Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

«Իրական սեր, իրական զգացմունքներ»․Բեն Ավետիսյանն ու Զեփյուռ Բրությանը՝ «Талисман»-ի եւ համբույրի տեսարանի մասին

12:08, 19 նոյեմբերի

Դերասան Բեն Ավետիսյանն օրեր անց իր երկրպագուներին կներկայացնի իր առաջին տեսահոլովակը։ «Талисман»՝ այսպես է կոչվում այն ստեղծագործությունը, որը հնարավոր է՝ դառնա դերասանի թալիսմանը դեպի երաժշտական աշխարհ։ Բենի առաջին երգը ռուսալեզու է․այն գրվել է Ռուսաստանում, իսկ տեսահոլովակի ռեժիսորը Տիգրան Ավետիսյանն է։

«Արդեն մոտ երկու-երեք ամիս է՝ երգը կա: Բառերի հեղինակն Ալեքսանդր Խաչատրյանն է, որը բնակվում է Ռուսաստանում: Գործիքավորումն ու ձայնագրությունն այստեղ ենք կատարել»,-NEWS.am STYLE-ի հետ զրույցում նշեց Բենը։

Դերասանը երգել սկսել է Երեւանի թատրոնի եւ կինոյի պետական ինստիտուտում սովորելու տարիներին, սակայն դրանով լուրջ զբաղվել սկսել է միայն վերջերս։

«Քանի որ ես սիրում եմ ռուսական երգեր, ինձ ավելի մոտ էր ռուսալեզու ստեղծագործությունը: Բացի այդ՝ տարբերվելու խնդիր էի դրել իմ առջեւ, քանի որ դա իմ առաջին տեսահոլովակն էր: Հայերենով կարծում եմ՝ նորություն չէի բերի, դրա համար ընտրեցի այդ ոճը, որը իմ տեսակին ավելի հոգեհարազատ է»,-ասում է նա ու հավելում,-«Այն, ինչ ուզում էի, ստացել ենք: Ինձ դուր է գալիս թե´ տեսահոլովակը, թե´ երգը։ Տեսահոլովակը սիրո թեմայով է եւ այնտեղ կա թեթեւություն, ինչն էլ ցանկանում էինք ստանալ»:

Տեսահոլովակի հերոսուհին ռուսաստանաբնակ դերասանուհի Զեփյուռ Բրությանն է, որը NEWS.am STYLE-ին պատմել է, թե ինչպես է կայացել իր եւ Բենի համագործակիցությունը․

«Բենին վաղուց գիտեմ, նա իմ լավ ընկերն է: Որպես դերասան էլ նրան շատ հավանում եմ, եւ շատ հաճելի էր բացահայտել նրան երգչի կարգավիճակում: Նա ինձ ուղարկեց իր երգն ու առաջարկեց մարմնավորել տեսահոլովակի հերոսուհուն: Երբ լսեցի այն, հասկացա, որ իսկական հիթ է լինելու։ Տեսահոլովակի սյուժեն շատ յուրահատուկ է, հետաքրքիր եւ ինտրիգային: Սովորաբար տեսահոլովակներում ներկայացվում են գեղեցիկ տեսարաններ, իսկ այս մեկում սիրո մի ամբողջ պատմություն կա: Ինքս էլ որպես դերասանուհի` սիրում եմ նորովի ներկայանալ եւ աշխատել պրոֆեսիոնալների հետ»:

Բենի հետ աշխատելն ըստ Զեփյուռի՝ հեշտ էր եւ հետաքրքիր․

«Հազվադեպ է պատահում, երբ նկարահանման հրապարակում քեզ այդքան ազատ ես զգում եւ ճիշտ ընկալում խաղընկերոջդ: Մեզ դա հաջողվեց: Բենն, իսկապես, իր գործում պրոֆեսիոնալ է: Շատ հավանեցի մեր համագործակցությունն ու հուսով եմ` սա վերջինը չի լինի»:

Անդրադառնալով տեսահոլովակում ընդգրկված համբույրի տեսարանին՝ Բենը նշեց․

«Այդ տեսարանը պահանջում էր հենց սցենարը։ Ռեժիսորը մեր առաջ խնդիր էր դրել, որը մենք՝ որպես պրոֆեսիոնալ դերասաններ, իրագործեցինք»։

Զեփյուռն էլ հավելեց․ «Ես մասնագիտական կրթությունս ստացել եմ Ռուսաստանում, այնտեղ մեզ սովորեցրել են լինել ազատ եւ մտածել ոչ թե քո անձի, այլ հեռուստադիողի, հանդիսատեսի մասին, որպեսզի նրանք չկասկասծեն երբեւէ սյուժեի ճշմարտացիությանը: Կարծում եմ` մեր աշխատանքում չկան չափազանց բաց տեսարաններ. ներկայացված է այն, ինչ լինում է կյանքում` իրական սեր, իրական զգացմունքներ»:

Արդյոք երգի հաջողությունից հետո Բենը պատրա՞ստ է շարունակել երաժշտական ուղին եւ ձայնագրել նոր երգեր․

«Իմ կարծիքով՝ դա պարտադիր է, եթե անգամ մի քանի դրական կարծիք լինի․ անոնսից արդեն հասկացել եմ, որ մեծամասնությանը դուր է եկել: Ես հարսանեկան երգեր չեմ փորձում երգել, իմ հաճույքի համար եմ միայն երգում եւ ուզում եմ Հայաստանում էլ զարգանա երաժշտության այն ոճը, որը ես սիրում եմ։ Այս պահի դրությամբ վստահ կարող եմ ասել, որ չեմ գնա դեպի կոմերցիոն երաժշտություն, դա իմը չէ, իսկ չսիրելով չեմ կարող մի բան անել»,-ասում է դերասանն ու հավելում, որ այս փուլում որեւէ նախագծում զբաղվածություն չունի։ Բենը ժամանակավոր դադար է վերցրել, ինչը պայմանավորված է առաջիկայում ԱՄՆ սպասվող իր այցով․

«Գնում եմ՝ դեռ արձակուրդով, հետո կհասկանամ՝ ինչ է ստացում: Դրա համար եմ դադար վերցրել ու նոր նախագծերից հրաժարվել։ «Երկուսով»-ից դուրս գալն էլ էր այդ պատճառով: Ինձ թվում է՝ առաջիկայում այնտեղ էլ տեսահոլովակ կնկարահանեմ»:

Դերասանի  «Талисман» տեսահոլովակի պրեմիերան կկայանա նոյեմբերի 22-ին։

Սյունե Առաքելյան

Լուսանկարները տրամադրել է Բեն Ավետիսյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search