• Louis Vuitton-ը պայուսակները վերածել է արվեստի առարկաների. հավաքածու՝ Քիթ Հարինգի նկարներով

  Louis Vuitton-ը ներկայացրեց սահմանափակ քանակությամբ թողարկված Artycapucines պայուսակների նոր հավաքածու, որը ստեղծվել է Keith Haring Foundation-ի հետ համագործակցությամբ…

• Louis Vuitton-ը կարող է իր պայուսակները դարձնել ավելի մատչելի. վերլուծաբանը առաջարկում է իջեցնել գները

  Լյուքս դասի վերլուծաբան Լուկա Սոլկան Bernstein-ից առաջարկել է, որ Louis Vuitton-ը վերանայի իր գնային քաղաքականությունը և թողարկի ավելի էժան պայուսակներ, քան հայտնի Neverfull-ը, որն այժմ արժե մոտ 1550 եվրո...

• «Birkin-ը մահացել է». Հարուստ կանայք զայրացած են ինֆլուենսերների կողմից պաշտամունքային պայուսակը ծաղրի առարկա դարձնելու համար

  Hermès-ի խորհրդանշական պայուսակը, որը մի ժամանակ համարվում էր կարգավիճակի և անթերի ճաշակի անհասանելի խորհրդանիշ, դարձել է TikTok-ի զոհը․․․

• 35 դոլար արժողությամբ Jelly Firkin-ը զայրացրել է Hermès-ի 100,000 դոլար արժողությամբ պայուսակների տերերին

  Մինչ ամառային անձրևը թափվում է Մանհեթենում, Քուինսի 40-ամյա բնակիչ Նատալի Միլեոն հանգիստ թրջվում է տեղատարափ անձրևի տակ՝ այս սեզոնի It պայուսակը ձեռքին․․․

• Mugler-ը ներկայացրել է պայուսակի սադրիչ գովազդային արշավ, որում պատկերված է մերկ մարմնակազմիկ

  Mugler-ը նոր ստեղծագործական տնօրեն Միգել Կաստրո Ֆրեյտասի ղեկավարությամբ մեկնարկել է իր առաջին խոշոր պայուսակների արշավը՝ շեշտը դնելով ուժի, ճարտարապետական ​​ձևերի և մերկության վրա․․․

• Երկու մետր բարձրությամբ Viking և Hermes-ի պաշտամունքային պայուսակը. Էրլինգ Հոլանդը տղամարդկանց նորաձևության շուրջ բանավեճ է առաջացրել Աշխարհի առաջնությունում

  Նորվեգացի հարձակվող Էրլինգ Հոլանդը սովոր է ուշադրության կենտրոնում լինել․․․

• Դուբայում մտածել են Hermès Birkin պայուսակն էլ ավելի թանկ դարձնելու միջոց

  Դուբայը, որը հայտնի է որպես հարկային դրախտ՝ աշխարհում ամենացածր հանցագործությունների մակարդակներից մեկով, վաղուց ի վեր բացօթյա անվտանգ է եղել գերհարուստների համար․․․

• Շքեղություն 500 դոլարից ցածր. Ինչպես անձնական հիասթափությունը ոգեշնչեց չինացի կնոջը ստեղծել Նյու Յորքի պայուսակների պաշտամունքային ապրանքանիշը՝ Verafied-ը

  Վերջերս Ինստագրամում տարածվեց մի զվարճալի մեմ․․․

Ամեն տարի «կեղծ ապրանքների համաշխարհային ֆաբրիկան» մի քանի անգամ ավելի շատ արտադրանք է թողարկում, քան իրական արտադրողները՝ այդ կերպ դժվար կառավարելի պայմաններ ստեղծելով առողջ մրցակցության համար:

TIMES of India-ի փոխանցմամբ, գլոբալ տնտեսական կորուստները, որոնց պատճառը կեղծ եւ մաքսանենգ ապրանքներն են, 2015 թվականին կհասնեն 1.77 տրիլիոն դոլարի:

Կեղծ ապրանքների արտադրության ամենամեծ շուկան Չինաստանն է: Այստեղ կեղծում են ամեն ինչ. բրենդային ժամացույցներից, պայուսակներից, հագուստից, էլեկտրոնիկային մինչեւ ալկոհոլային խմիչքներ, ուտելիք եւ դեղամիջոցներ:

Կեղծ ապրանքը պատրաստվում է անորակ նյութերից: Դրանք նաեւ չունեն սերտիֆիկատ, հագնելիս կամ կրելիս կարող են ալերգիա առաջացնել: Հաճախ նաեւ հագուստի կամ պայուսակի վրա կարելի է անհավասար կար հայտնաբերել:

Հայաստան հիմնականում կեղծ ապրանք են բերում Թուրքիայից, Արաբական Միացյալ Էմիրություններից, Չինաստանից եւ Իրանից: Իսկ գնորդները հաճախ շփոթում են, քանի որ չգիտեն, թե ինչ տեսք ունի իրական ապրանքը:

Առաջարկում ենք ծանոթանալ ընդհանուր կանոնների, որոնց պետք է հետեւել գնումներ կատարելիս:

1. Որեւէ խանութից գնում կատարելիս համոզվեք, որ այն արտոնագիր եւ տվյալ ապրանքն իրացնելու գրավոր թույլտվություն ունի արտադրողից: Այս տեղեկությունը կարելի է ճշտել համացանցում. արտադրողների պաշտոնական կայքերում հրապարակվում է ամբողջ աշխարհում իրենց հետ համագործակցող խանութների մասին տեղեկություն եւ հասցեներ: Մենք համոզվեցինք դրանում՝ համացանցում ճշտելով Հայաստանի մի քանի բրենդային խանութների հասցեները: Պաշտոնական մի քանի կայքերում Երեւանի խանութի հասցեն եւ հեռախոսահամարն առկա էին:

(Լուսանկար 1 – պաշտոնական խանութներ)

Հիմնականում բրենդային խանութները կարող են մեկ երկրում միայն մեկ պաշտոնական խանութ ունենալ: Գոյություն ունեն նաեւ, այսպես կոչված, մուլտի-բրենդային խանութներ (Հայաստանում որոշ առեւտրի կենտրոններում եւ պարֆյումերիայի խանութներում), որոնք այս կամ այն ապրանքանիշի արտադրանքը վաճառելու իրավունք ունեն: Բայց մեծ է հավանականությունը, որ խոշոր առեւտրի կենտրոններում ինչպես իրական, այնպես կեղծ ապրանք լինի:

Հարկավոր է հիշել, որ թանկարժեք դիզայներական հագուստի շատ արտադրողներ իրենց ապրանքն այլ ընկերությունների արտադրանքի հետ վաճառելու իրավունք չեն տալիս: Օրինակ՝ «Ջորջիո Արմանի», «Դիոր», «Շանել» եւ «Լուի Վիտոն» ապրանքանիշերն իրենց արտադրանքը վաճառում են միայն սեփական պաշտոնական խանութներում:

2. Ուշադրություն դարձրեք գնին: Օրինակ, «Վալենտինո»-ից զգեստը կամ կոշիկը 70.000 դրամ չեն կարող արժենալ: Այս ապրանքանիշից պլանշետի պատյանը միայն 300.000 դրամ է: Ապրանքի իրական արժեքը կարելի է իմանալ արտադրողի պաշտոնական կայքից:

(Լուսանկար 2 եւ 2.1 – սխալ անվանումով ապրանքներ)

3. Խորհուրդ չի տրվում ֆիրմային ապրանք գնել շուկայում, մասնավոր խանութներում, աճուրդային կայքերում (Ebay, Aliexpress, Amazon), քանի որ իրական ապրանքի անվան տակ այնտեղ կարող են կեղծը վաճառել:

(Լուսանկար 3 – պայուսակներ եւ կոշիկ շուկայում)

Բայց եթե որոշել եք առցանց գնում կատարել, համոզվեք, որ ճիշտ եք գրել կայքի անունը: Ուսումնասիրեք վաճառողի տվյալները եւ կայքում աշխատելու կանոնները. այն պետք է վաճառողի մասին ամբողջական տվյալներ ներկայացնի (հասցե, հեռախոսահամար, էլեկտրոնային փոստ) եւ անպայման հետադարձ կապի հնարավորություն ընձեռի:

(Լուսանկար 4 – ամուսնական զույգն առցանց գնումներ է կատարում)

4. Տեղում անպայման ուշադիր ուսումնասիրեք ապրանքը: Կարդացեք դրան կից հրահանգները: Եթե նկատեք անհավասար կար, դուրս ցցված թելեր, բծեր, կաշվի վրա ճաքեր կամ այլ թերություններ, ապա, ամենայն հավանականությամբ, ապրանքը կեղծ է: Իրական ապրանք արտադրողները չեն տնտեսում եւ անում են ամեն ինչ՝ բարձրորակ արտադրանք տալու համար: Հիմնականում բրենդային արտադրանք պատրաստում են Եվրոպայում կամ ԱՄՆ-ում: Հիշեք, որ ցանկացած իր գնելիս պետք է նրան կցված լինի գործվածքի կամ կաշվե կտոր, այն խնամելու ուղեցույց, պահուստային կոճակներ եւ այլն:

(Լուսանկար 5- շապիկը խնամելու հրահանգ)

Վերջում հիշեցնենք, որ Սպառողների իրավունքների պաշտպանության մասին ՀՀ օրենքի համաձայն, գնված ապրանքը կարելի է 7 օրվա ընթացքում վերադարձնել՝ պահպանելով կտրոնը, պիտակը եւ ապրանքի փաթեթավորումը: Այդ դեպքում վաճառողը պարտավոր է փոխել ապրանքը:

Գրիգոր Ավետիսյան

Հետևեք NEWS.am STYLE-ին Facebook-ում, Twitter-ում և Instagram-ում