BACKSTAGE. Ինչպես են ընթանում «Սարի աղջիկ» հեռուստասերիալի նկարահանումները

Սիրուն Մինասը` բոտեքսի միֆերի եւ հակացուցումների մասին

Հայտնիներ, որոնք իրենց երեխաներին այսօր ուղեկցել են առաջին դասարան

«Ուզում եմ երեխա ունենալ». Շպռոտը` իր երազանքի և 41-ամյակին նվիրված խնջույքի մասին

Եվա Խաչատրյանի, Վիկտորյա Սահակյանի եւ այլ դերասանուհիների մասնակցությամբ բացօթյա ներկայացումը

Backstage. Մեգին շուտով կթողարկի ամառային, ռիթմիկ նոր տեսահոլովակ

Backstage. «Աշխատում ենք ամեն ձեւով իրականացնել իրենց երազանքը». Արուս Տիգրանյան

Անդրանիկ Հարությունյանը` արկածային մանկության մասին եւ ոչ միայն

Backstage. Ինչպես են ընթանում «Երկուսով» հեռուստասերիալի նկարահանումները

Դիանա Տոռեսը` ծնողների կորստի, սիրահարվածության եւ ատամնաբույժի մասնագիտությամբ չաշխատելու մասին

Ինչպես է անցել Լիլիթ Բասյանի եւ Ալեքսանդր Բաբասյանի որդու 6-ամյակը. ծնողների անակնկալն ու խնջույքը

«Գրիշան իմ երազած ավտոմեքենան է նվիրել». Շողեր Թովմասյանը 28-ամյակի անակնկալների եւ խնջույքի մասին

Հասմիկ Կարապետյանը` խենթ հուշերի, կյանքի դժվար շրջանի ու Շանթի հետ իրենց առաջին հանդիպման մասին

Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Բոլորիս ծանոթ հումորային իրավիճակներ եւ միայն հայերին բնորոշ չափազանցություններ. «Վայ, Գրիգ, Գրիգ» stand up-ն ու հայտնի հյուրերը (ֆոտո/վիդեո)

12:04, 22 նոյեմբերի

Կենցաղային զավեշտալի իրավիճակներ, որոնք ծանոթ են բոլորին, հայերին բնորոշ ծայրահեղություններ, քեֆ, ուրախություն եւ, իհարկե, կանանց եւ տղամարդկանց անվերջանալի տարբերություններ, որոնք չեն դադարում զարմացնել. այս թեմաների շուրջ անդադար կարողանում է կատակել հումորիստ Գրիգ Գեւորգյանը, որն իր հումորի սիրահարներին երեկ` նոյեմբերի 21-ին, համախմբել էր «Բոհեմ» թատրոնում` իր «Վայ, Գրիգ, Գրիգ» stand up-ի շուրջ: Մոտ երկու ժամ տեւողությամբ ներկայացման ողջ ընթացքում բեմից չէին դադարում հնչել ծանոթ իրավիճակներ` համեմված Գրիգին բնորոշ հումորով եւ անմիջականությամբ: Գրիգի հումորի առանձնահատկությունն այն է, որ շատերն են իրենց տեսնում նրա նկարագրած զավեշտալի իրավիճակներում, այդ էր փաստում հանդիսատեսի ծիծաղն ու արձագանքը stand up-ի ողջ ընթացքում:

Ի դեպ, երեկ կայացած ներկայացումը պրեմիերա էր լրատվամիջոցների եւ հումորիստի հարազատների եւ ընկերների, բայց ոչ հանդիսատեսի համար: Stand up-ի առաջնախաղը տեղի է ունեցել նոյեմբերի 1-ին` առանց լուսաբանման, միայն հանդիսատեսի համար:

«Մեր առաջին երեք ներկայացումների տոմսերը միամգամից սպառվեցին եւ հասկացանք, որ լրատվամիջոցների եւ իմ ընկերների համար կարելի է չորրորդ ներկայացումը կազմակերպել: Սովորաբար, առաջին ներկայացմանն են կանչում հայտնի մարդկանց, ծանոթներին, որպեսզի դահլիճն ավելի ջերմ լինի: Մենք ցանկացանք գնալ այլ ճանապարհով` փորձելով հասկանալ, թե սովորական հանդիսատեսն ինչի վրա է ծիծաղում: Այդպես էլ արեցինք, հասկացանք` ինչն էր լավ, ինչը` թույլ, շտկումներ արեցինք ու արդեն ամբողջությամբ պատրաստ ենք»,-անդրադառնալով իրենց թիմի հետաքրքիր մոտեցմանը՝ նշեց Գրիգը:

Հումորիստի ներկայացումը դիտելու էին եկել նաեւ հայտնի գործընկերները` Արամ mp3-ը, Վաչե Թովմասյանը, Տիգրան Գեւորգյանը, Ռոբերտ Մարտիրոսյանը, Ռաֆայել Երանոսյանը եւ հեռուստաեթերից ծանոթ այլ հայտնիներ, սակայն դահլիճում չնկատեցինք Women’s Club-ի անդամներին:

«Ես մարդկանց հետ չեմ շփվում նախագծերով, ինձ համար կան, ուղղակի, մարդիկ. Women’s Club-ից ներկայացուցիչներ ներկա են եղել պրեմիերային, բայց հատուկ մտածված չի եղել հրավիրել այս կամ այն մարդկանց: Շատերին, ում հրավիրել եմ, եղել է առօրյա խոսակցության ժամանակ, խոսքի մեջ: Միտումնավոր չի եղել, որ ինչ-որ մեկին չհրավիրենք»,-անկեղծացավ հումորիստը, որին ներկայացման սցենարային հարցերում օգնել են հայտնի ընկերները` Վան Գրիգորյանը, Արմեն Սարգսյանը եւ Ռոբերտ Մարտիրոսյանը, իսկ բեմական ոճի հեղինակը դիզայներ Դիանա Շատվերյանն է: Նրանց բոլորին եւ մյուս աջակիցներին Գրիգն իր շնորհակալությունը հայտնեց բեմից` չմոռանալով նաեւ հատուկ շնորհակալություն հայտնել կնոջը` Սոնա Եսայանին` միշտ կողքին լինելու համար:

Նկատելի էր, որ հումորիստն իր ներկայացման մեջ ներառել էր նաեւ թեմաներ, որոնք պրեմիերայից հետո էին տեղի ունեցել: Հարցին արդյոք պարբերաբար կլինե՞ն սցենարային փոփոխություններ, Գրիգը պատասխանեց.

«Եթե շատ հետաքրքիր մի բան լինի ու դա ինչ-որ կերպ կապվի իմ stand up-ի հետ, միգուցե, ավելանա նաեւ այդ թեման, բայց դրանք սովորաբար ժամանակավոր բնույթ են կրում: Իսկ այն թեմաները, որոնք մենք բարձրացնում ենք stand up-ում, ավելի մշտական են»:

Հատկանշական է, որ իր ներկայացմա մեջ Գրիգը շատ քիչ տեղ էր հատկացրել վերջին շրջանում արդիական` քաղաքական եւ 16+ հումորին:

«Հեշտ է մարդկաց գրավել 16+ կամ քաղաքական հումորով, իսկ մենք շրջանցեցինք այդ թեմաները, որովհետեւ, միգուցե, կոպիտ հնչի, բայց քաղաքական թեմաներով հումոր անելը հետաքրքիր չէ, որովհետեւ մեզ համար ամենահեշտ ոճն է հումորի: Իհարկե, մեզ մոտ էլ կար որոշակի քանակությամբ քաղաքական հումոր, բայց գերակշռում էին կենցաղային թեմաները, որոնք բոլորին ծանոթ են, բոլորի հետ պատահել են, իսկ քաղաքականում շատերն իրենց չեն պատկերացնում: Ամեն դեպքում, հումորի այդ ոճն էլ եմ ընդունում»:

Առաջիկայում «Վայ Գրիգ, Գիգ» stand up-ի բեմարություններ են սպասվում նոյեմբերի 25-ին, դետեմբերի 1-ին, 5-ին, 13-ին, 25-ին եւ 26-ին: «Հավանական է, որ դետեմբերի 23-ին հանդես գանք Ստեփանակերտում: Ցանկություն կա ներկայացումը դուրս բերել նաեւ Հայաստանից դուրս, բայց մեր թիմի երազանքն է, որպեսզի այն բեմադրվի Հայաստանի բոլոր քաղաքներում»:

Ինչ վերաբերում է հեռուստատեսային զբաղվածությանը` այդ մասին Գրիգը նախընտրեց առայժմ չխոսել` թողնելով առաջիկա ծրագրերը, որպես անակնկալ:

Իսկ երեկ կայացած ներկայացման հետաքրքիր դրվագներին կարող եք հետեւել NEWS.am STYLE-ի պատրաստած տեսանյութի եւ ֆոտոռեպորտաժի միջոցով:

Սյունե Առաքելյան

Լուսանկարներն ու տեսանյութը` Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ