«Ժողովրդական երգիչ» նախագծի երկրորդ եթերաշրջանի հաղթող Հայկուհի Բաբախանյանն արդեն մեկ տարի է, ինչ ընտանիքի՝ ամուսնու եւ երեխաների հետ բնակվում է ԱՄՆ-ում: Սակայն ժողովրդական երգն ու այդ ասպարեզում իր գործունեությունը երգչուհին չի դադարեցրել: Նույնիսկ Միացյալ Նահանգներում Հայկուհին որոշել է հանդես գալ մի նախագծով, որը ստեղծվել է՝ պահպանելու, տարածելու եւ ներկայացնելու մեր ազգային երաժշտությունն ու այդ ոլորտի վարպետներին:
«Հայ երգի երեկո Հայկուհի Բաբախանյանի» հետ՝ այսպես է կոչվում ժողովրդական երգչուհու նոր նախագիծը, որը հեռարձակվում է ԱՄՆ-ի ARTN հեռուստաալիքով եւ ցուցադրվում ԱՄՆ-ում եւ Եվրոպայում: Նախագծի հեղինակն ու վարողը հենց Հայկուհին է, իսկ ռեժիսորը՝ Արտավազդ Ամիրյանը:
NEWS.am STYLE-ը զրուցել է «Ժողովրդական երգիչ» նախագծի հաղթողի հետ իր նոր ծրագրի եւ երաժշտական մյուս նորությունների մասին.
«Այսպիսի նախագծի մտահաղացում վաղուց եմ ունեցել: Ցանկացել եմ ստեղծել մի ծրագիր, որը կլինի մեր մշակույթի վերաբերյալ, նվիրված կլինի երգարվեստին: Այնպես ստացվեց, որ եկա Միացյալ Նահանգներ եւ այստեղ ARTN հեռուստատեսության տնօրեն Ռոբերթ Օղլաղչյանի հետ քննարկեցինք տվյալ հաղորդման գաղափարը: Նա հավանություն տվեց նախագծին եւ միասին աշխատեցինք մտահաղացման շուրջ»,-պատմում է Հայկուհին:
Երգչուհու հեղինակային նախագիծը եթերում է սեպտեմբերի 13-ից, եւ դրական արձագանքների պակաս արդեն չունի.
«Հաղորդումը որոշեցինք անվանել «Հայ երգի երեկո Հայկուհի Բաբախանյանի հետ»: Դրա ձեւաչափը հետեւյալն է՝ ներկայացնում ենք փոքրիկ ֆիլմ, որը պատմում է տվյալ ստեղծագործողի կյանքի եւ գործունեության մասին, որից հետո ունենում ենք հյուր, որի հետ զրուցում ենք թեմայի շուրջ՝ ստեծագործողի կյանքից եւ գործերից: Այնուհետեւ ներկայացվում են օրվա հերոսի աշխատանքներից: Ես եւս կատարումներով հանդես եմ գալիս հաղորդման ընթացքում: Հաղորդման մեջ ընդգրկված բոլոր երգերը կատարվում են կենդանի նվագակցությամբ: Այս նախագծի նպատակներից մեկն է ասպարեզ բերել այն երգերը, որոնք մոռացության են մատնվել, շատ վաղուց չեն կատարվել»:
Երգչուհին նշում է՝ մեկ տարի շարունակ ԱՄՆ-ում գտնվելով հայրենիքի կարոտը մեծ է.
«Ինչպես յուրաքանչյուր հայ, ես եւս, գտնվելով օտար ափերում, փափագում եմ մի օր վերադառնալ իմ հայրենիք»,-խոստովանում է նա:
Իր հաղորդման ընթացքում Հայկուհին արդեն հասցրել է անդրադառնալ հայ երգի մեծերից շատերին՝ Սայաթ-Նովա, Կոնստանտին Օրբելյան, Արամ Մերանգուլյան, Առնո Բաբաջանյան, Կոմիտաս, Խաչատուր Ավետիսյան, Ջիվանի եւ այլք: Նոր հերոսներն ու անվանի հյուրերը առջեւում են…
Ինչ վերաբերում է երաժշտական այլ նորություններին՝ Հայկուհին նշում է.
«Այստեղ կազմակերպվող. գրեթե, բոլոր համերգներին մասնակցում եմ: Սակայն նոր տեսահոլովակի մասին մտածելու ժամանակ դեռեւս չունեմ. ամբողջ ուժերս այս պահին կենտրոնացրել եմ նախագծի վրա»:
Սյունե Առաքելյան
Լուսանկարները տրամադրել է Հայկուհի Բաբախանյանը
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է