• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

Տեւական ժամանակ Լոս Անջելեսում բնակվող երգչուհի Լիլուն եւ նրա ամուսինը՝ Արկադի Վարդանյանը, բալիկի են սպասում: Ուրախ լուրով երգչուհին օրերս է կիսվել երկրպագուների եւ հետեւորդների հետ՝ հայտնելով, որ երկրորդ անգամ է պատրաստվում մայրանալ:

NEWS.am STYLE-ը եւս շտապել է շնորհավորել Լիլուին ուրախալի լուրի առթիվ ու մանրամասներ պարզել նրա ինքնազգացողության, ամուսնու եւ 4 ամյա որդու՝ Ռոբերտի արձագանքի եւ իրենց կարանտինային առօրյայի մասին:

Հղիության լուրը Լիլուն իմացել է մարտ ամսին: Երգչուհին խոստովանում է՝ սկզբում հակասական զգացողություններ է ունեցել, քանի որ կարծել է՝ դեռ շուտ է երկրորդ երեխայի մասին մտածելը, բայց ժամանակի ընթացքում հարմարվել է այդ մտքին ու աժմ իրեն շատ երջանիկ է զգում:

«Այս լուրին ավելի շատ սպասում էր ամուսինս: Ես՝ ինքս, սկզբում շփոթմունքի մեջ էի, դեռ պատրաստ չէի երկրորդ անգամ մայրանալուն, քանի որ մտածում էի՝ դեռ միայն Ռոբերտի խնամքով պետք է զբաղվեմ, իսկ հետո հասկացա, որ ավելի հետաքրքիր կլինի, որ երկու երեխաներիս միաժամանակ մեծացնեմ: Կամաց-կամաց սկսեցի հարմարվել այդ մտքին: Այժմ հաճելի զգացողություններ ունեմ: Շատ հուզվեցի, հատկապես, ամուսնուս էմոցիաներից, երբ իմացավ, որ բալիկի ենք սպասում: Նրա արձագանքը շատ էմոցիոնալ էր»:

Երգչուհին խոստովանում է, որ որդին՝ Ռոբերտը, դեռ չի հարմարվում այն մտքին, որ տանը նոր բալիկ պետք է լինի:

«Ռոբերտը դեռ փոքր է ու շատ լավ չի ընկալում, որ բալիկի ենք սպասում, բայց շատ երեխաների նման ինքն էլ դեռ չի հարմարվում այն մտքին, որ պետք է նոր բալիկ ունենանք: Ասում է՝ չեմ ուզում, թող չգա: Մտածում է՝ կգա ու իր խաղալիքները կտանի, բայց ինքն, առհասարակ, հարմարվող երեխա է, ու կարծում եմ՝ ժամանակի ընթացքում ամեն ինչ կփոխվի, երբ բալիկն արդեն ծնվի ու տանը լինի»:

Լիլուն եւ ամուսինը դեռ չեն պարզել իրենց փոքրիկի սեռը: Ամուսինները որոշել են, որ դա պետք է իմանան հատուկ խնջույքի ժամանակ.

«Այստեղ մի ավանդույթ կա. շատ զույգերի համար ընկերներից մեկը, որն իմանում է երեխայի սեռը, խնջույք է կազմակերպում, որի ժամանակ էլ պաշտոնապես հայտարարվում է դա: Մեր  ընկերներից Թագուիհի Օհանյանն առաջարկեց ստանձնել այդ խնջույքի կազմակերպումը, ու մենք բոլորս հենց այդ օրը կիմանանք այդ լուրը»:

Ինչ վերաբերում է երեխայի անվան ընտրությանը՝ երգչուհին նշեց, որ թե´ տղայի, թե´ աղջկա համար նախընտրելի տարբերակներ կան, բայց դեռեւս չցանկացավ բարձրաձայնել դրանք. երբ երեխան ծնվի, այդ ժամանակ կորոշեն նրա անունը:

Արդեն 4 տարի ԱՄՆ-ում բնակվող երգչուհին չի կարողացել այս ընթացքում լինել Հայաստանում: Հայրենիքի կարոտը նրա համար ծանր թեմաներից է: Հաճախ Հայաստանի մասին խոսելիս արտասվում է եւ հույս հայտնում, որ շատ շուտով սպասված այցը կստացվի: Երգչուհին նաեւ հնարավոր ամեն ինչ անում է, որ որդին երբեք չկտրվի իր երկրից, լեզվից ու մշակույթից:

«Ցավոտ է հատկապես լեզվի պահպանման խնդիրը: Այստեղ տարբեր միջավայրում հիմնականում շփվում են օտար լեզվով, բայց մենք տանը միայն հայերեն ենք խոսում, Հայաստանից ունենք պատվիրված քարտեզ, Այբբենարան, որը հայերենով ենք սովորեցնում: Երբ Ռոբերտը տեսնում է Հայաստանի դրոշը, ուրախությամբ բացականչում է՝ «Մամ, Հայաստա՜նն ա»: Նա շատ լավ գիտի, որ իր երկիրը Հայաստանն է, ու ես ամեն ինչ անում եմ, որ ինքը խոսի հայերեն: Ճիշտ է՝ շատ դժվար է, բայց նա պետք է խոսի հայերեն ու անպայման ճանաչի մեր մշակույթը»,-նշեց երգչուհին:

Լիլուի հետ զրուցեցինք նաեւ կարանտինային առօրյայից: Երգչուհին տեղեկացրեց, որ ինքն էլ շատերի պես օրվա մեծ մասը տանն է անցկացնում.

«Տան գործերն ենք անում, ֆիլմ դիտում, խաղեր խաղում: Փորձում ենք մեզ համար հետաքրքրություններ գտնել:

Ինձ համար ամենից դժվարը դիմակ կրելն է, որովհետեւ շնչելու հետ հապված դժվարություններ է առաջացնում, բայց մնացած սահմանափակումներին հարմարվում եմ, որովհետեւ տարիներ շարունակ անընդհատ աշխատելուց հետո կարոտել էի տանը երկար մնալուն: Հիմա բալիկիս ու ամուսնուս հետ վայելում ենք մեր առօրյան»:

Երգչուհին արդեն որոշել է, թե ում է առաջինը տեսակցելու, երբ երկրում կարանտինն ավարտվի:

«Առաջինն անպայման հյուր ենք գնալու ամունուս տատիկին՝ մեր Ջուլիա տատիկին, որը ողջ կարանտինի ընթացքում ոչ ոքի չի տեսել, իսկապես, շատ կարոտել ենք նրան: Մնացածին, ժամանակ առ ժամանակ, տեսել ենք, իհարկե, չենք գրկախառնվել, չենք համբուրվել, բայց հեռավորության վրա փորձել ենք այդ կարոտն առնել»:

Սյունե Առաքելյան

Լուսանկարները՝ Լիլուի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում