«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Աշոտ Շարմազանովիչը, նրա փաստաբանն ու քաղաքական ծանոթ իրավիճակներ. «Save Միլիոն» ներկայացման պրեմիերան եւ հայտնի հյուրերը (ֆոտո/վիդեո)

10:31, 26 սեպտեմբերի

Ստանիսլավսկու անվան դրամատիկական թատրոնում սեպտեմբերի 25-ին մեծ պրեմիերա էր: Մկրտիչ Արզումանյանը, Լեւոն Հարությունյանը, Վիկտորիա Սահակյանը, Էվա Խաչատրյանն ու Սերգեյ Գրիգորյանը համախմբվել էին ռեժիսոր Նորա Գրիգորյանի #SaveՄիլիոն ներկայացման շուրջ: Ներկայացման մասին NEWS.am STYLE-ն արդեն պատմել է իր ընթերցողներին՝ զրուցելով Մկրտիչ Արզումանյանի հետ:

Մենք, բնականաբար, չէինք կարող բաց թողնել աստղային կազմով այս կատակերգության պրեմիերան եւս, որի սցենարի հեղինակը ոչ պակաս հայտնի Արմեն Վարդանյանն է:

Ներկայացումը բնույթով քաղաքական կատակերգություն է: Հանդիսատեսն այնտեղ կգտնի ծանոթ անուններ, հավաքական կերպարներ եւ հայտնի արտահայտություններ:

Պատմության գլխավոր հերոսը Մամիկոնն է (Մկրտիչ Արզումանյան), որը օլիգարխ-մարզպետ Աշոտ Շարմազանովիչի (Լեւոն Հարությունյան) իրավաբանն է. նա տեղյակ է վերջրինի բոլոր գորածարքներից, անձնական եւ գործնական գաղտնիքներից: Մամիկոնի կյանքում հետաքրքիր փոփոխություն է տեղի ունենում, երբ ծանոթանում է մի թեթեւաբարո ուսանողուհու (Վիկտորիա Սահակյան) հետ, որի նպատակներները սկզբում նենգ էին: Մյուս երկու հետաքրքիր հերոսները արցախցի սպասավորն ու օլիգարխի կինն են, որոնց մարմնավորում են Սերգեյ Գրիգորյանն ու Էվա Խաչատրյանը:

Մոտ երկու ժամ տեւողությամբ ներկայացումից հետո Մկրտիչ Արզումանյանը խոստովանեց՝ լարվածությունը մեծ էր, բայց անհամբերությամբ է սպասում հանդիսատեսի արձագանքին:

«Լարվածությունը բոլորիս մոտ էր մեծ, որովհետեւ առաջին անգամ էինք խաղում այս ներկայացումը: Կարեւորն այն է, որ նյութը մեզանով արեցինք, վաղը կարծում եմ՝ ավելի հետաքրքիր կլինի թե մեզ, թե հանդիսատեսի համար՝ անհանգստությունը քիչ կլինի: Առհասարակ, ցանկացած ներկայացումից առաջ միշտ լարված եմ լինում՝ անգամ, եթե 40 անգամ այն խաղամ: Չեմ դժգոհում, որ այդ հատկությունն ունեմ, որովհետեւ կարծում եմ՝ դա միշտ օգնում է կատարելագործել աշխատանքդ: Հիմա անհամբեր սպասելու ենք արձագանքներին»:

Ներկայացման սցենարի հեղինակ Արմեն Վարդանյանն անդրադառնալով քաղաքական թեմայով ներկայացումների՝ օրեցօր ավելացմանը՝ նշեց.

«Թատրոնը կյանքից մի հատված է՝ պատմություն: Այնպես չէ, որ հաճելի է, որ այդ թեմայով ենք գրում: Միակ հաճելի բանն այն է, որ ուղղակի սիրո պատմությունները վերանում են (ծիծաղում է): Մյուս կողմից համաձայն եմ՝ թող քաղաքական ներկայացումներ լինեն, բայց ամեն հաջորդը մյուսից լավը լինի: Ես կցանկանայի, որ պատմությունը՝ լինի սիրո, քաղաքականության, թե այլ թեմայով, լինի մեր օրերի մասին: Մարդիկ պետք է այսօրվա արտահայտություններ լսեն, այսօվա հերոսներին տեսնեն: Մեր առաքելությունն այն է, որ այս հատվածի մի փաստաթուղթ թողնենք»:

Մկրտիչ Արզումանյանի մասնակցությամբ «Հյուսիսային պողոտայի բանտարկյալը» ներկայացումն արդեն հասցրել է բեմադրվել ոչ միայն Երեւանում, այլեւ Միացյալ Նահանգներում: Դերասանը չբացառեց, որ նոր ներկայացումը եւս նման ճանապարհ կանցնի.

«Ի դեպ, ասեմ, որ «Հյուսիսային պոոտայի բանտարկյալը» շարունակելու է իր կյանքը, ի ուրախություն ինձ՝ դեռ ապրելու է: Հետագայում կտեղեկացնենք, թե որ թատրոնում այն կբեմադրվի»:

Թե Արմեն Վարդանյանը, թե Մկրտիչ Արզումանյանը նշեցին՝ #SaveՄիլիոն ներկայացումը հնարավոր է՝ ժամանակ առ ժամանակ  ենթարկվի փոփոխությունների՝ հաշվի առնելով տվյալ շրջանի քաղաքական իրադրությունն ու հերոսներին:

Սյունե Առաքելյան

Լուսանկարները՝ Արսեն Սարգսյանի

Տեսանյութը՝ Մելինե Տոնոյանի


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search