Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Համասյանի ու Ռիք Ռոզատոյի երաժշտությունը՝ ARARAT-ի լեգենդար համի ու Ձիթողցյանի կտավների ուղեկցությամբ

ՇոկTok. «Մարդիկ ինձ են օգնում. ես եմ որոշում օգնել ընտանիքների, թե`ոչ». Տարոն Սարգսյան

Ֆրանսիական շքեղություն՝ փարիզյան շնչով. Les Nereides զարդերը՝ 6 տարի Երեւանում

Stylish Faces․ Հասմիկ Կարապետյանը՝ իր համար արված խենթ քայլերի, երկրպագուների հանդեպ ամուսնու վերաբերմունքի եւ այլ թեմաների շուրջ

«Վարձով ընտանիք». նոր հումորային նախագիծ` Մարջան Ավետիսյանի, Էմմա Սապունջյանի, Լեւոն Հախվերդյանի մասնակցությամբ

«Լեռները կհիշեն». ինչպես են ընթանում նոր հեռուստասերիալի նկարահանումները

«Լեռները կհիշեն» հեռուստասերիալի դերասանկական կազմը՝ Խուստուփ լեռան բարձունքին

Սեւ կատակերգություն՝ ապրելու կարեւորության մասին. «Սեւազգեստ կանայք» ֆիլմի փակ դիտումը` Երեւանում

Կարմիր գորգ. հայտնիների look-երը` «Սեւազգեստ կանայք» ֆիլմի պրեմիերային

ՇոկTok. «Հորս կարիքն այլեւս չեմ զգում». տիկտոկեր Նանո

Սեպուհ Սիմոնեան. «Capital Cities-ին տարիներ շարունակ պատմել եմ իմ գեղեցիկ հայրենիքի մասին: Չեմ համբերում՝ երբ եմ նրանց ցույց տալու Երեւանն ու Գյումրին»

14:04, 18 սեպտեմբերի

Ամերիկահայ հայտնի երգիչ Սեպուհ Սիմոնեանը հուզված ու անհամբեր է Capital Cities բենդի` Գյումրիում եւ Երեւանում սպասվող առաջիկա համերգների համար:

«Ես սիրում եմ իմ ժողովրդին եւ ուզում եմ տպավորել նրանց»,-NEWS.am STYLE-ի հետ զրույցում անկեղծացավ երգիչը:

«Մեզ հրավիրել են երգելու Անկախության օրվա առթիվ Գյումրիում կազմակերպված միջոցառմանը: Այն կազմակերպվել է կառավարության շնորհիվ: Ես ծափահարում եմ այդ նախաձեռնությանը, որի նպատակն է նպաստել Գյումրու տնտեսական զարգացմանը եւ զարկ տալ տուրիզմին»,-հավելում է երգիչը` նշելով, որ խմբի բոլոր անդամները մեծ անհամբերությամբ են սպասում հայաստանյան համերգներին.

«Ռայանը շատ ոգեւորված է: Թե նրան, թե խմբի մյուս անդամներին տարիներ շարունակ պատմել եմ իմ գեղեցիկ հայրենիքի մասին: Չեմ համբերում, թե երբ եմ նրանց ցույց տալու Երեւանը, Գյումրին, մեր մշակույթը, ուտեստները, արվեստը, գիշերային կյանքն ու մարդկանց»:

Արտիստը, որն արդեն անհատական համերգներով հասցրել է ներկայանալ Երեւանում, խոստովանում է.

«Երբ միայնակ եմ երգում` որպես անհատ կատարող, ինձ ավելի հեշտ է: Սովորաբար, ես նման դեպքում լինում եմ դաշնամուրի եւ բարձրախոսի ուղեկցությամբ, իսկ ելույթս շատ անձնական է լինում: Այլ բան է Capital Cities-ի հետ ելույթ ունենալը. բեմում 7 երաժիշտ կա` թմբուկ, կիթառ, բասս կիթառ, շեփոր, ստեղնաշարային գործիքներ, վիբրոֆոն եւ այլն: Համերգն անցնում է բարձր ձայնով եւ շատ աշխույժ, որտեղ մեծ դեր ունեն լույսերն ու պարերը»:

Գյումրու եւ Երեւանի համերգները ծրագրային առումով միմյանցից չեն տարբերվի, ամեն դեպքում` Սեպուհը նշում է.

«Համերգային վայրերն են տարբեր, ինչը խոսում է այն մասին, որ հանդիսատեսի համար տպավորություններն էլ այլ կլինեն: Գյումրիում այն նման կլինի բացօթյա մեծ փառատոնի, իսկ երեւանյան համերգը դրսում չի լինի, հետեւաբար` հանդիսատեսն էլ սահմանափակ քանակությամբ կլինի: Ի դեպ, համերգների ընթացքում մեզ կմիանա նաեւ Արտյոմ Մանուկյանը: Պատրաստվում ենք այստեղ ներկայացնել մեր երգերից մի երկար շղթա, որոնք հայտնի են մեր երկու ձայնասկավառակներից, կլինեն քավր կատարումներ Pink Floyd-ից, կկատարենք նաեւ Կոմիտասի ստեղծագործություններից»:

Երգիչն իր երեւանյան այցելությունների ընթացքում չի մոռանում նաեւ նոր սերնդի երաժիշտներին, որոնց համար հաճախ հանդես է գալիս վարպետության դասերով.

«Հույս ունեմ, որ օգոստոսի կեսին կկարողանամ այցելել Արցախի TUMO կենտրն: Դեռ մաստեր-կլասերի հստակ պայմանավորվածություններ չկան, բայց հնարավոր է` նման բան ծրագրեմ»:

Սեպուհը բազմիցս նշել է` ցանկանում է ավելի մոտ լինել իր արմատներին` բնակություն հաստատելով հայրենիքում.

«Ամեն անգամ, երբ այցելում եմ Հայաստան, փորձում եմ երկար մնալ այստեղ: Ինձ համար այս երկիրը հոգեւոր տուն է, մի օր այն կդառնա իմ ֆիզիկական տունը, դա միայն ժամանակի հարց է...»:

Capital Cities-ի Գյումրու մենահամերգը տեղի կունենա սեպտեմբերի 21-ին, Երեւանինը` սեպտեմբերի 23-ին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել