«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Աբել Աբելյան. «Ես փոքրիկ մարդուկի իշխանության ներքո եմ, ով երջանկացնում է իմ կյանքը»

17:19, 21 հուլիսի

Դերասան Աբել Աբելյանը, ով վերջերս հայր դարձավ, Հայաստանի առաջին պրոֆեսիոնալ դերասանական «Casting school» ստուդիայի հիմնադիրն է: NEWS.am STYLE-ը որոշեց մանրամասներ ճշտել:

Պատմեք Ձեր «Casting school» դերասանական ստուդիայի մասին:

Մեր ստուդիան գոյություն ունի շուրջ 6 տարի, եւ այդ կարճ ժամանակահատվածում մենք արդեն որոշակի արդյունքների ենք հասել: Մասնագետներ ենք պատրաստում հեռուստատեսությունում եւ զանգվածային լրատվության այլ միջոցներում աշխատելու համար:

Նոր նախագծեր ունե՞ք:

Շուտով նոր բաժին կբացենք, որտեղ ուսանողները սովորելու են միաժամանակ օպերատորություն, մոնտաժ եւ հեռուստառեժիսուրա: Սա Հայաստանի համար նոր նախագիծ է: Այս կուրսի տեւողությունը մեկ տարի է, ինչից հետո ուսանողները դիպլոմ կստանան: Ուսուցումն անցկացվելու է նորագույն տեխնոլոգիաների կիրառմամբ: Կուրսն ավարտելուց հետո շրջանավարտներն ամբողջությամբ պատրաստ կլինեն հեռուստատեսությունում աշխատել նորագույն տեխնիկայով:

Մենք գիտենք, որ շատերը կարող են քննադատել այս նախագիծը, պնդել, որ անհնար է այդքան կարճ ժամանակահատվածում միանգամից երեք մասնագիտություն ձեռք բերել: Բայց մենք պատրաստ ենք բոլորին ապացուցել, որ այդ մեր ուժերի սահմաններում է, եւ որ մեր ուսանողները կդառնան բարձրորակ մասնագետներ: Ի դեպ, տեղերը սահմանափակ են, որովհետեւ մենք շեշտը դնում ենք որակի վրա:

Ի՞նչ կասեք դերասանական կարիերայի մասին: Շարունակելո՞ւ եք նկարահանվել:

Այո, իհարկե: Իմ հիմնական մասնագիտությունը դերասանական արվեստն է: Անցյալ տարի ես նկարահանվեցի ռուսական «Рен» հեռուստաալիքի «Стрелок» սերիալում: Հիմա նույնպես, եթե լավ առաջարկներ լինեն, հաճույքով կնկարահանվեմ ֆիլմերում:

Եվս մեկ անգամ շնորհավորում ենք Ձեր որդու՝ Էրիկի ծննդյան առիթով: Իսկ հասցնո՞ւմ եք ե՛ւ աշխատել, ե՛ւ երեխայի հետ ժամանակ անցկացնել:

Այդ շատ դժվար է, բայց առայժմ հասցնում եմ:

Շատ ծնողներ երեխայի ծնվելուց առաջ դատարկում են բոլոր խանութները: Դուք նույնպես ամեն ինչ գնո՞ւմ էիք:

Ես եւ կինս նույնպես գնումների սիրահար ենք: Անընդհատ որոշում էինք, թե ինչ ենք գնելու մեր որդու համար: Բայց իմ զարմիկն Ամերիկայից այնքան խաղալիք, մանկական հագուստ եւ այլ պարագաներ ուղարկեց, որ մեր փոքրիկին դեռ մեկ տարի բավական է:

Իսկ հայր դառնալուց հետո Ձեր կյանքը փոխվե՞լ է:

Իմ կյանքը կտրուկ փոխվել է, այն դարձել է անկանխատեսելի եւ նույնիսկ էքստրեմալ: Նախկինում ես ճշտապահ էի, բայց երեխայի ծնվելուց հետո կորցրել եմ բնավորությանս այդ գիծը: Հիմա ես իմ ժամանակի տերը չեմ: Ես փոքրիկ մարդուկի իշխանության ներքո եմ, ով երջանկացնում է իմ կյանքը:

Ռուզաննա Մանուկյան


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search