• «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը

  «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը, հայտնում է Հայաստանի ազգային կինոակադեմիան․․․․

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

• Մահվան մղում՝ «Դեռահասների սեքսը և մահը «Միասմա» ճամբարում» ֆիլմում

  Կաննի կինոփառատոնի «Հատուկ հայացք» ծրագրում ներկայացված էր «Դեռահասների սեքսը և մահը «Միասմա» ճամբարում ֆիլմը, որի ռեժիսորն Ջեյն Շյոնբրունն էր, և մենք դրա դեմ ոչինչ չունենք, բայց պարզ էր, որ թեման պետք է լիներ դեռահասների, սեքսի, անհանգստության և այդ ամենի մասին․․․

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• «Սոուլմ8յթ»․ նույնիսկ իդեալական կին ավատարը չդիմացավ տղամարդկանց բարդույթներին

  Ժամանակակից օրակարգը փորձում է մեզ համոզել, որ շուտով կանանց կփոխարինեն իդեալական ավատարները՝ անթերի արտաքինով, ուղեղի փոխարեն խոհարարական գրքով և գլխացավ չունեցող տրամադրությամբ։ Կանայք ուրախ են. վերջապես իրենց հանգիստ կթողնեն...

• Ինցել լինելու հպարտությունը «Միայն մեկ գիշեր» ֆիլմում

  Ի՞նչ կանեիք, եթե մի առավոտ արթնանայիք և տեսնեիք նախամուսնական սեռական հարաբերություններն արգելող օրենք․․․

• «Տնից լավ տեղ չկա». Արցախի ողբերգությունն ու իրական մարդկային պատմությունները՝ Դիանա Մեդիսոնի նոր վավերագրական ֆիլմում, որը ցուցադրվեց Երևանում

  There.s No Place Like Home/«Տնից լավ տեղ չկա»՝ սա է Դիանա Մեդիսոնի վավերագրական ֆիլմի հիմքում ընկած ուղերձը․․․

• «Ես ուզում եմ քեզ հետ սեքսով զբաղվել» ֆիլմը կամ ինչպես սեքսը վերածել կրկեսի

  Ֆիլմի մասին խոսելուց առաջ՝ երկու կարևոր կետ. այն կատակերգություն է, և դա Գրեգ Արակիի ֆիլմն է, ռեժիսորի, որին հաճախ «գեյ» են անվանում՝ իր ֆիլմերի պատճառով․․․

Մի քանի ժամ անց Լոս Անջելեսի Dolby թատրոնում կկայանա ամենապրեստիժային «Օսկար» կինոմրցանակաբաշխության 92-րդ արարողությունը: Բաղձալի ոսկե արձանիկների համար պայքարը թեժ կլինի:

Արդեն պատմել ենք հիասքանչ կանանց մասին, որոնք կպայքարեն «Կանացի լավագույն դերի» համար, ինչպես նաեւ ջենթլմենների մասին, որոնք կպայքարեն «Տղամարդու լավագույն դերի» համար, եւ ստեղծագործական գործընթացը ղեկավարողների մասին, որոնք առաջադրված են «Լավագույն ռեժիսոր» անվանակարգում:

Այսօր կխոսենք ֆիլմերի մասին:

«Լավագույն ֆիլմ» անվանակարգում կպայքարի 9 ֆիլմ՝

«Ford-ն ընդդեմ Ferrari-ի»

«Ամուսնական պատմություն»

«Իռլանդացին»

«Փոքր կանայք»

«Մակաբույծներ»

«Ջոկեր»

«1917»

«Ջոջո ճագարը»

«Մեկ անգամ… Հոլիվուդում»

Նշենք, որ անկասկած մրցանակի են արժանի բոլոր ֆիլմերը. որոշներն իրենց փայլուն ռեժիսուրայով, որոշներն էլ դերասանական խաղով… Սակայն մեր հաղթողը պետք է իր մեջ ներառի անվիճելի հաղթողի բոլոր որակները: 

Սակայն նախ եկեք առանձնացնենք ակնհայտ աութսայդերներին

Ջեյմս Մենհոլդի՝ իրական իրադարձությունների հիման վրա նկարահանված «Ford-ն ընդդեմ Ferrari»-ի ֆիլմը ցույց է տվել վառ ռեժիսուրան, Մեթ Դեյմոնի եւ Քրիստիան Բեյլի հոյակապ քիմիան, ինչպես նաեւ մոնտաժողի ցնցող աշխատանքը: Սակայն իր բոլոր դրական կողմերով հանդերձ ֆիլմը՝ ի տարբերություն մյուս նոմինանտների, կարծես իր քաշային կատեգորիայում չէ:

Եվս մեկ աութսայդեր է Թայք Վայտիտիի «Ջոջո ճագարը» ֆիլմը՝ լավ կոմեդիա սյուրռեալիզմի նոտաներով եւ մի պտղունց դրամայով: Ֆիլմի մեծ պլյուսը երկրորդ պլանի դերասանների՝ Սքարլետ Յոհանսոնի եւ Սեմ Ռեքուելի խաղն է, որոնք գեղեցկացնում են կադրը: Սակայն ինքնին միջավայրն ու ֆիլմի հայեցակարգը հաղթանակի որեւէ շանս չեն տաիս:

Գրետա Գերվիգի «Փոքր կանայք» ֆիլմը աութսայդերների ցուցակում վերջինն է: Պլյուսներից նշենք Սիրշա Ռոնանի եւ Էմմա Ուոթսոնի դերասանական խաղը: Այս դերասանուհիներն ապացուցում են, որ ի վիճակի են խաղալու բարդ դերեր եւ կարող են մրցակցել իրենցից ավելի փորձառու գործընկերների հետ: Սակայն ընդհանուր առմամբ ֆիլմը ոչնչով չի փայլում: Այնպես որ, այս ֆիլմի համար Օսկար վստահաբար չենք սպասում:

Հաջորդ կատեգորիան՝ ավելի ճիտշ «ոչ», քան «այո»

Նոա Բաումբակի «Ամուսնական պատմությունը» տարվա լավագույն դրաման է եւ հանճարեղ մելոդրամա լավ կոմեդիայի նոտաներով: Ադամ Դրայվերի եւ Սքարլետ Յոհանսոնի դերասանական խաղն ու էկրանին փոխհարաբերությունները անթերի են: Սցենարը գրավում է… Կա միայն երեք պատճառ, որ ֆիլմը չի արժանանա Օսկարի՝ խելահեղ մրցակցությունը, լակոնիկ պատմությունը եւ այն փաստը, որ ֆիլմը չի անդրադառնում հասարակական նշանակության որեւէ թեմայի (լգբտ, ֆեմինիզմ, me too եւ այլն):

Մարտին Սկորսեզեի «Իռլանդացին» «կրիմինալ դրամա» ժանրում հզոր ֆիլմ է լեգենդար դերասանական կազմով եւ լավ սցենարով: Սակայն Մարտինը դուրս չի գալիս հարմարավետության գոտուց. նա կրիմինալ դրամաների «արքան» է, չնայած դրան՝ «Իռլանդացին» նրա ամենաուժեղ ֆիլմը չէ:

Ֆիլմը շատ երկար քրոնոմետրաժ ունի, որը բացահայտորեն հարված է հասցնում ֆիլմի դինամիկային եւ հանդիսատեսի ընկալմանը: Եվ վերջին ու սուբյեկտիվ պատճառը, ըստ որի ֆիլմը չի արժանանա Օսկարի, այն է, որ կինոակադեմիան լուրջ չի վերաբերվում Netflix-ի ֆիլմերին:

Ռեժիսոր Պոն Ջուն-հոյի «Պարազիտները» ամենաքննարկվող ֆիլմերից մեկն է դարձել:

Ռիժիսուրան, դերասանական խաղը, սցենարն ու տարբեր ժանրերով մանիպուլյացիան իրենց գործն արել են՝ ֆիլմը նոմինանտ դարձնելով մի քանի կատեգորիաներում:

Քանի որ մենք վստահ ենք, որ «Պարազիտները» ֆիլմը կարժանանա «Լավագույն միջազգային ֆիլմը» անվանակարգում մրցանակին, չենք կարծում, թե եւս մեկ մրցանակ կստանա «Լավագույն ֆիլմի» համար: Որպես տեղեկություն նշենք, որ «Օսկարի» ողջ պատմության ընթացքում արտասահմանյան որեւէ ֆիլմ չի հաղթել «Լավագույն ֆիլմ» անվանակարգում:

Եվ, վերջապես, ֆավորիտները

Քվենտին Տարանտինոյի «Մեկ անգամ… Հոլիվուդում» ֆիլմը եզակի ֆիլմ է: Ռեժիսուրայի, սցենարի կամ Փիթ-Լեո հիասքանչ դուետի մասին խոսելն անիմաստ է, այստեղ ամեն ինչ անթերի է:

Ֆիլմն առիթ է մտածելու, որ Տարանտինոն ֆիլմը նկարահանել է իր համար, ֆիլմում երեւում են պահեր, որոնք երիտասարդ տարիներին ոգեշնչել են ռեժիսորին: Բացի այդ, այդ աշխատանքը կարծես սիրո խոստովանություն լինի հին Հոլիվուդին, եւ հենց դա կարող է դառնալ այն պատճառը, որը կհալեցնի կինոակադեմիայի սառցե սիրտն ու կօգնի վերցնել «Լավագույն ֆիլմ» անվանակարգում մրցանակը:

Թոդ Ֆիլիպսի «Ջոկեր» ֆիլմն անցած տարվա սենսացիան դարձավ: Կինոկոմիքսի մոտիվներով, փայլուն ռեժիսուրայով սոցիալ-հոգեբանական դրամա Դարեն Արոնոֆսկիի «Ռեքվիեմ երազանքի համար» ֆիլմի մակարդակով, եւ ամենակարեւորը՝ Հոակին Ֆենիքսի աննկարագրելի դերասանական խաղով: Պատահական չէ, որ ֆիլմը նոմինացված է 11 մրցանակի, եւ այն, անկասկած, «Տղամարդու լավագույն դերի» համար մրցանակ կստանա, ինչպես նաեւ, հավանաբար, կստանա մրցանակ «Լավագույն ադապտացված սցենարի» համար: Ինչպես արդեն նշել ենք, կինոակադեմիան բավականին պահպանողական է եւ քանի որ չի սիրում սթրիմինգային ծառայություններ, դա տարածվում է նաեւ կինոկոմիքսների վրա:

Սեմ Մենդեսի «1917»-ը ակնհայտ առաջնորդ եւ ֆավորիտ է: Ֆիլմը իդեալական է բոլոր առումներով. ֆիլմն ուժեղ է թե՛ ռեժիսուրայով, թե՛ սցենարով, թե՛ հոյակապ դերասանական կազմով, թե՛ շեդեվրալ օպերատորական աշխատանքով, թե՛ մոնտաժով ու երաժշտական եւ վիզուալ բաղադրիչներով:

«1917»-ը հերոսի էպիկական-դրամատիկ պատմությունն է, իսկ կինոակադեմիան շատ է սիրում էպոխալ պաննո. հիշեք Ռիդլի Սքոթի «Գլադիատորը» կամ Փիթեր Ջեքսոնի «Մատանիների տիրակալը»: Հիշեցնենք նաեւ, որ ֆիլմ արդեն հավաքել է կինոմրցանակներ ամենուրեք…

Իսկ ընդհանրապես կանխատեսումները կանխատեսումներով, իսկ «Օսկարը», ինչպես գիտենք, անկանխատեսելի է: Վաղն առավոտյան NEWS.am STYLE-ը կներկայացնի Ձեզ հաղթողների թարմ դասավորությունը: Եվ հենց այդ ժամանակ կտեսնենք՝ համընկնում էին կանխատեսումները, թե՝ ոչ…

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում