• Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին

  Քորթնի Քարդաշյանը խոստովանել է, որ «պատրաստ չի զգացել» «Քարդաշյանների» համար կիպ զգեստով ֆոտոշարք անել՝ Ռոքիի ծնվելուց երեք ամիս անց…

• Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին

  Զենդայան, Ջենիֆեր Լոպեսը եւ Սիեննա Միլլերը Նյու Յորքում մասնակցել են Vogue-ի խմբագիր Աննա Վինտուրի ընթրիքին, որը կազմակերպվել է Met Gala-ին ընդառաջ…

• Միխայիլ Գալուստյանը 14 կգ նիհարել է՝ հրաժարվելով խորովածից

  Ռուս շոումեն Միխայիլ Գալուստյանը վերջերս նիհարել է 14 կիլոգրամով։ Մինչեւ վերջերս 163 սանտիմետր հասակ ունեցող արտիստը կշռում էր 80 կիլոգրամ…

• Նիկոլաս Քեյջի որդուն մեղադրել են սեփական մորը ծեծելու մեջ

  Նիկոլաս Քեյջի որդուն՝ Ուեսթոն Քեյջին, մեղադրել են մորը՝ Քրիստինա Ֆուլթոնին ծեծելու մեջ…

• Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին

  Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն անցած տարվա մջոցառման ժամանակ արտաքնապես գերազանցել է Քայլի Ջեններին…

• Բեյոնսեն ցուցադրել է իր համարձակ կերպարը՝ մերկացնելով հետույքը

  Երգչուհին հագել է մոխրագույն բոդի, վրայից՝ արհեստական ​​մորթուց մուշտակ եւ համապատասխան շարֆ…

• Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների

  Մադոննան իր շրջագայությունն ավարտեց Ռիո դե Ժանեյրոյի Կոպակաբանա լողափում անվճար համերգով, որը կայացավ 1,6 միլիոն երկրպագուների ներկայությամբ…

• Քիմ Քարդաշյանին սուլել են նրա ելույթի ընթացքում

  Քիմ Քարդաշյանին Լոս Անջելեսի Kia ֆորումում Թոմ Բրեյդիի միջոցառման ժամանակ հավաքված ամբոխն անխնա սուլել է…

Շոու բիզնեսի աստղերը ստիպված են բեմին վառ եւ յուրօրինակ տեսք ունենալ: Բայց չափի զգացողությունը կորցնելու մասին ոչ ոք ոչինչ չի ասել: Լեդի Գագան վաղուց առանձնանում է տարօրինակ ոճով: Ոմանց այն հիացնում է, ոմանք ստիպված են լինում փոխել հեռուստացույցի ալիքը: Երիտասարդ երգչուհու «ամենա-ամենա» խելագար կերպարներն առանձնացնելը բավական դժվար է, քանի որ Գագան հազվադեպ է հայտնվում որեւէ հագուստով, որն ընդունված է «նորմալ» համարել:

NEWS.am STYLE-ն ընտրել է Լեդի Գագայի ամենից հիշվող 10 կոստյումները, որոնք, հավանաբար, ընդմիշտ կմնան փոփ երաժշտության պատմության մեջ:

Սկսենք, իհարկե, աստղի մսային զգեստից, որով նա հայտնվեց 2010 թվականի MTV Video Music Awards-ի 27-րդ արարողությանը: Սա կատակ չէ. նրա զգեստն իրականում հավաքված էր հում մսի կտորներից:

Ի դեպ, հագուստի համար չնախատեսված նյութից զգեստ ստեղծելու գաղափարն այնքան էր դուր եկել երգչուհուն, որ դրան հետեւեցին մազերից, ինչպես նաեւ Hello Kitty-ի եւ The Muppet Show մանկական հաղորդման հայտնի հերոս Գորտի փափուկ խաղալիքներից պատրաստված զգեստները:

Նույն 2010 թվականին Լեդի Գագան բրիտանական Brit Awards-ում ելույթ ունեցավ փերիի ճերմակ խելահեղ զգեստով: Երգչուհու կերպարում, թերեւս, ամենակարեւորը սանրվածքն էր, որը 3 կգ էր կշռում:

Կենդանիների հանդեպ Գագայի սերն ու հավատարմությունը չսահմանափեկվեցին խաղալիքներով հագուստով: 2011 թվականի սկզբին երգչուհին բրիտանական հեռուստատեսության լեգենդ Ջոնաթան Ռոսսի հայտնի շոուին ներկայացավ այծի հետ: Նա խոստովանեց, որ միշտ ցանկացել է հաղորդավարին որեւէ «ընտանի կենդանի» նվիրել:

The Fame ալբոմի խելահեղ հաջողությունից հետո կարմիր գորգերին Գագայի հայտնվելը դառնում էր իսկական ինստալյացիա: 2011 թվականին նա «Գրեմմի»-ի մրցանակաբաշխությանը ներկայացավ հսկայական ձվի մեջ, որը պատգարակով մի քանի տղամարդ էր տանում: Ձվից աստղը դուրս եկավ միայն բեմին: Մի քանի ամիս անց բրիտանական Chatty Man շոուի ժամանակ երգչուհին նշեց, որ իրեն չափազանց հաճելի էր ձվի ներսում անգործ նստելը:

Նույն 2011 թվականին Նյու Յորքում CFDA Fashion Awards-ի արարողությանը Գագան հայտնվեց տարօրինակ զգեստով. թափանցիկ վերնազգեստ, սեւ իրանակալ եւ կիսաշրջազգեստ՝ երկար քղանցքով: Այն հեռացնելուց հետո երգչուհին գրեթե մերկ մնաց՝ բազմաթիվ լուսանկարիչների ցուցադրելով կուրծքը: Ի դեպ, հենց այդ արարողության ժամանակ Գագան մրցանակ ստացավ սեփական կոստյումների դիզայնի համար:

Գագայի մեկ այլ տարօրինակությունը թեյախմության հանդեպ կրքոտ սերն է: 2012 թվականի ընթացքում երգչուհին ամենուր ներկայանում էր թեյի համար հնաոճ հավաքածուով: Ի դեպ, Լեդի Գագան նույնիսկ աճուրդի էր հանել իր թեյի գավաթներից մեկը: Դրա վաճառքից ստացված 35.000 դոլարը երգչուհին փոխանցեց Ճապոնիայում երկրաշարժից տուժածների օգնության հիմնադրամին:

Եվ վերջին ցնցումը, որ ապրեցին Լեդի Գագայի երկրպագուները. երկարատեւ վերականգնողական կուրսից հետո երգչուհին ներկայացավ առանց դիմահարդարման: Այդպիսին նրան դեռեւս ոչ ոք չէր տեսել: Շատերը կասկածում էին, որ այդ իսկապես Գագան է: Սակայն առաջինին հետեւցին նաեւ երգչուհու այլ լուսանկարներ, որոնք նույնպես ցնցեցին ոչ գրավիչ արտաքինով:

Կարինե Աբրահամյան

Հետևեք NEWS.am STYLE-ին Facebook-ում, Twitter-ում և Instagram-ում