Մարտի 9-ից «Արմենիա» հեռուստաընկերության եթերում կմերկնարկի պրոդյուսեր Արմեն Պետրոսյանի՝ Մենչի նոր սիթքոմը, որը կոչվում է «Հարս չկա»: Այն պատմում է ԱՄՆ-ում ծնված եւ մեծացած հայ երիտասարդի մասին, որը որոշում է գալ Հայաստան եւ հենց հայրենիքում փնտրել իր հարսնացուին: NEWS.am STYLE-ի հետ զրույցում Արմեն Պետրոսյանը նշեց, որ սիթքոմի նկարահանումները սկսվելու են մի քանի օրից: Առաջին եթերաշրջանն ամբողջությամբ նկարահանվելու է Հայաստանում, սակայն Մենչի խոսքոով՝ հնարավոր է հետագայում նկարահանումներ լինեն նաեւ Միացյալ Նահանգներում:
Անդրադատնալով սիթքոմի սյուժեին՝ պրոդյուսերը նշեց.
«Գաղափարը նոր չէ. շատ անգամ տարբեր ձեւաչափերով այն ներկայացվել է տարբեր երկրներում: Որոշեցինք մենք էլ իրագործել այն, որովհետեւ թեման հայերիս համար շատ արդիական է»:
Սիթքոմի գլխավոր կերպարին՝ ԱՄՆ-ից ժամանած հայ երիտասարդին, մարմնավորում է սերիալային հայտնի դերասան Բեն Ավետիսյանը, որին հեռուստադիտողը հասցրել է տեսնել «Հանուն սիրո», «Երանի», «Երեւի», «Էլենի օրագիրը» եւ այլ հեռուստասերիալներում: Արմեն Պետրոսյանն առաջին անգամ է իր նախագծում ներառում Բենին, այն էլ՝ գլխավոր դերում: Հարցին՝ ինչպես է ընտրել գլխավոր հերոսի դերակատարին՝ Մենչը պատասխանեց.
«Միշտ ցանկացել եմ նրան որեւէ նախագծում նկարահանել, սակայն միշտ չի ստացվել: Այս անգամ ամեն ինչ ստացվեց, եւ վստահ եմ, որ Բենը կարդարացնի մեր սպասումները»:
Նոր նախագծում հեռուստադիտողը կտեսնի նաեւ այլ հայտնի դերասանների, որոնց կերպարներն Արմեն Պետրոսյանը դեռեւս չի շտապում բացահայտել:
«Կերպարներին այս պահին չեմ բացահայտի, քանի որ ընթերցողներին այդպես շփոթության մեջ կգցեմ, բայց ասեմ, որ հավաքվել է շատ պրոֆեսիոնալ ու սիրված դերասաններից բաղկացած թիմ՝ Անի Խաչիկյան, Գրիգոր Դանիելյան, Գոռ Հակոբյան, Աղաս Մանուկյան, Լեւոն Հարությունյան, Էլեն Ասատրյան, Ժոռ Հովհաննիսյան, Օնո Մանուկյան, Ելենա Բորիսենկո, Տիգրան Գյուլումյան եւ այլք»:
Ինչ վերաբերում է նախագծի ստեղծագործական անձնակազմին՝ Արմենը կրկին նախընտրել է համագործակցել «Ֆուլ Հաուս»-ի եւ իր մյուս հաջողված սիքթոմների թիմի հետ:
«Նկարահանող անձնակազմը նույնն է, ում հետ ես արդեն շատ երկար տարիներ է, ինչ աշխատում եմ: Ռեժիսորը Կարեն Ամյանն է, որի հետ մենք նկարահանել ենք «Ֆուլ Հաուս»-ի բոլոր եթերաշրջանները, «Դեպի երազանք»-ը, «Ֆուլ Yere1»-ը: Նույնը կարող եմ ասել նաեւ սցենարական խմբի մասին՝ Վահան Մովսեսյան, Արտուշ Գեւորգյան եւ Խորեն Թեւանյան, որոնց հետ եւս երկար ճանապարհ ենք անցել»:
Այս պահին Մենչը դեռեւս ԱՄՆ-ում է, բայց պատրաստվում է գալ Հայաստան՝ նկարահանումներին մասնակցելու նպատակով:
Սյունե Առաքելյան
Լուսանկարները՝ հայտնիների Facebook-ի էջերից
Հետևեք NEWS.am STYLE-ին Facebook-ում, Twitter-ում և Instagram-ում
23:37, 17 ապրիլի
Պոռնոդերասանները պատմել են իրենց «ծանր աշխատանքի» մասին22:34, 17 ապրիլի
Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում20:23, 17 ապրիլի
Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար19:37, 17 ապրիլի
Maserati GranCabrio-ն աշխարհում ամենաարագ էլեկտրոմոբիլն է16:11, 17 ապրիլի
Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք15:28, 17 ապրիլի
Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի14:13, 17 ապրիլի
Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը13:19, 17 ապրիլի
Բլեյք Լայվլին իր վերջին ֆիլմի նկարահանման հրապարակում՝ 1920-ականների գանգստերի դերում12:55, 17 ապրիլի
Ջենիֆեր Լոպեսն ապացուցում է, որ 20 տարվա ընթացքում չի ծերացել12:03, 17 ապրիլի
Ռուսական կուլտային «ԴԴՏ» ռոք խումբը համերգով հանդես կգա Երեւանում11:28, 17 ապրիլի
Քիմ եւ Քլոե Քարդաշյանները նշել են իրենց հանգուցյալ հոր՝ Ռոբերտ Քարդաշյանի պատվին բացված բժշկական կենտրոնի հինգերորդ տարեդարձը