Համասյանի ու Ռիք Ռոզատոյի երաժշտությունը՝ ARARAT-ի լեգենդար համի ու Ձիթողցյանի կտավների ուղեկցությամբ

ՇոկTok. «Մարդիկ ինձ են օգնում. ես եմ որոշում օգնել ընտանիքների, թե`ոչ». Տարոն Սարգսյան

Ֆրանսիական շքեղություն՝ փարիզյան շնչով. Les Nereides զարդերը՝ 6 տարի Երեւանում

Stylish Faces․ Հասմիկ Կարապետյանը՝ իր համար արված խենթ քայլերի, երկրպագուների հանդեպ ամուսնու վերաբերմունքի եւ այլ թեմաների շուրջ

«Վարձով ընտանիք». նոր հումորային նախագիծ` Մարջան Ավետիսյանի, Էմմա Սապունջյանի, Լեւոն Հախվերդյանի մասնակցությամբ

«Լեռները կհիշեն». ինչպես են ընթանում նոր հեռուստասերիալի նկարահանումները

«Լեռները կհիշեն» հեռուստասերիալի դերասանկական կազմը՝ Խուստուփ լեռան բարձունքին

Սեւ կատակերգություն՝ ապրելու կարեւորության մասին. «Սեւազգեստ կանայք» ֆիլմի փակ դիտումը` Երեւանում

Կարմիր գորգ. հայտնիների look-երը` «Սեւազգեստ կանայք» ֆիլմի պրեմիերային

ՇոկTok. «Հորս կարիքն այլեւս չեմ զգում». տիկտոկեր Նանո

Ֆոտովլոգ Արսեն Սարգսյանի հետ. խելահեղ Նյու Յորք

ՇոկTok. «Շատերն են թիկունքիցս հարվածել». տիկտոկեր Մանե (man_go)

BACKSTAGE. Ինչպես են ընթանում «Բոլոլա» սիթքոմի նկարահանումները

ՇոկTok. «Երբեք չեմ ցանկանա տղա լինել». տիկտոկեր Արմինե (@poso)

«Stylish Faces». Հայաստանում ԵՄ պատվիրակության ղեկավար, դեսպան Անդրեա Վիկտորին

Հայտնիների կենդանիները. Դայանա Դավթյանի շնիկը՝ Վիննին, եւ ինչ է պահել «Միսս Տիեզերք Արմենիա 2019» ճանաչված գեղեցկուհին նրանից առաջ

ՇոկTok. «Համբույրի տեսարանի պատճառով հրաժարվել եմ նոր նախագծում նկարահանվել». Լիլիա Վարդանյան

Հայտնիների կենդանիները․ Սյուզաննա Մելքոնյանի կատվիկը, որին երգչուհին տվել է իր սիրելի արտիստի անունը

«Ինձ հաճախ ասում են, որ հայի աչքեր ունեմ». հունահայ երգչուհի Աթենա Մանուկյանի հմայքի ու ինքնավստահության գաղտնիքները

14:05, 7 մայիսի

Ադամանդի պես փայլուն աղջիկ՝ այսպես են «Եվրատեսիլ»-ի երկրպագուներն անվանում «Դեպի Եվրատեսիլ» շոուի հաղթող Աթենա Մանուկյանին, որը շատերին գրավում է ոչ միայն իր երաժշտական գործունեությամբ, այլեւ գեղեցիկ արտաքինով ու հատկապես՝ անկեղծ ժպիտով: Ինչպե՞ս է հաջողվում երգչուհուն անդադար աշխատանքին զուգահեռ պահպանել գրավիչ կառուցվածքն ու միշտ լինել ներկայանալի: «Գեղեցկության գաղտնիքներ» խորագրի շրջանակում NEWS.am STYLE-ն այս անգամ զրուցել է հունահայ երգչուհի Աթենա Մանուկյանի հետ:

Երգչուհին կարծում է՝ գեղեցկությունը գալիս է տվյալ մարդու ներսից, այնուամենայնիվ, հավելում է.

«Իմ ծնողները երկուսն էլ շատ գեղեցիկ են, եւ ինձ շատերն ասում են, որ երկուսին էլ նմանություն ունեմ»:

Աթենան ուրախությամբ է նշում, որ իր արտաքինի մեջ մեծ դեր ունեն նաեւ արմատները.

«Կարծում եմ՝ ես ժառանգել եմ թե´ հայկական, թե´ հունական արտաքին գծեր, ինչն ինձ, իսկապես, շատ է ուրախացնում: Ինձ հաճախ ասում են, որ հայի աչքեր ունեմ, ու ես համաձայն եմ դրա հետ»:

Հնարավոր է՝ կարծեք գեղեցկուհին երկար ժամեր է անցկացնում մարզասրահում, բայց նա հերքում է այս վարկածները.

«Անկեղծ ասած՝ մարզասրահ հաճախելը չի մտնում իմ սիրելի զբաղմունքների մեջ, բայց ես շատ եմ սիրում պարել: Այնպես որ՝ փորձում եմ համատեղել սպորտն ու պարը, իսկ ինչ վերաբերում է հատուկ դիետաներին՝ դա իմը չէ, ես սիրում եմ ուտել: Պարզապես, պետք է չափավոր սնվել, ահա եւ ողջ գաղտնիքը»:

Երգչուհին նաեւ նշում է, որ միշտ բաց է այն փոփոխությունների առաջ, որոնք կարող են բարձրացնել իր տրամադրությունն ու ինքնագնահատականը.

«Եթե ինձ ինչ-որ բան դուր չի գալիս (խսքը հագուստի, սանրվածքի եւ նման բաների մասին է), ես առանց երկմտելու դիմում եմ փոփոխության: Բայց ես կարծում եմ՝ մենք բոլորս պետք է ինքնավստահ լինենք, քանի որ բոլորս էլ գեղեցիկ ենք եւ յուրաքաչյուրիս վրա էլ կան «ադամանդներ»: Ես՝ ինքս, ինքնավստահ եմ, բայց շատ հաճախ կարողանում եմ նաեւ ծիծաղել ինձ վրա, քանի որ երբեմն լինում են պահեր, երբ ալարում եմ ճիշտ համադրել հագուստս, սանրվածքս կամ դիմահարդարումս, ու շատ տարօրինակ տեսք եմ ունենում: Բայց դա վատ չէ, քանի որ ազատ ինքնաարտահայտվելը եւս կարեւոր է: Անպայման փորձեք այդպես անել, եթե դեռ չեք արել (ծիծաղում է)»:

Այնուամենայնիվ, Աթենան խոստովանում է, որ պլաստիկ միջամտությունների դիմելու մասին չի մտածում.

«Չեմ կարծում՝ երբեւէ նմանօրինակ փոփոխություն կանեմ արտաքինումս, քանի որ շատ եմ վախենում պլաստիկ վիրահատություններից: Ամեն դեպքում, կարծում եմ՝ եթե ինչ որ բարդույթներ ես ունենում արտաքինիդ հետ կապված եւ ուզում ես փոխել ինչ-որ բան, ուրեմն արա այդպես: Ես՝ ինքս, պարզապես, չեմ սիրում, երբ ամեն ինչ շատ է արվում: Պետք է նաեւ պահել ներդաշնակությունը»,-ասում է երգչուհին, որն առօրյայում պատրաստ է դուրս գալ անգամ առանց դիմահարդարման.

«Հաճախ հենց այդպես էլ անում եմ, եթե անգամ դիմահարդարվում եմ, ապա՝ շատ թույլ ու բնական: Քանի որ աշխատանքի բերումով հաճախ եմ դիմահարդարվում, առօրյայում նախընտրում եմ լինել հնարավորինս բնական»:

Երգչուհին կարծում է՝ բոլոր կանայք էլ գեղեցիկ են իրենց անհատականության շնորհիվ:

«Անհատականությունը շատ կարեւոր հատկանիշ է: Կարեւոր է, որ կինը լինի ինքնավստահ: Նրա մտածելակերպն ու խոսալաձեւը եւս շատ կարեւոր են: Կինը պետք է լինի նրբաճաշակ, բայց նաեւ՝ զավեշտալի եւ չվախենա, ժամանակ առ ժամանակ, դուրս գալ իր հարմարավետության գոտուց: Միաձուլեք այս հատկանիշները, եղեք խենթ՝ այնպիսին, ինչպիսին կաք»:

Սյունե Առաքելյան

Լուսանկարները՝ Աթենա Մանուկյանի ֆեյսբուքյան էջից


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել
  • Հարցում
Քվեարկել են (9)  |  Այլ հարցում