• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Zuhair Murad-ը մեղմացրել է սովորական շքեղությունը՝ միջերկրածովյան երանգ, ծոպեր և Մերիլին Մոնրոյից ոգեշնչված զգեստ

  Zuhair Murad-ը մի քայլով հեռացել է սովորական երեկոյան գլամուրից և ներկայացրել գարնանային ավելի թեթև ու անկաշկանդ պատրաստի հավաքածու․․․

• Մաթյո Բլազին հաղթական ելույթ է ունեցել Chanel-ի համար. Կոկո Շանել, թվիդ և մի փոքր համարձակություն  

  Մեկ տարի առաջ Մաթյո Բլազին իր դեբյուտն է կատարել Chanel-ի նորաձևության տան պոդիումին՝ բացելով նոր գլուխ լեգենդար տան պատմության մեջ։ Այժմ, 12 ամիս անց, նա վերադարձել է Grand Palais իսկական հաղթանակով՝ իր գարուն/ամառ 2027 հավաքածուով, որը և՛ սիրո խոստովանություն էր Կոկո Շանելի նկատմամբ, և՛ ապագայի խոստում...

• Elie Saab-ը վերադարձնում է 2000-ականների պաշտամունքային գեղագիտությունը և պատրաստում է բարձրակարգ համագործակցություն H&M-ի հետ

  Հենց Էլի Սաաբի զգեստն էր, որը Հոլի Բերին կրեց 2002 թվականին Օսկարի կարմիր գորգին և պատմություն ստեղծեց՝ լիբանանցի դիզայներին դարձնելով հանրահայտ…

• Miu Miu-ն և New Balance-ը վերամիավորվում են. Փարիզը տեսավ ապագայի սպորտային կոշիկները

  Miu Miu-ն Փարիզի նորաձևության շաբաթվա ընթացքում ներկայացրեց երկու նոր համագործակցություն…

• Դիտա ֆոն Թիզը նվաճեց Փարիզը. Քրիստիան Լուբուտենը պաշտամունքային կոշիկները վերածեց թատերական սենսացիայի

  Քրիստիան Լուբուտենը կրկին կոշիկի շնորհանդեսը վերածեց հիասքանչ թատերական ներկայացման…

• Valentino Գարուն/Ամառ 2027. Նորաձևությունը որպես անվերջ հնարավորություն  

  Մեկ երեկոյի ընթացքում Փարիզի Սենտ-Ժենևիևի գրադարանը վերածվել է Valentino-ի ամենատպավորիչ ցուցադրություններից մեկի բեմի։ Ստեղծագործական տնօրեն Ալեսանդրո Միշելը խնդրել է հյուրերին գրքեր բերել նվիրատվության համար՝ գարուն/ամառ 2027 հավաքածուն անվանելով «Հակա-գրադարան»...

• Hermès SS27. Շքեղություն, որը հեշտ է շնչել. Նադժե Վանհի-Սիբուլսկին ներկայացրել է եթերային հավաքածու  

  Ինչպիսի՞ն պետք է լինի զգեստապահարանը մի աշխարհում, որտեղ ամառները ավելի շոգ են դառնում: Hermès կանացի հագուստի շարքի գեղարվեստական ղեկավար Նադժե Վանհի-Սիբուլսկու համար պատասխանը պարզ է. այն պետք է ավելի թեթև դառնա...

Ոսկյա զարդերի այս տարվա աշնանային տեսականին ապշեցնում է հարստությամբ, բազմազանությամբ եւ զանգվածայնությամբ։ Այս աշուն հարգի են դեղին եւ սպիտակ ոսկուց զարդերը, գունավոր եւ թանկարժեք քարերն ու ադամանդները։ Այնպես որ, ձեռք բերելով խոշոր թեւնոցներ ու մատանիներ, դեղին ու սպիտակ ոսկիներով համակցված վզնոցներ, ինչպես նաեւ էմալապատ զարդեր, հաստատ կշահեք։ Այդ մասին NEWS.am STYLE - ի թղթակցին պատմում են Ոսկյա զարդերի երեւանյան միջազգային ցուցահանդեսի մասնակից-ոսկերիչները։

«Ամեն տարի մենք ձգտում ենք նոր բան մտածել, որպեսզի զարդերը չկրկնվեն։ Ամռանը մարդիկ նախընտրում են մեծ գունավոր քարերով զուգակցված դեղին ոսկին, աշնանն ավելի մոտ՝ սպիտակ ոսկին՝ ադամանդով», - ասում է «M&G SHAPYUGHA» Ltd – ի դիզայներ Գեւորգ Գրիգորյանը։

Franco Fontana Italian jewellery ընկերության ներկայացուցիչը համարում է, որ այս, ինչպես եւ մնացած աշուններին, ընդհանրապես հատուկ են մեծ քարերով զարդերը։ «Մենք բերել ենք մեծ գունավոր քարերով զուգակցված ոսկյա զարդերի աշնանային հավաքածու։ Մեր յուրաքանչյուր զարդն անհատական է, բայց՝ ցանկացած գնորդի համար։ Շրջանակված մեծ քարերն աշխահում շատ հարգի են։ Իսկ տարվա ցանկացած եղանակին շատ հարմար են էմալապատ զարդերը։ Ձեզ մոտ, Հայաստանում, հիմնականում նախընտրում են ադամանդը, սիրում են զանգվածային մեծ մատանիներ ու թեւնոցներ», - պատմեց նա։

GREGO jewellery company ընկերության նախագահ Գագիկ Գրիգորյանը վստահ է, որ ոսկերչության ոլորտում մոդայի մասին խոսելն այնքան էլ պարկեշտ չէ։ «Միանշանակ ասել, թե ինչն այս աշուն մոդայիկ կլինի, չի կարելի, քանի որ մեր հավաքածուն շատ բազմազան է, եւ յուրաքանչյուր գնորդ էլ իր ճաշակն ունի։ Հնարավոր չէ, որ բոլորը նույն բանն ընտրեն։ Գնորդները ձգտում են տարբերվել։ Մենք հիմնական շեշտը դնում ենք ոչ թե մատանինների քարի մեծության վրա, այլ՝ որ գաղափարը լինի նոր ու յուրահատուկ։ Սա է մեր միտումը», - ասում է Գրիգորյանը։

ZORAB LEBANON ընկերությունն այս անգամ շեշտը դրել է մեծ գունավոր քարերի, զանգվածային մատանիների եւ վզնոցների վրա։ Իսկ Gemcorp International Ltd- ի տնօեն Անդրանիկ Թիթիզյանը վստահ է, որ աշնանը պետք է գերակշռեն դեղին ոսկով եւ գունավոր քարերով զարդերը։ «Մեզ մոտ, օրինակ, պահանջարկ ունեն տոպազով եւ ցիտրինով մատանիները։ Սակայն մոդայիկ են ոչ միայն մեծ քարերը, այլ նաեւ մեծ քանակությամբ մանրերը, որ փայլփլում են», - ասում է նա։

Իսկ ահա «Էսթեթ» ոսկերչական տունը ներկայացրել էր բարձրահարգ դեղին ու սպիտակ կամ համադրված ոսկյա խոշոր զարդեր։

«Օրինակ, կուլոնը կարող է լինել սպիտակ ոսկուց, իսկ շրթան՝ դեղին։ Սա շատ արդիական է Եվրոպայում, Մոսկվայում եւ արդեն նաեւ՝ Հայաստանում։ Իրականում այն շատ գեղեցիկ է։ Աշնանային զարդերը 10-15 գրամից պակաս չենք անում։ Մեզ մոտ 15-ից ավելի տեսակի հավաքածու կա, որից յուրաքանչյուրն իր անվանումն ունի. «Սաֆարի», «Սահարա», «Մոդեռն» եւ այլն։ Ուզում եմ նշել, որ խոշոր զարդերը տարիքային սահմանափակում չունեն։ Կարծիք կա, որ մեծ մատանիները հարմար չեն կրելու համար, սակայն սա միայն մոլորություն է։ Դրանք իրականում շատ գեղեցիկ են ու հարմար։ Սակայն պետք է հաշվի առնել, որ գունավոր զարդերն ավելի հարմար են գարնանը, իսկ աշնանը գերակշռում են դասական մոդելները, զարդարված կամ միայն ադամանդով, կամ ադամանադի ու սապֆիրի համադրությամբ։ Կարելի է համադրել նաեւ ադամանդն ու զմրուխտը։ Ինչ վերաբերում է էմալապատ զարդերին, ապա դրանք միշտ էլ արդիական են, - կիսվեց «Bergio»-ի բրենդ-տնօրեն Անժելիկա Սարգսյանը։

Հիշեցնենք, որ Ոսկյա զարդերի երեւանյան միջազգային ցուցահանդեսը տեղի է ունենում Հայաստանում հոկտեմբերի 29-31-ը։

Տեքստը՝ Լաուրա Բալայանի
Լուսանկարը՝ Արսեն Սարգսյանի/NEWS.am STYLE

Հետևեք NEWS.am STYLE-ին Facebook-ում, Twitter-ում և Instagram-ում