYLE-ին Facebook-ում, Twitter-ում և Instagram-ում