Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Նա աղջկա իմ իդեալն է, որի մեջ ինքս ինձ եմ վերագտել, որի հետ ես ինձ լիարժեք եմ զգում». Բեն Ավետիսյանը` Դիանա Տոնոյանի եւ իրենց սիրո մասին (ֆոտո)

13:43, 24 դեկտեմբերի

Դերասան Բեն Ավետիսյանի եւ դիմահարդար Դիանա Տոնոյանի հարաբերությունների մասին վաղուց են խոսում, սակայն զույգը երբեք պաշտոնապես ոչ հաստատել է, ոչ էլ` հերքել խոսակցությունները: Բայց օրերս Բենը որոշեց խախտել լռությունը` հրապարակելով իր եւ Դիանայի համատեղ լուսանկարները:

Դերասանն իր զգացմունքների մասին առաջին անգամ խոսել է NEWS.am STYLE-ի հետ` պատմելով Դիանայի հանդեպ տածած գեղեցիկ սիրո, ժամանակավոր դժվարությունների, այժմ իրենց բաժանող հեռավորության եւ մեծ կարոտի մասին:

Զույգի սերը ծնվել է 3 տարի առաջ, երբ Դիանան եւ Բենը դարձան երգիչ Գեւորգ Սիրեկանյանի «Թող, որ դողամ» տեսահոլովակի հերոսները, որտեղ մարմնաորում են սիրահարների: Տեսահոլովակից հետո դերասանի երկրպագուները սկսեցին խոսել Բենի եւ Դիանայի` գեղեցիկ զույգ լինելու եւ հնարավոր սիրավեպի մասին, սակայն դերասանը նախընտրում էր մամուլից եւ հանրությունից հեռու պահել սիրելիին:

«Երեւի յուրաքանչյուր լուրջ քայլ անելուց առաջ պետք է հասունանա այդ պահը, մանավանդ, երբ խոսքը հարաբերությունների մասին է: Ժամանակ պահանջվեց, մինչեւ գիտակցեցի այդ քայլն անել: Երբ սիրում ես ու համոզված ես, որ քեզ սիրում են, երբ համոզված ես, որ դա քո վերջնական ընտրությունն է, որը քեզ կուղեկցի ամբողջ կյանքում, ուրեմն` պետք չէ այլեւս սպասել»,-NEWS.am STYLE-ի հետ զրույցում, անդրադառնալով իր եւ սիրելիի լուսանկրի հանրայնացմանը, նշեց Բենը` խոստովանելով, որ այս 3 տարիների ընթացքում իրենց հարաբերություններում եղել են վեճեր եւ ժամանակավոր բաժանություններ, սակայն ամենակարեւորը միշտ հաղթել է:

«Ամենակարեւորը սերն է, որը միշտ մնացել է, եւ այն եղել է փոխադարձ: Դրա համար էլ ասում են` սերը միշտ հաղթում է: Փառք Աստծո` մեր դեպքում այդպես եղավ»:

Դերասանը խոստովանեց` հաճախ տարաձայնությունները հենց իր սխալների պատճառով են եղել.

«Բոլոր զույգերի մոտ էլ, վստահ եմ, լինում են նման բաներ, քանի որ երկու տարբեր մարդիկ ընտրություն են կատարում` ամենաբարդ ընտրությունը: Միանշանակ խնդիրներ լինում են, բայց դրանց լուծումները մեզ դարձնում են ավելի ուժեղ եւ հասուն»:

Երկրպագուհիների մեծ բանակ ունեցող դերասանը առանձնացրեց նաեւ այն հատկանիշները, որոնցով Դիանան իր համար տարբերվել է բոլոր աղջիկներից ու գրավել իրեն.

«Դիանան այն աղջիկն է, որին սիրում եմ, այն մարդը, որն ինձ միշտ հասկացել է, միշտ կողքիս է եղել` անկախ նրանից, թե կյանքի որ փուլում եմ եղել նրան հանդիպելուց հետո: Նա աղջկա իմ իդեալն է, որի մեջ ինքս ինձ եմ վերագտել, այն մարդն է, որի հետ ես ինձ լիարժեք եմ զգում` բարի, նուրբ, կանացի, խելացի, շատ գեղեցիկ մարդ, որի համար ես, իսկապես, պայքարել եմ եւ դա եղել է իմ կյանքի ամենակարեւոր ու հիանալի պայքարը»:

Այժմ դերասանն ԱՄՆ-ում է: Բենն ասում է` հեռավորությունն իր հերթին ավելի է նպաստել իրենց զգացմունքների ամրապնդմանը.

«Հեռավոությունն ավելի է ամրացնում մեր հարաբերությունները, քանի որ մենք ունենք ամենակարեւորը` սեր, հարգանք, վստահություն: Իհարկե, կա դրա հակառակ կողմն էլ` կարոտը, որը ոչնչով չի լինում լրացնել: Աստված առաջ` շուտով էլ չի լինի հեռավորությունը... Սիրել նշանակում է ապրել. ես ապրում եմ լիարժեք»:

Դերասանի հրապարակման տակ արված մեկնաբանություններում շատերը ենթադրել են, որ Բենի քայլը նշանակում է, որ իր եւ Դիանայի հարսանիքը սարերի ետեւում չէ: Պատասխանելով շատերին հետաքրքրող հարցին` Բենը նշեց.

«Իհարկե, հարաբերությունների առողջ եւ բնականոն ընթացքը հարսանիքն է...Իմ կարծիքով` դա սկիզբն է երջանիկ կյանքի»:

Սյունե Առաքելյան

Լուսանկարները տրամադրել է Բեն Ավետիսյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search